Unnar Guðmundsson (Háagarði)

Sigurbjörn Unnar Guðmundsson frá Háagarði, sjómaður, trillukarl, smiður, fæddist þar 22. júlí 1947.
Foreldrar hans voru Guðmundur Eyjólfur Jóelsson sjómaður, bóndi, f. 5. janúar 1907, d. 14. september 1965, og sambúðarkona hans Laufey Sigurðardóttir húsfreyja, f. 19. október 1910 í Móakoti á Álftanesi, d. 15. júlí 1995.

Börn Laufeyjar og Guðmundar:
1. Sigurbjörg Bára Guðmundsdóttir, f. 25. október 1929 á Hvanneyri, d. 28. febrúar 1948.
2. Þórdís Guðmundsdóttir húsfreyja, f. 27. ágúst 1931 á Hvanneyri.
3. Jóel Guðmundsson sjómaður, stýrimaður, skipstjóri, f. 1. júlí 1936 í Skálavík í Fáskrúðsfirði, drukknaði 4. mars 1981.
4. Bjarni Guðmundsson sjómaður, skipstjóri, f. 10. ágúst 1938 í Skálavík í Fáskrúðsfirði, drukknaði 4. mars 1981.
5. Drengur, f. 28. júlí 1942, d. 25. október 1942.
6. Þorgeir Guðmundsson sjómaður, rafvirki, tónlistarmaður, f. 10. september 1944 í Skálavík í Fáskrúðsfirði, d. 23. október 2017.
7. Sigurbjörn Unnar Guðmundsson sjómaður, smiður, f. 22. júlí 1947 í Háagarði.
8. Ómar Guðmundsson sjómaður, beitningamaður, f. 30. júní 1953 í Háagarði.
9. Ingibjörg Guðmundsdóttir, f. 15. janúar 1958, d. 21. nóvember 1960, drukknaði í Vilpu.

Unnar var með foreldrum sínum í æsku.
Hann varð sjómaður. Þeir bræður Jóel, Bjarni og Unnar létu smíða 12 smálesta bát, Báru VE 141 1969-1970. Þann bát fluttu þeir til Suðurnesja í Gosinu og gerðu út. Hann fórst 4. mars 1981 með þeim Jóel og Bjarna.
Unnar stundaði veiðar með bræðrum sínum, en sá um beitningar á línuveiðum. Hann vann síðar við smíðar.
Þau Bryndís giftu sig 1971, eignuðust fjögur börn. Þau bjuggu á Heimagötu 30 við Gos 1973. Þau búa nú í Eyjaholti 5 í Garðinum.

I. Kona Unnars, (29. maí 1971), er Bryndís Rögnvaldsdóttir húsfreyja, f. 28. september 1952.
Börn þeirra:
1. Ingibjörg Ásta Unnarsdóttir húsfreyja, skólaliði, f. 31. mars 1971. Maður hennar Róbert Ólafur Sigurðsson.
2. Sigurbjörg Unnarsdóttir húsfreyja, starfsmaður leikskóla, f. 2. ágúst 1973. Maður hennar Jón Agnar Torfason.
3. Guðmundur Unnarsson trésmiður, bókhaldari, f. 12. mars 1978. Sambúðarkona Edda Sif Gunnarsdóttir.
4. Bjarni Unnarsson vinnuvélastjóri, f. 17. maí 1983. Kona hans Sandra Ósk Pálmadóttir.

---

Heimildir

• Samantekt: Víglundur Þór Þorsteinsson.
• Íslendingabók.is.
• Prestþjónustubækur.
• Unnar.

---

Heimildir

• Samantekt: Víglundur Þór Þorsteinsson.
• Íslendingabók.is.
• Morgunblaðið 16. maí 1981. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---