Ársæll Sigurðsson (kennari)

Ársæll Sigurðsson.

Ársæll Sigurðsson kennari fæddist 31. desember 1901 á Ljótarstöðum í Skaftártungu og lést 28. júní 1970.
Foreldrar hans voru Sigurður Sigurðsson bóndi, f. 19. október 1848 á Ljótarstöðum, d. 5. febrúar 1905 þar, og kona hans Þórunn Hjálmarsdóttir húsfreyja, f. 13. ágúst 1853 á Ketilsstöðum í Mýrdal, d. 15. janúar 1938 í Skammadal þar.

Börn Sigurðar og Þórunnar:
1. Eiríkur Hjálmar Sigurðsson trésmiður í Reykjavík og Winnipeg, f. 1. júlí 1875 á Ljótarstöðum, d. 29. júní 1953. Barnsmóðir hans var Jóhanna Sigríður Guðmundsdóttir vinnukona, f. 6. október 1870, d. 10. maí 1958.
2. Sigurður Sigurðsson, f. 4. september 1876, d. 6. september 1876.
3. Guðrún Sigurðardóttir f. 14. mars 1878, d. 1897.
4. Sigurður Sigurðsson bóndi á Ljótarstöðum og í Skammadal, f. 25. júní 1879, d. 21. maí 1932. Fyrri kona hans var Hildur Árnadóttir húsfreyja, f. 2. nóvember 1874, d. 10. maí 1915. Síðari kona Sigurðar var Sigríður Jónsdóttir húsfreyja, f. 8. maí 1882, d. 3. júní 1960.
5. Hugborg Sigurðardóttir, f. 5. apríl 1881, d. 9. apríl 1883, tvíburi við Elínu.
6. Elín Sigurðardóttir, f. 5. apríl 1881, d. 1907, tvíburi við Hugborg.
7. Þorgerður Sigurðardóttir húsfreyja í Skipholti, f. 30. október 1882, d. 3. desember 1960.
8. Kristján Sigurðsson, f. 7. febrúar 1884, d. 11. febrúar 1884.
9. Kristján Sigurðsson verkamaður, skósmiður á Brattlandi og í Reykjavík, f. 24. júlí 1885, d. 25. september 1966.
10. Vilhjálmur Sigurðsson trésmiður, sjúklingur, f. 19. mars 1887, d. 5. október 1971, ókv. og barnlaus.
11. Hugborg Sigurðardóttir, f. 25. maí 1888, d. í bernsku.
12. Sigurborg Sigurðardóttir húsfreyja í Wynyard, Saskatchewan í Kanada, f. 10. desember 1889, d. 4. ágúst 1949 í Winnipeg. Maður hennar var Bæring Sigurgeirsson Hallgrímsson járnbrautarstarfsmaður, f. 26. mars 1890.
13. Magnús Kristján Sigurðsson sjómaður, fiskimatsmaður á Geirlandi í Sandgerði, f. 15. ágúst 1891, drukknaði 12. janúar 1968. Kona hans var Rósa Einarsdóttir húsfreyja, f. 10. janúar 1900, d. 13. nóvember 1993.
14. Katrín Sigurðardóttir vinnukona í Dölum, húsfreyja í Bolungarvík, f. 30. desember 1895, d. 21. ágúst 1975. Maður hennar var Þorgils Guðmundsson verkamaður, f. 7. apríl 1898, d. 6. febrúar 1985.
15. Ársæll Sigurðsson skólastjóri, f. 31. desember, f. 1901, d. 28. júní 1970.
Fóstursonur Þórunnar um skeið:
16. Sigurþór Eiríksson, f. 19. ágúst 1908, d. 26. nóvember 1980. Hann var sonur Eiríks Hjálmars Sigurðssonar. Hann var fluttur til Eyja 1915, farinn 1924.

Systkini Þórunnar móður Ársæls í Eyjum voru:
1. Þorgerður Þórdís Hjálmarsdóttir húsfreyja í Dölum, f. 4. júní 1855 á Ketilsstöðum, d. 2. mars 1939 í Eyjum, kona Jóns Gunnsteinssonar bónda.
2. Eiríkur Hjálmarsson kennari á Vegamótum, maður Sigurbjargar Rannveigar Pétursdóttur húsfreyju, fæddur 11. ágúst 1856 á Ketilsstöðum, d. 5. apríl 1931 í Eyjum.

Hálfsystkini Þórunnar í Eyjum, samfeðra, voru:
3. Hjálmrún Hjálmarsdóttir vinnukona, síðar ráðskona í Reykjavík, f. 16. mars 1878, d. 9. mars 1950. Sambýlismaður hennar var Sigurður Sigmundsson frá Kotströnd í Ölfusi, verkamaður í Reykjavík.
4. Guðrún Hjálmarsdóttir húsfreyja á Akri, f. 12. apríl 1879 á Efri-Rotum, d. 23. september 1928 í Eyjum, kona Guðmundar Þórðarsonar vélstjóra og útgerðarmanns.
5. Helgi Hjálmarsson, – að Hamri, f. 13. október 1880 á Efri-Rotum, d. 6. apríl 1876. Konur hans voru Guðbjörg Vigdís Guðmundsdóttir húsfreyja og Sigríður Sigurðardóttir húsfreyja.
6. Sigurbjörg Hjálmarsdóttir húsfreyja í Oddhól, f. 6. september 1884 á Efri-Rotum, d. 15. ágúst 1937, kona Ólafs Guðmundssonar verkamanns.

Ársæll var með foreldrum sínum til 1905 og síðan með móður sinni á Ljótarstöðum til 1907 og í Hlíð í Skaftártungu til 1909.
Þau fluttust til Eyja 1909. Hann var með henni á Akri til 1912, en þá varð hann tökubarn í Skammadal í Mýrdal og síðan skráður vinnumaður þar til 1924. Hann leigði á Heimagötu 30 1930.
Hann gekk einn vetur í unglingaskóla í Vík, lauk kennaraprófi 1925, sat kennaranámskeið í Askov í Danmörku 1937, las íslenska nútímahljóðfræði við Háskóla Íslands 1942-1944.
Ársæll var kennari í Biskupstungum 1925-1927, í Holtum í Rangárvallasýslu 1927-1929.
Hann var kennari við Barnaskólanum í Eyjum 1929-1938, kenndi íslensku í Gagnfræðaskólanum 1931-1935, kennari við Austurbæjarskólann í Reykjavík frá 1938 til starfsloka og hafði eftirlit með íslenskukennslu þar frá 1943.
Ásgeir sat í stjórn Stéttarfélags barnakennara í Eyjum um skeið, í Reykjavík 1945-1946 og 1950-1951.
Hann sat í ritstjórn námsbóka 1945-1949.
Hann sat í stjórn S.Í.B. 1959-1966 og í stjórn Fræðslumyndasafnsins 1961-dd.
Rit:
1. Orðalisti til notkunar við móðurmálskennslu í barnaskólum, 1942.
2. Ritæfingar I, 1953.
3. Algengustu orðmyndir málsins og stafsetningarkennslan. Menntamál 1940 og sérprentun.
4. Athugun á stafsetningarleikni 12 ára barna í Reykjavík 1944 (með Árna Þórðarsyni). Menntamál 1944 og sérprentun 1946.
5. Sólhvörf, 1954 (tók saman).
6. Greinar í Menntamálum og víðar.

I. Kona Ársæls, (31. maí 1941), var Sigurbjörg Pálsdóttir húsfreyja frá Skammadal í Mýrdal, f. 6. júlí 1907. Foreldrar hennar voru Páll Sigurðsson bóndi, f. 18. desember 1872 á Breiðabólstað á Síðu, d. 28. apríl 1954 í Reykjavík, og kona hans Bergþóra Sveinsdóttir húsfreyja frá Giljum í Mýrdal, f. 5. júlí 1879 á Giljum, d. 29. júní 1959 í Reykjavík.
Þau voru barnlaus.

---

Heimildir

• Samantekt: Víglundur Þór Þorsteinsson.
• Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
• Manntöl.
• Prestþjónustubækur.
• Vestur-Skaftfellingar 1703-1966. Björn Magnússon. Leiftur 1970-1973.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---