Sigríður Geirsdóttir (Kanastöðum)

Sigríður Geirsdóttir frá Kanastöðum í A-Landeyjum, húsfreyja fæddist þar 7. júlí 1907 og lést 29. nóvember 1985.
Foreldrar hennar voru Geir Ísleifsson bóndi, f. 26. apríl 1882 á Kanastöðum, d. 20. maí 1923 á Kanastöðum, og kona hans Guðrún Tómasdóttir húsfreyja, síðar í Eyjum, f. 26. nóvember 1883 á Reyðarvatni á Rangárvöllum, d. 4. maí 1978 í Reykjavík.

Börn Guðrúnar og Geirs:
1. Tómas Geirsson, f. 7. júlí 1907, d. 29. október 1907.
2. Sigríður Geirsdóttir húsfreyja, f. 7. júlí 1907, d. 29. nóvember 1985. Maður hennar var Sigurður Ásgeir Gunnarsson kaupmaður.
3. Guðrún Geirsdóttir húsfreyja, f. 18. desember 1908, d. 15. september 1988. Maður hennar Gunnlaugur Loftsson kaupmaður.
4. Tómas Geisson kaupmaður, f. 20. júní 1912, d. 24. febrúar 1991. Kona hans Dagný Ingimundardóttir húsfreyja, kaupmaður.
5. Marta Þórunn Geirsdóttir gjaldkeri, f. 11. mars 1914, d. 27. ágúst 1989, ógift.
6. Geir Ísleifur Geirsson rafvirkjameistari, f. 20. maí 1922, d. 9. apríl 1999. Kona hans Bryndís Jónsdóttir deildarstjóri.

Sigríður var með foreldrum sínum á Kanastöðum í æsku. Faðir hennar lést 1923. Hún var með móður sinni og fluttist með henni og systkinunum Tómasi, Mörtu Þórunni, Geir Ísleifi og Guðrúnu til Eyja 1924.
Hún giftist Sigurði 1926 og bjó með honum í Hörgsholti við Skólaveg við fæðingu Jóhönnu í janúar 1927, en þau bjuggu með dótturinni Jóhönnu í Sunnudal í lok árs 1927. Þau keyptu Franska spítalann, Kirkjuvegi 20) 1928. Þar bjuggu þau um hríð, en voru komin í nýbyggt hús sitt að Heimagötu 25 1929.
Sigurður lést 1941.
Sigríður fluttist með börnin til Reykjavíkur í september 1942. Hún eignaðist íbúð á Barónstíg 49 og bjó þar, vann fyrir sér og börnunum með fatasaumi.
Sigríður lést 1985.

Maður Sigríðar, (16. október 1926) var Sigurður Ásgeir Gunnarsson frá Vík kaupmaður, f. 18. febrúar 1901, d. 12. október 1941.
Börn þeirra:
1. Jóhanna Sigurðardóttir, f. 18. janúar 1927 í Hörgsholti, d. 12. janúar 2004. Maður hennar var Kristinn Óskar Guðmundsson frá Viðey, lögfræðingur, f. 2. nóvember 1924, d. 26. febrúar 2011.
2. Ólafur Ásgeir Sigurðsson skrifstofumaður, f. 28. október 1929 á Heimagötu 25. Kona hans var Kristín Margrét Guðjónsdóttir húsfreyja, f. 14. maí 1930, d. 3. desember 2016.

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.
• Ólafur Á. Sigurðsson.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---