Jórunn Einarsdóttir (Valhöll)

Jórunn Einarsdóttir.

Jórunn Einarsdóttir húsfreyja, verkakona fæddist 5. ágúst 1928 á Þórarinsstaðaeyrum í Seyðisfirði og lést 14. febrúar 2012 á Heilbrigðisstofnun Vestmannaeyja.
Foreldrar hennar voru Einar Sigfinnur Guðjónsson sjómaður, síðar kaupmaður í Sjávarborg á Seyðisfirði, síðar í Reykjavík, f. 22. október 1901 á Borgarfirði eystra, d. 2. ágúst 1991 og kona hans Anna Bekk Guðmundsdóttir húsfreyja, f. 1. ágúst 1903, d. 17. janúar 1994.

Systir Jórunnar var Vilborg Sigríður Einarsdóttir húsfreyja, saumakona, f. 21. nóvember 1921, d. 18. janúar 2005. Maður hennar var Einar Runólfsson skipstjóri.

Foreldrar Jórunnar skildu, er hún var ung, en giftust aftur síðar.
Hún réðst í vist til Vilborgar systur sinnar í Eyjum 14 ára gömul, en síðan var hún í vist hjá Einari lækni og Ólafi Lárussyni lækni.
Þau Friðþjófur giftu sig 1949, eignuðust fimm börn. Þau bjuggu í Valhöll, byggðu síðar á Urðavegi 37 og bjuggu þar til Goss. Eftir gos bjuggu þau á Illugagötu 55, byggðu hús í Birkihlíð 14, fluttust þaðan á Boðaslóð 13, en sumarið 2001 fluttu þau aftur í Valhöll og bjuggu þar, uns þau fluttu í Hraunbúðir.
Jórunn lést 2012 og Friðþjófur Sturla lést 2020.

I. Maður Jórunnar, (5. nóvember 1949), var Friðþjófur Sturla Másson frá Valhöll, sjómaður, stýrimaður, verkstjóri, f. 25. mars 1927, d. 26. febrúar 2020.
Börn þeirra:
1. Inda Marý Friðþjófsdóttir húsfreyja, f. 14. febrúar 1949 í Valhöll. Maður hennar Sigurður Friðbjörnsson.
2. Einar Friðþjófsson kennari, f. 13. september 1950 í Valhöll. Kona hans Katrín Freysdóttir.
3. Anna Friðþjófsdóttir húsfreyja, f. 24. mars 1957. Maður hennar Þórður H. Hallgrímsson.
4. Már Friðþjófsson, f. 14. september 1959. Kona hans Jóhanna Kolbrún Þorbjörnsdóttir.
5. Svanhvít Friðþjófsdóttir húsfreyja, f. 29. september 1965. Fyrrum sambúðarmaður hennar er Helgi Einarsson. Maður hennar Egill Guðni Guðnason.
Börn Friðþjófs og Guðbjargar Jónínu Helgadóttur
6. Guðlaugur S. Friðþjófsson á Hvolsvelli, f. 9. janúar 1946 í Seljalandsseli u. V.-Eyjafjöllum, d. 2. janúar 1999 í Reykjavík. Kona hans Guðrún Árnadóttir.
7. Helgi Friðþjófsson bóndi í Seljalandsseli, f. 9. janúar 1946, d. 30. júlí 2014. Kona hans Sigrún Adolfsdóttir.

---

Heimildir

• Samantekt: Víglundur Þór Þorsteinsson.
• Íslendingabók.is.
• Morgunblaðið 25. febrúar 2012. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---