Flokkur:Sýslumenn

Sýslumenn og bæjarfógetar í Vestmannaeyjum

Vestmannaeyjar heyrðu fram á síðari hluta 17. aldar um dómgæslu undir sýslu upp á landi, Árnes- eða Rangárvallasýslu, lengst af undir þá síðarnefndu. Embætti sýslumanna var stofnað 1271 með lögfestingu þingfararbálks Járnsíðu, en embættisheitið kemur fyrst fyrir í Jónsbók 1281. Tóku þeir að nokkru leyti við hlutverki goða á þjóðveldisöld. Sýslumenn nefndust einnig valdsmenn, umboðsmenn eða lénsmenn. Sýslumenn höfðu með höndum framkvæmdavald í umboði konungs, önnuðust skattheimtu og lögreglustjórn, nefndu menn til þingreiðar og í dóma. Þeir fengu auk þess dómsvald þegar réttarfar Norsku laga var lögleitt á Íslandi á árunum 1718-1732. Vestmannaeyjar urðu sérstök sýsla 1609. Sýslumannsembættinu var breytt í bæjarfógetaembætti með lögum 22. nóvember 1918, sem síðar var aftur breytt til fyrra horfs 1992 með lögum nr. 92 frá 1989 um aðskilnað dómsvalds og umboðsvalds í héraði. Sýslumenn, sem kunnugt er um, að hafi haft sýsluvöld á eyjunum eru:

1696-1722: Ólafur Árnason

1723-1738: Sigurður Stefánsson

1738-1740: Hans Wium

1740-1754: Böðvar Jónsson

1758-1766, 1768-1786: Sigurður Sigurðsson

1786-1795: Jón Eiríksson

1798-1801: Jón Guðmundsson

1801-1812: Jón Þorleifsson

1821-1839, 1840-1852: Johan Nikolai Abel

1853-1860: Andreas August von Kohl Einnig þekktur sem Kapteinn Kohl

1860-1861: Stefán Thordarsen

1861-1872: Bjarni Einar Magnússon