Gísli Magnússon (Lögbergi)

From Heimaslóð
Jump to navigation Jump to search
Magnús Gísli Magnússon.

Magnús Gísli Magnússon frá Lögbergi, íþróttakennari, þjálfari fæddist 5. september 1947 í Keflavík.
Foreldrar hans voru Magnús Dalmann Hjartarson bifreiðastjóri í Reykjavík, f. 7. desember 1923, d. 5. ágúst 1990, og Hulda Gísladóttir, f. 12. október 1928.
Fósturforeldrar hans voru Guðjón Þorsteinsson frá Hallskoti í Fljótshlíð, sjómaður, verkamaður, f. þar 15. júní 1889, d. 25. júní 1980, og kona hans Pálína Geirlaug Pálsdóttir frá Hlíð u. Eyjafjöllum, húsfreyja, f. þar 20. júní 1901, d. 11. mars 1992.

Gísli kom í fóstur til Guðjóns og Pálínu fjögurra mánaða gamall og ólst upp hjá þeim.
Hann varð gagnfræðingur í Gagnfræðaskólanum 1964, nam við Ringebu Folkehögskole í Ringebu í Noregi 1965-1966, tók íþróttakennarapróf í Íþróttakennaraskóla Íslands að Laugarvatni 1968. Gísli hefur sótt námskeið hér og erlendis.
Gísli var íþróttakennari í Barnaskólanum 1968-1976 og frá 1980-2012, verið íþróttakennari í Gagnfræðaskólanum í Eyjum, sundkennari í Stýrimannaskólanum og Vélstjóraskólanum. Þá var hann þjálfari í knattspyrnu og handknattleik í Götu í Færeyjum 1976-1977 of 1979-1980, verið þjálfari í knattspyrnu á Ísafirði 1973 og 1978, 1982-1983, í Eyjum 1975.
Gísli var framkvæmdastjóri knattspyrnufélagsins Týs í Eyjum um skeið, var ritstjóri og útgefandi Týs-blaðsins frá 1981-1984.
Hann var ökukennari frá 1996-2019.

Gísli eignaðist barn með Erlu Adolfsdóttur 1970.
Gísli eignaðist barn með Gíslínu Magnúsdóttur 1970.
Þau Lilja Albertsdóttir giftu sig 1972, eignuðust eitt barn. Þau bjuggu á Hvoli við Heimagötu 12. Þau skildu.
Þau Lilja Garðarsdóttir giftu sig 1981, eignuðust fjögur börn. Þau búa á Hallormsstað við Brekastíg 11A

I. Barnsmóðir Gísla er Erla Adolfsdóttir, f. 25. júní 1952.
Barn þeirra:
1. Vigfús Magnússon verkamaður í Straumsvík, tónlistarmaður, f. 27. mars 1970. Kona hans Díana Ríkharðsdóttir.

II. Barnsmóðir Gísla er Gíslína Magnúsdóttir, f. 8. mars 1953.
Barn þeirra:
2. Sólveig Birna Magnúsdóttir húsfreyja í Njarðvík, f. 28. nóvember 1970. Fyrrum maður hennar Vilhjálmur Árnason ættaður frá Burstafelli. Fyrrum maður hennar Jóhann Ingvi Ingvason.

III. Fyrrum kona Gísla, (21. október 1972, skildu), er Lilja Albertsdóttir, f. 16. júlí 1953. Foreldrar hennar Jóhannes Albert Jóhannesson og Regína Fjóla Svavarsdóttir, f. 29. maí 1929, d. 11. október 2013.
Barn þeirra:
3. Aníta Gísladóttir flugfreyja, f. 29. maí 1973. Maður hennar Ólafur Guðnason Guðmundssonar frá Landlyst.

IV. Kona Gísla, (18. júlí 1981), er Lilja Garðarsdóttir, f. 11. febrúar 1961. Foreldrar hennar Garðar Ásbjörnsson og Ásta Sigurðardóttir.
Börn þeirra:
4. Thelma Gísladóttir aðstoðarskólameistari í Eyjum, f. 27. september 1979. Barnsfaðir hennar Gunnar Heiðar Þorvaldsson.
5. Rakel Gísladóttir félagsfræðingur í Svíþjóð, f. 12. ágúst 1983. Maður hennar Bjarki Hlöðversson Pálssonar.
6. Andrea Gísladóttir rafvirki í Reykjavík, f. 21. september 1984. Barnsfeður hennar Jón Valgarð Gústafsson og Brynjar Stefánsson.
7. Sandra Gísladóttir leikskólakennari, f. 15. júlí 1992. Barnsfaðir hennar Brynjar Óskarsson.


Heimildir

  • Samantekt: Víglundur Þór Þorsteinsson.
  • Gísli.
  • Íslendingabók.
  • Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.