Ásmundur Steinsson

From Heimaslóð
Jump to navigation Jump to search
Ásmundur Steinsson.

Ásmundur Benedikt Steinsson frá Ingólfshvoli, rennismiður fæddist 17. desember 1909 á Skjaldbreið og lést 4. júlí 1981.
Foreldrar hans voru Steinn Sigurðsson klæðskeri á Ingólfshvoli, síðar í Reykjavík, f. 6. apríl 1873 í Vestra-Fróðholti í Rang., d. 9. nóvember 1947, og kona hans Kristín Hólmfríður Friðriksdóttir húsfreyja, kennari, f. 4. febrúar 1878 í Breiðagerði í Lýtingsstaðahreppi í Skagafirði, d. 4. júní 1968.

Börn þeirra:
1. Anna Guðrún Steinsdóttir, f. 4. janúar 1905 í Reykjavík, d. 3. desember 1933.
2. Margrét Steinsdóttir , f. 31. júlí 1906 á Akureyri, d. 27. september 1920.
3. Friðrik Steinsson, f. 11. nóvember 1907 á Akureyri, d. 25. júlí 1975.
4. Ásmundur Benedikt Steinsson, f. 17. desember 1909 á Skjaldbreið, d. 4. júlí 1981.
5. Anna Sigríður Steinsdóttir, f. 4. janúar 1911 á Skjaldbreið, d. 28. maí 1970.
6. Jóhannes Steinsson, f. 2. maí 1913 á Ingólfshvoli, d. 11. júní 1913.
7. Jóhannes Kristinn Steinsson bóndi á Stóru-Heiði í Mýrdal, síðar verslunarmaður í Garði, f. 19. desember 1914 á Ingólfshvoli, d. 24. desember 1989.
8. Sigurður Steinsson járnsmiður, myndhöggvari, f. 23. janúar 1916, d. 21. mars 2002.
9. Auður Steinunn Kristín Steinsdóttir, f. 11. mars 1917 á Ingólfshvoli, d. 15. febrúar 1984.
10. Ingólfur Páll Steinsson framkvæmdastjóri, f. 1. júní 1924 á Ingólfshvoli.
11. Barn, sem dó í fæðingu.

Ásmundur var með foreldrum sínum í æsku, á Skjaldbreið og Ingólfshvoli.
Hann lærði járnsmíði, var rennismiður.
Ásmundur var liðtækur í íþróttum, einkum fótbolta.
Hann var leigjandi á Vesturvegi 21 1930 og 1934.
Ásmundur eignaðist barn með Ragnheiði Þóru 1932.
Þau Theódóra giftu sig 1937, eignuðust eitt barn. Þau bjuggu á Hlíðarenda við Skólaveg 3 og í Ási við Kirkjuveg 49. Hún lést 1943.
Þau Þórdís giftu sig 1945, bjuggu á Ingólfshvoli við Landagötu 3a og í Vöruhúsinu við Skólaveg 1, en skildu 1952.
Ásmundur bjó á Staðarfelli við Kirkjuveg 53 við Gos 1973, síðast í Hraunbúðum. Hann lést 1981.

I. Barnsmóðir Ásmundar var Ragnheiður Þóra Guðnadóttir, f. 24. desember 1908, d. 23. febrúar 1933.
Barn þeirra:
1. Kristín Ásmundsdóttir, f. 26. febrúar 1932, d. 19. júní 2020.

II. Kona Ásmundar, (6. nóvember 1937), var Theodóra Margrét Snorradóttir frá Hlíðarenda, húsfreyja, f. 12. júní 1913, d. 22. mars 1943.
Barn þeirra:
2. Ólafía Guðbjörg Ásmundsdóttir, f. 2. október 1938, d. 23. febrúar 2022.

III. Kona Ásmundar, (22. desember 1945, skildu), var Þórdís Halldórsdóttir frá Sauðholti í Ásahreppi, Rang., húsfreyja, f. 23. október 1909, d. 22. nóvember 1996.
Þau voru barnlaus, en hjá þeim voru Kristín dóttir Ásmundar og Guðmundur (Muggur) sonur Þórdísar.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.