Ingunn Jónasdóttir (Skuld)

Ingunn Jónasdóttir húsfreyja í Skuld fæddist að Helluvaði á Rangárvöllum 23. nóvember 1883 og lézt 28. apríl 1960.
Foreldrar hennar voru Jónas Ingvarsson bóndi á Helluvaði, f. 20. september 1862 í Eystri-Hól, d. 15. júní 1924 að Helluvaði, og kona hans Elín Jónsdóttir húsfreyja, f. 10. nóvember 1856 á Oddsstöðum, d. 12. apríl 1911. Foreldrar Elínar voru Jón Þorgeirsson bóndi á Oddsstöðum, f. 1808, d. 6. júní 1866. Móðir Elínar og kona Jóns var Margrét Halldórsdóttir frá Steinum u. Eyjafjöllum, f. 16. janúar 1832, d. 15. febrúar 1919.
Maki Ingunnar var Sigurður Oddsson útvegsbóndi, f. 28. marz 1880, d. 10. maí 1945.
Þau Sigurður fluttu til Eyja frá Rangárvöllum 1907 og byggðu húsið Skuld við Vestmannabraut, í félagi við Stefán Björnsson.
Í Skuld rak Ingunn fjölmennt heimili. Hún eignaðist ellefu börn, þar af fæddust 10 í Skuld. Síðar rak Ingunn nokkra umboðssölu um árabil fyrir Guðmund Andrésson gullsmið í Reykjavík.
Börn Ingunnar og Sigurðar:
1. Jónas Sigurðsson, f. 29. marz 1907, d. 4. janúar 1980, skipstjóri, húsvörður Gagnfræðaskólans, kvæntur Guðrúnu Ingvarsdóttur.
2. Þórunn Lovísa Sigurðardóttir húsfreyja, f. 30. ágúst 1908, d. 18. júlí 1979 gift Guðna Grímssyni, útgerðarmanni og skipatjóra.
3. Oddur Sigurðsson, f 25. maí 1911, d. 19. nóvember 1979, skipstjóri, kvæntur Lovísu Magnúsdóttur.
4. Elínborg Sigurðardóttir húsfreyja, f. 25. ágúst 1913, d. 5. nóvember 1993, gift Guðmundi Geir Ólafssyni, verzlunarmanni, búsett á Selfossi.
5. Ólafur Sigurðsson, f. 14. okt. 1915, d. 16. mars 1969, skipstjóri, útgerðarmaður, kvæntur Ástu Kristjánsdóttur Bjartmars, búsett í Vestmannaeyjum.
6. Sigurbjörg Sigurðardóttir húsfreyja í Reykjavík, f. 2 febr. 1917, d. 4. apríl 1992. Fyrri maður Skafti Þórarinsson. Seinni maður Guðmundur Gíslason.
7. Jónheiður Árný Sigurðardóttir húsfreyja í Reykjavík, f. 16. jan. 1919, d. 8. nóvember 1986, gift Jóni Sigurðssyni, verzlunarmanni.
8. Stefanía Sigurðardóttir húsfreyja á Akranesi og í Reykjavík, verslunarmaður, aðstoðarmaður tannlæknis, f. 2. júní 1921, d. 18. júlí 2004, gift Guðna Kristjánssyni, bakarameistara.
9. Jóhanna Júlía Sigurðardóttir húsfreyja í Reykjavík, f. 4 marz 1923, gift Guðmundi Jónssyni, bakarameistara.
10. Sigríður Inga Sigurðardóttir húsfreyja, hótelrekandi í Eyjum, f. 14. apríl 1925, gift Ingólfi Theódórssyni netagerðarmeistara og útgerðarmanni í Eyjum.
11. Jónas Ragnar Sigurðsson, prentari, f. 24. febr. 1928, d. 20. nóvember 2002. Sambúðarkona hans Audrey Kathleen Magnússon.

Fjölskylda Ingunnar og Sigurðar í Skuld 1927. (Höggið á myndina til að fá nánari skýringu á henni).

Skuldarfjölskyldan. Mynd úr Bliki 1961. Standandi frá vinstri: Stefanía, Ólafur, Sigurbjörg, Oddur, Þórunn Lovísa, Jónas, Elínborg, Jónheiður Árný Sitjandi frá vinstri: Sigríður Inga, Ingunn Jónasdóttir, Jónas Ragnar, Sigurður Pétur Oddsson, Jóhanna Júlía.

---

Heimildir

• Samantekt: Víglundur Þór Þorsteinsson.
• Rangvellingabók. Valgeir Sigurðsson.
• Guðrún Jónasdóttir og Steinar Júlíusson.
• Úr dagbókarblöðum Agnesar Aagaard, sýslumannsfrúar í Vestmannaeyjum
• Blik 1961/Skuldarfjölskyldan, mynd.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---