Toppönd
| Sjófuglar |
|---|
| Vaðfuglar |
| Mávar, kjóar, þernur |
| Andfuglar |
| Spörfuglar |
| Annað |
| Útdauðir fuglar |
Toppönd (Mergus serrator)
Toppendur eru önnur tveggja tegunda fiskianda hér á landi, hin kallast gulönd. Fiskiendur eru kafendur sem éta nær eingöngu seiði og smáfisk eins og nafnið gefur til kynna.
Toppendur eru algengar hér um allt land nema á hálendinu. Stofnstærðin er talin 2.000–4.000 varppör en allstór hluti stofnsins hefur hér vetursetu eða á bilinu 5.000–15.000 fuglar, sem halda sig þá mest á sjó meðfram ströndum landsins.
Sumarheimkynnin eru við veiðivötn og ár en einnig að hluta til á grunnsævi. Varpsvæði eru lyngmóar eða kjarrlendi, en toppendur fela hreiður sín einkar vel og verpa því gjarnan í holur og glufur. Toppönd ein prófaði eitt sinn varp í Hrauney en mun ekki hafa gert það oftar en einu sinni. Hefur návistin við veiðimenn haft eitthvað að segja varðandi næðið. Varptíminn er í júní og fram í ágúst. Eggin eru 7–12 talsins. Heimilt er að veiða toppendur og mun eitthvað gert af því.
Heimildir