Einar Valur Bjarnason

Úr Heimaslóð, Sögusetri Vestmannaeyja
Fara í flakk Fara í leit
Else og Einar.

Einar Valur Bjarnason var sjúkrahúslæknir. Einar fæddist í Vestmannaeyjum þann 25. mars 1932 og lést 5. september 2014. Foreldrar hans voru hjónin í Breiðholti, Bjarni Bjarnason dýralæknir og Sigurbjörg Einarsdóttir.

Einar varð stúdent frá Menntaskólanum í Reykjavík árið 1952. Tók próf cand. med frá Háskóla Íslands árið 1961. Einar starfaði sem aðstoðarlæknir á Landspítalanum frá 1961 til 1962 og við Sjúkrahús Vestmannaeyja 1962 til 1963. Hann vann síðan við lyflækningadeild Amts og Bys. Sgh. í Kolding í Danmörku og víðar erlendis. Hann fékk almennt lækningaleyfi árið 1972 og varð sérfræðingur í lyflækningum árið 1974. Einar Starfaði sem yfirlæknir við lyflækningadeild Sjúkrahússins í Vestmannaeyjum til ársins 2000.

Fyrri kona hans er Jakobína B. Hjálmarsdóttir og áttu þau saman þrjár dætur.

Seinni kona hans er Else Bjarnason og þau eiga saman einn son. Þau búa á Selfossi.



Heimildir

  • Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.