Sigrún Guðmundsdóttir (Ásnesi)
Sigrún Guðmundsdóttir húsfreyja í Ásnesi og Hljómskálanum fæddist 23. janúar 1915 í Litla-Skarði í Stafholtstungum í Borgarfirði og lést 18. ágúst 2008.
Foreldrar hennar voru Guðmundur Kristjánsson
verkamaður, ,,gúmmílímari“ frá Grísatungu í Mýrasýslu, síðar í Bjarkarlundi, (Vallargötu 6), f 14. mars 1884, d. 22. febrúar 1964, og kona hans Guðrún Jónsdóttir húsfreyja frá Hjarðarbóli á Snæfellsnesi, f. 6. febrúar 1882, d. 17. september 1959.
Börn Guðrúnar og Guðmundar voru:
1. Kristinn verkamaður á Skagaströnd, f. 11. ágúst 1903, d. 1. desember 1986. Kona hans var Þórunn Sigurðardóttir.
2. Guðlaugur Sigurbjörn, f. 25. júní 1907, d. 22. júlí 1908.
3. Guðrún Margrét húsfreyja á Reynifelli og í Bjarkarlundi, f. 20. júní 1909, d. 7. júlí 2000, gift Guðsteini Þorbjörnssyni sjómanni.
4. Sigurbjörg Guðmundsdóttir, f. 9. ágúst 1910, d. 20. febrúar 1911.
5. Kristján verkamaður, síðar bóndi á Skagaströnd, f. 2. desember 1911, d. 16. apríl 1979. Hann var fyrr kvæntur Guðnýju Ingibjörgu Einarsdóttur frá Siglufirði, síðar Fjólu Gísladóttur.
6. Sigrún, f. 23. janúar 1915, d. 18. ágúst 2008. Hún var fyrr gift Guðmundi Guðmundssyni málarameistara, síðar gift Þórði Ólafssyni sjómanni í Eyjum og Grindavík.
7. Jónína Lilja húsfreyja, f. 21. maí 1920, d. 14. febrúar 2004. Sambýlismaður hennar var Axel Sveinsson verkamaður, sjómaður, en síðari maður hennar var Einar Jónsson sjómaður á Kalmanstjörn.
Sigrún var með foreldrum sínum í æsku og fluttist með þeim til Eyja 1931.
Hún giftist Guðmundi málara. Þau bjuggu með Fanneyju í Ásnesi 1934, í Hljómskálanum, (Hvítingavgi 10) 1940 með 4 börnum sínum.
Hjónin skildu litlu síðar og Sigrún fluttist brott úr Eyjum. Hún giftist Þórði og eignaðist með honum fjögur börn og bjó á Stokkseyri og í Grindavík.
Eftir lát Þórðar bjó hún með Jóni Bjarnasyni bréfbera.
Sigrún bjó síðast í Víðihlíð í Grindavík. Hún lést 2008.
I. Fyrsti maður hennar, (skildu), var Guðmundur Guðmundsson málarameistari, f. 18. maí 1905, d. 14. september 1981.
Börn þeirra:
1. Fanney Guðmundsdóttir, f. 22. maí 1934 í Ásnesi. Maður hennar Jón Hólmgeirsson, látinn.
2. Andvana stúlka, f. 9. júlí 1935 í Hljómskálanum, (Hvítingavegi 10).
3. Hrefna Guðrún Guðmundsdóttir, f. 11. september 1936 í Hljómskálanum, d. 2. maí 2010. Maður hennar Guðbrandur Eiríksson, látinn.
4. Unnur Guðmundsdóttir, f. 10. júlí 1938 í Hljómskálanum, d. 25. apríl 1997. Maður hennar Ólafur Ágústsson.
5. Már Guðmundsson málari, f. 19. ágúst 1939 í Hljómskálanum. Kona hans Jóhanna Kristjánsdóttir.
II. Annar maður Sigrúnar var Þórður Ólafsson vélstjóri frá Hvítingavegi 8, Snæfelli, f. 24. maí 1906, d. 18. maí 1975.
Börn þeirra:
6. Gylfi Þórðarson, f. 4. október 1943. Kona hans var Hrönn Kristjánsdóttir.
7. Dagný Þórðardóttir, f. 10. mars 1945, d. 12. mars 1982. Maður hennar var Reynir Ríkharðsson.
8. Andvana drengur.
9. Rúnar Þór Þórðarson, f. 17. desember 1951. Fyrri kona hans var Björk Birgisdóttir. Síðari kona hans Margrét Guðfinnsdóttir.
III. Sambýlismaður Sigrúnar var Jón Bjarnason póstur, f. 4. september 1911, d. 22. mars 2006.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 4. september 2008. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.