Hjálmholt

Hjálmholt

Íbúar í Hjálmholti

Hjónin í Hjálmholti, Hulda og Óli

Húsið Hjálmholt stóð við Urðarveg 34. Það var reist af Ingibergi Hannessyni á árunum 1910-12 og stækkað 1964. Ingibergur var ævinlega nefndur Bergur í Hjálmholti og þótti hafa mjög róttækar stjórnmálaskoðanir.

Hjálmholt var tvíbýlishús. Í eystri hlutanum bjuggu Ingibergur Hannesson og Guðjónína Pálsdóttir og síðar seinni kona hans Sigurlaug Þorsteinsdóttir. og þegar gaus bjuggu í eystri hlutanum Ólafur, sonur Ingibergs, ásamt konu sinni Eyrúnu Huldu Marinósdóttur og syni þeirra Viðari.

Í vestari hlutanum bjuggu Guðlaugur Kristjánsson og Gíslína Gísladóttir, Jón Tómasson og Steinunn Árnadóttir þegar gaus bjuggu Ólöf Sigvaldadóttir og Sigurlaug Þorsteinsdóttir.

---

Heimildir

• Íbúaskrá Vestmannaeyja 1. desember 1972.
• Húsin undir hrauninu, haust 2012.

Forsíða byggðarinnar undir hrauninu