Guðrún Sigurjónsdóttir (Brimhólabraut)

Guðrún Sigurjónsdóttir húsfreyja á Brimhólabraut 13 fæddist 19. júlí 1925 á Haugnum (Dyrhólahjáleigu) í Mýrdal og lést 6. ágúst 2021.
Foreldrar hennar voru Sigurjón Runólfsson bóndi á Haugnum, f. 18. nóvember 1879, d. 20. júní 1976, og kona hans Guðrún Runólfsdóttir húsfreyja, f. 5. október 1883 í Nýjabæ í Meðallandi, d. 27. febrúar 1958 í Reykjavík.

Föðurmóðir Guðrúnar var Vilhelmína Eiríksdóttir húsfreyja á Ketilsstöðum í Mýrdal, síðar í Eyjum, f. 26. desember 1839 í Pétursey þar, d. 25. febrúar 1920 í Hjálmholti.
I. Börn Vilhelmínu og Runólfs Sigurðssonar:
1. Elín Runólfsdóttir húsfreyja í Brekkuhúsi, f. 20. september 1873, d. 7. mars 1869.
2. Katrín Runólfsdóttir, f. 1876, d. 1893.
3. Gísli Runólfsson, f. 1877, d. 1877.
4. Sigurjón Runólfsson, f. 1879, d. 1976.
5. Hugborg Runólfsdóttir, f. 1881, d. 1982.

II. Bróðir Vilhelmínu var Hjálmar Eiríksson bóndi á Ketilsstöðum í Mýrdal og Efri-Rotum u. Eyjafjöllum.

Hjálmar var tvíkvæntur:
Fyrri kona Hjálmars, (9. júní 1853), var
I. Guðrún Jónsdóttir húsfreyja á Ketilsstöðum og á Fögruvöllum, f. 1823 á Flögu í Skaftártungu, d. 31. ágúst 1860 á Fögruvöllum.
Börn þeirra í Eyjum:
1. Þórunn Hjálmarsdóttir húskona á Lágafelli, fyrr húsfreyja og ljósmóðir á Ljótarstöðum í Skaftártungu, kona Sigurðar Sigurðssonar bónda þar, f. 13. ágúst 1853 á Ketilsstöðum í Mýrdal, d. 15. janúar 1938 í Skammadal þar.
2. Þorgerður Hjálmarsdóttir húsfreyja í Dölum, f. 4. júní 1855 á Ketilsstöðum, d. 2. mars 1939 í Eyjum, kona Jóns Gunnsteinssonar bónda.
3. Eiríkur Hjálmarsson kennari á Vegamótum, maður Sigurbjargar Rannveigar Pétursdóttur húsfreyju, fæddur 11. ágúst 1856 á Ketilsstöðum, d. 5. apríl 1931 í Eyjum.

Síðari kona Hjálmars, (16. nóvember 1877) var
II. Kristín Sveinsdóttir húsfreyja frá Syðstu-Grund u. Eyjafjöllum, f. 25. nóvember 1839, d. 1. febrúar 1925.
Börn þeirra í Eyjum voru:
4. Hjálmrún Hjálmarsdóttir vinnukona, síðar ráðskona í Reykjavík, f. 16. mars 1878, d. 9. mars 1950. Sambýlismaður hennar var Sigurður Sigmundsson frá Kotströnd í Ölfusi, verkamaður í Reykjavík.
5. Guðrún Hjálmarsdóttir húsfreyja á Akri, f. 12. apríl 1879 á Efri-Rotum, d. 23. september 1928 í Eyjum, kona Guðmundar Þórðarsonar vélstjóra og útgerðarmanns.
6. Helgi Hjálmarsson, – að Hamri, f. 13. október 1880 á Efri-Rotum, d. 6. apríl 1876. Konur hans voru Guðbjörg Vigdís Guðmundsdóttir húsfreyja og Sigríður Sigurðardóttir húsfreyja.

III. Barnsmóðir Hjálmars var Ingibjörg Gísladóttir, síðar húsfreyja í Oddakoti í A-Landeyjum, f. 2. mars 1852, d. 31. desember 1933.
Barn þeirra var
7. Sigurbjörg Hjálmarsdóttir húsfreyja í Oddhól, f. 6. september 1884 á Efri-Rotum, d. 15. ágúst 1937, kona Ólafs Guðmundssonar verkamanns. Þau voru foreldrar Guðmundar Kristins manns Guðrúnar Sigurjónsdóttur. Þau Guðmundur Kristinn voru því þremenningar.

Guðrún var með foreldrum sínum á Haugnum (Dyrhólahjáleigu) til 1946. Þá fór hún til Eyja.
Hún giftist Guðmundi Kristni 1947 og bjó með honum og barni þeirra, Hjálmari, í Bergholti, Vestmannabraut 67 1948. Þau voru komin á Brimhólabraut 13 við fæðingu Ólafs 1952 og þar bjuggu þau síðan nema í Gosinu, er þau bjuggu tvö ár í Kópavogi.
Þau eignuðust fimm börn.
Guðmundur Kristinn lést 2002 og Guðrún 2021.

I. Maður Guðrúnar, (28. desember 1947), var Guðmundur Kristinn Ólafsson frá Oddhól vélstjóri, f. 23. ágúst 1918 í Ásgarði, d. 4. mars 2002 á Heilbrigðisstofnun Vestmannaeyja.
Börn þeirra:
1. Hjálmar Guðmundsson vélfræðingur í Vestmannaeyjum, f. 14. september 1948 í Bergholti.
2. Ólafur Guðmundsson vélfræðingur, f. 7. nóvember 1952 á Sjúkrahúsinu.
3. Sigurjón Guðmundsson bankastarfsmaður, f. 15. júní 1954 að Brimhólabraut 13.
4. Guðni Guðmundsson tölvunarfræðingur, f. 28. júní 1959 á Sjúkrahúsinu.
5. Sigrún Guðmundsdóttir matvælafræðingur í Hafnarfirði, f. 9. mars 1962 að Brimhólabraut 13.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Morgunblaðið 16. mars 2002. Minning Guðmundar Kristins Ólafssonar.
• Prestþjónustubækur.
• Vestur-Skaftfellingar 1703-1966. Björn Magnússon. Leiftur 1970-1973.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---