Þóra Sigurjónsdóttir (Víðidal)

Þóra Sigurjónsdóttir er fædd 17. júní 1924. Foreldrar hennar voru Sigurjón Jónsson og Guðríður Þóroddsdóttir í Víðidal.

Eiginmaður Þóru var Óskar Matthíasson og eignuðust þau 7 börn:

• Matthías Óskarsson
• Sigurjón Óskarsson
• Kristján Valur Óskarsson
• Óskar Þór Óskarsson
• Leó Óskarsson
• Þórunn Óskarsdóttir
• Ingibergur Óskarsson

Tenglar

• Grein um Þóru í Morgunblaðinu á sjötugsafmæli sínu

---

Heimildir

• Íslendingabók

Frekari umfjöllun

Þóra Sigurjónsdóttir.

Þóra Sigurjónsdóttir frá Víðidal, húsfreyja fæddist þar 17. júní 1924 og lést 16. maí 2013 í Sjúkrahúsinu.
Foreldrar hennar voru Sigurjón Jónsson sjómaður, útgerðarmaður, f. 3. júlí 1887 að Vesturholtum u. Eyjafjöllum, d. 20. júní 1933, og kona hans Guðríður Sigurbjörg Þóroddsdóttir húsfreyja, f. 17. júní 1886 í Dalseli u. V. -Eyjafjöllum, d. 16. ágúst 1956.

Börn Guðríðar og Sigurjóns:
1. Sigríður Anna Sigurjónsdóttir, f. 15. ágúst 1915, d. 5. október 1989.
2. Björg Sigurjónsdóttir, f. 19. janúar 1917, d. 2. mars 2004.
3. Guðbjörg Sigríður Sigurjónsdóttir, f. 29. desember 1921, d. 1. maí 2012.
Guðbjörg Sigríður Sigurjónsdóttir 29. desember 1921 - 1. maí 2012.
4. Þóra Sigurjónsdóttir, f. 17. júní 1924 í Víðidal, d. 1. maí 2012.
5. Soffías Sigurjónsson, f. 8. maí 1926 í Víðidal, d. 5. ágúst 1931.

Þóra var með foreldrum sínum fyrstu níu ár sín, en þá lést faðir hennar. Móðir hennar var sjúklingur og lögð á sjúkrahús 1935.
Þóra var hjá Þóroddi Ólafssyni móðurbróður sínum næstu árin, en síðan héldu systurnar heimili í Víðidal. Hún vann fyrir sér á ýmsa vegu. 1939 fór hún í Öræfi og síðan í Borgarfjörð í kaupavinnu.
Þegar heim kom var hún vinnukona hjá Huldu Guðmundsdóttur frá Hrafnagili, vann síðan við fiskiðnað í Hraðfrystistöðinni og síðan var hún vinnukona hjá Önnu Friðbjarnardóttur og Ásmundi Guðjónssyni.
Þau Óskar hófu útgerð 1946 með kaupum á Nönnu VE 300 og gerðu hana út til 1951. Þá keyptu þau Leó VE 294 og gerðu út uns þau fengu nýsmíðaðan Leó frá A.-Þýskalandi 1959, sem fékk einkennisstafina VE 400. 1971 var fyrsta skipið með nafni móður Óskars, Þórunn Sveinsdóttir, smíðað í Stálvík í Garðabæ. Önnur Þórunn Sveinsdóttir var smíðuð í Slippstöðinni á Akureyri 1991 og þriðja Þórunnin var smíðuð í Danmörku og gaf Þóra, þá 86 ára, henni nafn 2010.
Þau Óskar giftu sig 1943, eignuðust sjö börn. Þau bjuggu í fyrstu á Stóra Gjábakka, keyptu húsið Eyvindarholt við Brekastíg 7b 1946. Þau byggðu húsið við Illugagötu 2 1956 og bjuggu þar síðan, en dvöldu að síðustu í Reykjavík.
Óskar lést 1992.
Þóra bjó síðast á Hásteinsvegi 62.
Hún lést 2013.

Þóra og Óskar með sex börn sín.

I. Maður Þóru, (6. nóvember 1943), var Óskar Matthíasson vélstjóri, útgerðarmaður, skipstjóri frá Byggðarenda við Brekastíg 15a, f. 22. mars 1921, d. 21. desember 1992.
Börn þeirra:
1. Matthías Óskarsson skipstjóri og útgerðarmaður, f. 16. janúar 1944 á Stóra Gjábakka. Kona hans Ingibjörg Pétursdóttir.
2. Sigurjón Óskarsson skipstjóri og útgerðarmaður, f. 3. maí 1945 á Stóra Gjábakka. Kona hans Sigurlaug Alfreðsdóttir
3. Kristján Valur Óskarsson skipstjóri og útgerðarmaður, f. 13. maí 1946 á Stóra Gjábakka. Kona hans Emma Pálsdóttir.
4. Óskar Þór Óskarsson verktaki, f. 10. nóvember 1951 í Eyvindarholti. Kona hans Sigurbjörg Helgadóttir.
5. Leó Óskarsson skipstjóri og útgerðarmaður, f. 4. ágúst 1953 í Eyvindarholti. Sambúðarkona hans María Lovísa Kjartansdóttir.
6. Þórunn Óskarsdóttir hjúkrunarfræðingur, f. 11. október 1954. Maður hennar Sigurður Jón Hjartarson.
7. Ingibergur Óskarsson rafvirkjameistari, f. 27. ágúst 1963. Kona hans Margrét Pétursdóttir.

---

Heimildir

• Samantekt: Víglundur Þór Þorsteinsson.
• Íbúaskrá Vestmannaeyja 1972.
• Íslendingabók.is.
• Morgunblaðið 25. maí 2013. Minning.
• Morgunblaðið 6. janúar 1993. Minning Óskars.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---

Myndir

• 
• 
•