Sandlóa

Fuglar

Sjófuglar
Álka Fýll Langvía Lundi Sjósvala Skrofa Súla Stormsvala Stuttnefja Sæsvala Teista
Vaðfuglar
Heiðlóa Hrossagaukur Stelkur Sandlóa Sendlingur Tildra Tjaldur
Mávar, kjóar, þernur
Hvítmávur Kjói Kría Rita Silfurmávur Sílamávur Svartbakur Skúmur
Andfuglar
Grágæs Toppönd Æðarfugl
Spörfuglar
Hrafn Maríuerla Skógarþröstur Snjótittlingur Steindepill Þúfutittlingur
Annað
Húsdúfa
Útdauðir fuglar
Geirfugl

Sandlóa Charadrius hiaticula

Sandlóan er af ættbálki strandfugla eða fjörunga. Hún er lítill þybbinn fugl ekki ósvipaður heiðlóu í vexti. Hún er ljósbrún að ofan með svartan og hvítan kraga um hálsinn og með hvítt enni og svarta breiða línu á milli augnanna. Efst á kollinum er hún ljósbrún eins og á baki en hvít að neðan. Hún er með rauðgult nef með svörtum broddi. Fæturnir eru stuttir og ljósgulir. Sandlóan leitar sér fæðu á landi og lifir aðallega á smádýrum sem hún nær uppúr jarðveginum með goggi sínum.

Hún er fræg fyrir sínar snöggu fótahreyfingar sem varla festir á auga þegar fuglinn er að ferðast um, svo snar er hann. Sandlóan er 18-20 cm á lengd um 60 grömm að þyngd og með 50-55 cm vænghaf. Fuglinn er að finna um allt land en í Vestmannaeyjum er aðallega hægt að finna hann í börðunum fyrir ofan Klaufina. Fuglinn er góður í að tæla óvelkomna gesti frá hreiðri sínu, hann haltrar smáspöl í einu og tælir þannig boðflennuna í burtu þar til hún telur ekki stafa lengur hættu af henni, þá flýgur hún úr augnsýn. Sandlóan verpir á sjávargrundum og á melum, áreyjum eða öðru flatlendi með stuttum gróðri, oft langt frá ströndinni. Sandlóan er einkvænisfugl. Hreiðrið hennar er lítil dæld eða laut, eggin eru yfirleitt 4, ljósgrá eða brúnleit að lit og alsett litlum svörtum doppum. Útungunartími er 21-28 dagar. Ungarnir verða svo fleygir um 24 dögum eftir útungun og kynþroska ári seinna.