Guðlaug Pétursdóttir (Kirkjubæ)
Guðlaug Pétursdóttir frá Kirkjubæ, húsfreyja, kaupmaður fæddist 25. september 1928 á Aðalbóli.
Foreldrar hennar voru Pétur Guðjónsson bóndi, sjómaður frá Oddsstöðum, f. 12. júlí 1902, d. 21. ágúst 1982, og fyrri kona hans Guðrún Rannveig Guðjónsdóttir húsfreyja frá Tóarseli í Breiðdal, f. 17. apríl 1905, d. 18. október 1938.
Börn Guðrúnar og Péturs:
1. Jónína Ósk Pétursdóttir, f. 12. nóvember 1926 á Oddsstöðum, d. 24. maí 2016.
2. Guðlaug Pétursdóttir, f. 25. september 1928 á Aðalbóli.
3. Guðlaugur Magnús Pétursson, f. 5. ágúst 1931 á Kirkjubæ, d. 1. febrúar 2017.
4. Jóna Halldóra Pétursdóttir, f. 18. ágúst 1933 á Kirkjubæ.
5. Guðjón Pétursson, f. 31. júlí 1935 á Kirkjubæ, d. 25. janúar 1985.
Börn Péturs og Lilju Sigfúsdóttur, síðari konu hans:
6. Guðrún Rannveig Pétursdóttir, f. 10. desember 1939.
7. Árni Pétursson, f. 4. febrúar 1941, d. 9. október 1996.
8. Brynja Pétursdóttir, f. 16. ágúst 1946.
9. Herbjört Pétursdóttir, f. 26. febrúar 1951, d. 2. maí 1999.
Guðlaug var með foreldrum sínum, en móðir hennar lést, er Guðlaug var 10 ára. Hún var síðan með föður sínum og Lilju Sigfúsdóttur, sem varð síðari kona Péturs föður hennar .
Hún vann snemma utan heimilis við fiskiðnað, rak smáverslun um skeið á Þórshöfn.
Þau Jóhann giftu sig 1947, eignuðust fjögur börn. Þau bjuggu á Þórshöfn.
Jóhann lést 1992.
Guðlaug dvelur í Hraunbúðum.
I. Maður Guðlaugar, (9. maí 1947), var Jóhann Jónasson skipstjóri, útgerðarmaður, f. 24. september 1925 á Skálum á Langanesi, d. 2. febrúar 1992. Foreldrar hans voru Jónas Albertsson verkamaður, sjómaður, f. 3. maí 1885, d. 20. júní 1954, og kona hans Sælaug Sigurgeirsdóttir húsfreyja, f. 13. janúar 1894, d. 5. júlí 1968.
Börn þeirra:
1. Guðrún Rannveig Jóhannsdóttir húsfreyja, skrifstofumaður, umboðsmaður, kaupmaður, f. 10. október 1947. Maður hennar Þórarinn Sigurðsson.
2. Jónas Jóhannsson sjómaður, útgerðarmaður, f. 6. nóvember 1956. Kona hans Þorbjörg Þorfinnsdóttir.
3. Pétur Sævar Jóhannsson rafvirkjameistari, framkvæmdastjóri, f. 25. mars 1959. Kona hans Vilborg Stefánsdóttir.
4. Jóhann Þór Jóhannsson sjómaður, f. 27. september 1961. Kona hans Hafdís Hannesdóttir.
Fósturdóttir hjónanna, dóttir Sigurrósar systur Jóhanns:
5. Kristín Antonsdóttir sjúkraliði á Akureyri, f. 4. júní 1948. Maður hennar Ólafur Gunnarsson, látinn.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 13. febrúar 1992. Minning Jóhanns.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.