Óskar Pétur Einarsson (lögregluþjónn)

Óskar Pétur Einarsson lögregluþjónn í Stakkholti fæddist 11. janúar 1908 og lést 13. maí 1978.

Faðir Óskars var Einar bóndi á Búðarhóli 1912-1931, f. 29. apríl 1867, d. 4. ágúst 1950, Nikulásson bónda í Krosshjáleigu (nú Kross II) í A-Landeyjum, f. 5. maí 1833, d. 9. mars 1889, Árnasonar bónda í Rimakoti, f. 5. ágúst 1803, d. 12. janúar 1854, Pálssonar, og fyrri konu Árna Pálssonar í Rimakoti, (30. október 1829), Ingveldar húsfreyju, f. 29. september 1806 á Núpi undir Eyjafjöllum, d. 6. ágúst 1843, Ormsdóttur.
Móðir Einars bónda á Búðarhóli og kona Nikulásar var Oddný húsfreyja, f. 20. apríl 1837, d. 17. apríl 1891, Gunnlaugsdóttir bónda og formanns í Litlu-Hildisey, f. 28. ágúst 1804 á Bryggjum, d. 21. nóvember 1884 í Litlu-Hildisey, Einarssonar bónda í Litlu-Hildisey Árnasonar, og konu Gunnlaugs í Litlu-Hildisey (28. nóvember 1803) Oddnýjar húsfreyju, f. 1769 á Ljótarstöðum í A-Landeyjum, Guðmundsdóttur bónda á Skíðbakka Þorleifssonar.

Móðir Óskars lögregluþjóns og kona (3. júní 1892) Einars á Búðarhóli var Valgerður húsfreyja, f. 15. maí 1870, d. 15. júlí 1941, Oddsdóttir bónda á Krossi í A-Landeyjum og formanns við Fjallasand og í Eyjum, f. 7. október 1842 á Hrútafelli u. Eyjafjöllum, d. 16. nóvember 1922 á Heiði á Rangárvöllum, Péturssonar bónda á Hrútafelli, f. 15. júní 1813, d. 14. júní 1862, Oddssonar, og konu Péturs á Hrútafelli, Valgerðar húsfreyju, f. 7. janúar 1809, d. 29. apríl 1876, Hróbjartsdóttur.
Móðir Valgerðar á Búðarhóli og fyrri kona Odds Péturssonar (22. júlí 1869) var Sigríður húsfreyja, f. 5. júlí 1840 í Skálakoti u. Eyjafjöllum, d. 27. febrúar 1885 á Krossi í A-Landeyjum, Árnadóttir.

Óskar lærði skipasmíðar hjá Gunnari Marel og vann við þá iðn hjá honum um skeið.
Hann gerðist lögregluþjónn 1947 og stundaði það starf til starfsloka.

Kona Óskars lögregluþjóns var Guðný Svava Gísladóttir frá Arnarhóli.
Foreldrar hennar voru Gísli Jónsson útvegsbóndi á Arnarhóli í Eyjum, f. 23. janúar 1883, d. 26. október 1977, og kona hans Guðný Einarsdóttir húsfreyja á Arnarhóli, f. 10. maí 1885, d. 31. mars 1956.
Þau eignuðust Stakkholt 1943 og bjuggu þar síðan.

Börn Óskars og Guðnýjar :
1. Guðný Óskarsdóttir, f. 1. júní 1935. Maður hennar Páll Sæmundsson.
2. Valgerður Erla Óskarsdóttir, f. 24. maí 1937, d. 6. nóvember 2015, kona Friðriks á Löndum, látinn.
3. Gísli Óskarsson, f. 19. júní 1939, d. 12. mars 2009. Kona hans Kristín Haraldsdóttir.
4. Rebekka Óskarsdóttir, f. 23. október 1941, d. 26. október 1971. Maður hennar Ari Pálsson, látinn.
5. Sigurbjörg Rut Óskarsdóttir, f. 22. september 1946. Maður hennar Atli Einarsson.
6. Einar Óskarsson, f. 7. janúar 1952, d. 24. júlí 2018. Fyrrum kona hans Guðrún Ingimundardóttir. Barnsmóðir Einars Eygló Ólafsdóttir. Fyrrum kona Einars Anna Peggy Friðriksdóttir. Sambúðarkona Einars Sigrún Ólafsdóttir.

Oddur Pétursson og Sigríður Árnadóttir á Krossi voru foreldrar Sigurðar Péturs í Skuld, föður Skuldarsystkina, og Valgerðar Oddsdóttur, konu Einars á Búðarhóli.

Börn Einars Nikulássonar á Búðarhóli og konu hans Valgerðar Oddsdóttur Péturssonar hér voru:
1. Óskar Pétur Einarsson lögregluþjónn, f. 1908. (Sjá ofar).
2. Guðný Kristjana Einarsdóttir húsfreyja, f. 1891, síðari kona Haraldar Sigurðssonar á Sandi, og voru þau m.a. foreldrar
a) Rúriks Haraldssonar leikara,
b) Haraldar Ágústs Haraldssonar járnsmiðs, f. 1919,
c) Friðriks Haraldssonar bakarameistara, f. 1922,
d) Ásu Haraldsdóttur húsfreyju, f. 1928.
3. Sigurbjörg Einarsdóttir húsfreyja í Breiðholti, kona Bjarna dýaralæknis, en þau voru foreldrar:
a) Sigríðar Ingibjörgar forstöðukonu, f. 1931,
b) Einars Vals yfirlæknis, f. 1932, og
c) Gunnhildar skólaritara f. 1935.
4. Sigurjón Einarsson bóndi á Búðarhóli, f. 1894. Bjó í Eyjum frá 1952, kvæntur Margréti Jósepsdóttur húsfreyju. Þau voru foreldrar Einars Birgis lögregluþjóns, f. 1933.

Systir Einars Nikulássonar á Búðarhóli var
Ingveldur Nikulásdóttir húsfreyja á Álftárhóli í A-Landeyjum, f. 20. nóvember 1859, d. á Vilborgarstöðum 8. október 1944.
Dætur hennar í Eyjum voru:
1. Nikólína Halldórsdóttir húsfreyja á Vilborgarstöðum, barnlaus, og
2. Elín Halldórsdóttir á Landagötu 16.
Börn Elínar hér:
a) Björg Ágústsdóttir húsfreyja, f. 18. ágúst 1923, d. 30. september 2005, kona Sigurgeirs Kristjánssonar yfirlögregluþjóns, síðar forstjóra.
b) Halldór Ágústsson vélstjóri, f. 26. október 1926 í Víðidal, d. 9. janúar 1957, tók út af vb. Maí. Hann var kvæntur Guðbjörgu Sigurjónsdóttur frá Víðidal, f. 29. desember 1921, d. 1. maí 1912.
c) Jóhann Nikulás Ágústsson kaupsýslumaður í Reykjavík, f. 18. september 1932 í Stóru-Breiðavík við Reyðarfjörð, kvæntur Þóru Stefánsdóttur húsfreyju, f. 23. maí 1936.
3. Oddný Halldórsdóttir húsfreyja í Sigtúni, barnlaus.

Nánar um ættir þessar.
Sum börn Árna Pálssonar og Ingveldar Ormsdóttur í Rimakoti í A-Landeyjum, sem bjuggu í Eyjum eða áttu þar afkomendur:
I. Dóttir þeirra var Ingibjörg Árnadóttir húsfreyja á Efrahvoli, kona Sigurðar Gunnlaugssonar bónda þar:
1. Sonur þeirra var Páll Sigurðsson bifreiðastjóri í Laufholti, kvæntur Soffíu Helgadóttur.
a) Sonur þeirra var Björgvin Hafsteinn Pálsson frá Brekkuhúsi, fæddur 20. janúar 1909, hrapaði til bana 22. maí 1932.
2. Dóttir þeirra var Sigurbjörg Sigurðardóttir húsfreyja í Brekkuhúsi, kona Sigurðar Sveinbjörnssonar bónda.
a) Sonur þeirra var Sigurjón Sigurðsson formaður, síðar fisksali.
Börn hans: Sjá síðu Sigurjóns.
b) Dóttir þeirra var Aðalheiður Sigurðardóttir húsfreyja í Stóra Hvammi, kona Árna Finnbogasonar.
Börn þeirra: Sjá síðu Aðalheiðar.
3. Sonur þeirra var Ingvar Sigurðsson vinnumaður á Gjábakka f. 20. júlí 1875, d. 27. október 1896.

II. Árni Árnason á Vilborgarstöðum.
1. Árni á Grund.
a) Árni símritari.
b) Lárus Árnason bifreiðarstjóri á Búastöðum.
c) Bergþóra Árnadóttir húsfreyja á Heiði, kona Jóhannesar Long.
d) Guðfinna Ástdís Árnadóttir.
e) Auðbjörg Ástrós Árnadóttir.

III. Björg húsfreyja á Vilborgarstöðum, kona Sighvats Sigurðssonar.
1. Björg á Gilsbakka, kona Erlendar á Gilsbakka.
2. Friðrika húsfreyja á Vilborgarstöðum, kona Vigfúsar P. Schevings. Þau voru foreldrar Sigfúsar í Heiðarhvammi, Jóhanns Scheving á Vilborgarstöðum og Pálínu Kristjönu Scheving.
3. Sigríður Sighvatsdóttir, kona Jóns Eyjólfssonar formanns á Kirkjubæ.
Hún var móðir
a) Lofts á Vilborgarstöðum,
b) Kjartans á Búastöðum,
c) Sigurðar Björgvins,
d) Jónínu Sigríðar.
Sigríður eignaðist
e) Júlíönu á Búastöðum með Sigurði í Nýborg.

IV. Guðbjörg Árnadóttir. Hún var kona Bergs Magnússonar bróður Ólafs í Nýborg.
Sonur þeirra var
a)Sigurður Bergsson, f. 1865, d. 1874.

V. Nikulás bóndi í Krosshjáleigu í A-Landeyjum, - faðir Einars á Búðarhóli þar. Sjá afkomendur Einars hér ofar.

VI. Sigríður Árnadóttir bústýra á Sléttubóli í A-Landeyjum, f. 30. júní 1838 í Rimakoti. Sambýlismaður hennar og barnsfaðir var Guðmundur Diðriksson bóndi þar.
a) Guðmundur Guðmundsson í Hrísnesi hér, f. 26. ágúst 1867, d. 24. febrúar 1950, kvæntur Guðríði Andrésdóttur, f. 10. nóvember 1880.
aa) Guðmundur Andrés Guðmundsson, f. 16. nóvember 1915, d. 1. janúar 1994.
b) Þórunn Guðmundsdóttir húsfreyja, kona Hreins Skúlasonar bónda á Bryggjum í A-Landeyjum.
ba) Guðbjörg Sigríður Hreinsdóttir húsfreyja á Litla-Hrauni, f. 6. maí 1890, d. 24. desember 1951, kona Jóhanns Ívarssonar.
bb) Hannes Hreinsson á Hæli.

VII. Jón Árnason vinnumaður í Draumbæ, f. 14. desember 1847, d. 16. júní 1883. Hann var sonur seinni konu Árna í Rimakoti. Ókvæntur.

---

Heimildir

• Samantekt: Víglundur Þór Þorsteinsson.
• Árni Árnason.
• Heimaslóð.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.
• Blik 1960: Nýborgarheimilið, II. hluti.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Valgerður Erla Óskarsdóttir.
• Friðrik Ásmundsson.
• Manntöl.
• Íslendingabók.is.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---