Ögmundur Ólafsson (Litlalandi)

Ögmundur Ólafsson á Litlalandi, útgerðarmaður, vélstjóri fæddist 6. júní 1894 í Litlabæ á Álftanesi, og lést 29. september 1995.
Foreldrar hans voru Ólafur Stefánsson í Litlabæ og Melshúsum á Álftanesi, síðar á Ólafsvöllum í Eyjum, f. 13. ágúst 1865 á Hömrum í Grímsnesi, d. 20. apríl 1941, og fyrri kona hans Málfríður Loftsdóttir húsfreyja, f. 1. september 1868 á Álftanesi, d. 19. ágúst 1904.

Systkini Ögmundar í Eyjum voru:
1. Valgerður Ólafsdóttir, f. 1. apríl 1897. Hún fór til Reyðarfjarðar 1915.
Hálfbróðir, af sama föður, var
2. Ólafur Unnfriður Ólafsson, f. 19. júlí 1909, d. 30. september 1927.

Ögmundur var sjómaður frá unga aldri, fékk vélstjóraréttindi 1917, var vélstjóri á mörgum bátum um árabil, skipstjóri og útgerðarmaður um skeið.
Um sextugt varð hann vélstjóri hjá Fiskimjölsverksmiðjunni í Eyjum og starfaði þar á annan áratug.

Ögmundur var með foreldrum sínum í Mölshúsi á Álftanesi 1901, með föður sínum og Þorbjörgu Maríu Sigurðardóttur húsfreyju, síðari konu Ólafs föður síns í Björnsskúr á Seyðisfirði 1910.
Hann fluttist frá Seyðisfirði að Hjálmholti 1912, ásamt föður sínum, Þorbjörgu stjúpu sinni og Valgerði systur sinni og Ólafi Unnfriði hálfbróður sínum.
Þau Rannveig giftu sig 1916 og bjuggu þá á Ólafsvöllum. Rannveig ól andvana stúlku á Mosfelli 1916, Gísla Magnús þar 1917.
Þau bjuggu á Kirkjubæ 1918. Þar lést Rannveig 1918.
Ögmundur bjó hjá föður sínum 1919-1922.
Hann kvæntist Guðrúnu 1923. Þau bjuggu í Garðsfjósi 1924, í Kornhól 1925 og enn 1928, en á Laugalandi 1930, á Auðsstöðum 1932, á Múla 1934.
Þau Guðrún voru komin að Litlalandi 1940 og bjuggu þar til Goss. Þau eignuðust 10 börn.
Þau fluttust til Reykjavíkur 1973 og bjuggu þar síðan.
Guðrún lést 1992 og Ögmundur 1995.

Ögmundur var tvíkvæntur.
I. Fyrri kona hans, (11. mars 1916), var Rannveig Óladóttir, þá á Ólafsvöllum, f. 18. desember 1893 í Mjóafirði eystra, d. 14. nóvember 1918 á Kirkjubæ.
Börn þeirra voru:
1. Andvana stúlka, f. 5. september 1916 á Mosfelli.
2. Gísli Magnús Ögmundsson vélstjóri, síðar í Ólafsvík, f. 13. ágúst 1917. Fósturforeldrar hans voru Nikulás Illugason og Kristín Pálsdóttir í Sædal við Vesturveg 6.

II. Síðari kona hans, (26. desember 1923), var Guðrún Jónsdóttir, f. 17. maí 1899, d. 16. mars 1992.
Börn þeirra:
1. Jón Sveinbjörn Ögmundsson, f. 3. ágúst 1924 í Garðsfjósi, d. 19. júlí 1945.
2. Margrét Ögmundsdóttir húsfreyja í Reykjavík, f. 9. ágúst 1925 í Kornhól, d. 8. apríl 2009.
3. Ólafur Friðrik Ögmundsson bifreiðastjóri í Vík í Mýrdal, síðar í Hveragerði, f. 7. nóvember 1926 í Kornhól, d. 20. apríl 2010.
4. Sigurður Ögmundsson skipstjóri, f. 18. desember 1928 í Kornhól, d. 25. apríl 1987.
5. Ágúst Ögmundsson vélstjóri, síðar starsmaður símans í Danmörku, f. 7. apríl 1932 á Auðsstöðum, (Brekastíg 15b), d. 19. júní 2003.
6. Guðbjörg Ögmundsdóttir húsfreyja, verslunarmaður í Vík í Mýrdal, f. 11. október 1933.
7. Sigurbjörn Ögmundsson skipstjóri í Hrísey, f. 29. maí 1935 á Múla, Bárugötu 14 B, d. 18. apríl 2015.
8. Málfríður Ögmundsdóttir fulltrúi í Kópavogi, f. 25. nóvember 1939 á Litlalandi.
9. Þóra Björg Ögmundsdóttir verslunarmaður á Selfossi, f. 16. júní 1944 á Kirkjuvegi 59, Litlalandi.
10. Jón Ögmundsson vélvirki við Sigölduvirkjun, f. 18. september 1945 á Litlalandi.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Morgunblaðið 8. október 1995. Minning.
• Prestþjónustubækur.
• Sjómannadagsblað Vestmannaeyja 1996; Minning látinna.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---