Guðríður Hallvarðsdóttir

Guðríður Hallvarðsdóttir húsfreyja á Kirkjubæ fæddist 24. febrúar 1826 í Stóra-Dal u. Eyjafjöllum og lést 10. desember 1906.

Ætt og uppruni

Faðir hennar var Hallvarður bóndi í Neðri-Dal, f. 12. desember 1791 í Hryggjum í Mýrdal, d. 4. júlí 1872 í Neðri-Dal undir Eyjafjöllum, Jónsson bónda á Hryggjum, f. 1751, d. 7. september 1827 í Hólakoti, Magnússonar (etv. bóndi í Garðakoti í Mýrdal, f. 1704, Jónssonar).
Móðir Hallvarðs og kona Jóns bónda var Vigdís húsfreyju, f. 1763, d. 3. mars 1813 í Garðakoti í Mýrdal, Guðmundsdóttir bónda í Pétursey, d. 1785, Jónssonar og óþekktrar konu hans.

Móðir Guðríðar og kona Hallvarðs var Ingibjörg húsfreyja, f. 1795 í Stóru-Mörk í Stóradalssókn, d. 14. apríl 1846 þar, Jóns bónda og hreppstjóra í Stóru-Mörk u. Eyjafjöllum, f. 1755 í Mið-Mörk, d. 25. maí 1822, Guðmundssonar bónda í Stóru-Mörk, f. 1714, Ögmundssonar og konu Jóns hreppstjóra, Sigríðar húsfreyju, f. 1763 á Felli í Suðursveit, A-Skaft., d. um 1816, Jónsdóttur Sigurðssonar sýslumanns Stefánssonar.
Móðir Jóns hreppstjóra og barnsmóðir Guðmundar Ögmundssonar var Ingiríður, síðar gift Þórði Sighvatssyni að Hlíðarhúsum í Reykjavík, f. 1731, d. 4. maí 1800, Ólafsdóttir.

Systir Guðríðar var Sigríður Hallvarðsdóttir húsfreyja á Vesturhúsum.

Lífsferill

Guðríður var í heimahúsum 1845. Hún giftist Birni Einarssyni, síðar bónda á Kirkjubæ 18. október 1855.
Þau Björn fluttust frá Forsæti í Landeyjum að Sjólyst í Eyjum 1860 og með þeim Guðbjörg 6 ára og Finnbogi 4 ára, en árið 1861 fluttust þau að Kirkjubæ (4. býli) og bjuggu þar meðan Björn lifði (til 1884).
Börn og nokkrir afkomendur Björns og Guðríðar:

1. Guðbjörg Björnsdóttir húsfreyja í Norður-Gerði, f. 28. júní 1854, kona Jóns Jónssonar í Norður-Gerði, f. 25. júlí 1853 (22. júlí 1854 í prþjb.), en þau voru foreldrar Jónínu Ingibjargar húsfreyju í Norður-Gerði og Björns Eiríks bónda í Norður-Gerði; og þau Guðbjörg og Jón voru fósturforeldrar Magnúsar á Hrafnabjörgum.
2. Finnbogi Björnsson.
3. Guðjón Björnsson bóndi á Kirkjubóli, f. 1. maí 1862, maður Ólafar Lárusdóttur, en þau voru foreldrar Þórðar, Guðjóns Bergs, Friðriks Björns og Láru húsfreyju á Kirkjulandi, konu Björns Finnbogasonar.
4. Ingibjörg Björnsdóttir húsfreyja í Pétursborg, f. 1. september 1867, kona Sigurðar Vigfússonar, en þau voru foreldrar Guðríðar Bjargar, Vigfúsar, Hallvarðs, Finnboga, Gunnars, Björns, Jóns og Lilju.

---

Heimildir

• Lára Halla Jóhannesdóttir frá Kirkjulundi vann rannsóknir á prestþjónustubókum, manntölum og ættartölum, en mikið skrifaði hún eftir móður sinni Öldu Björnsdóttur fyrrum húsfreyju að Kirkjulundi, en Víglundur Þór Þorsteinsson skrifaði á Heimaslóð.