Pálína Pálsdóttir (Lögbergi)

From Heimaslóð
Jump to navigation Jump to search

Pálína Geirlaug Pálsdóttir frá Hlíð u. Eyjafjöllum, húsfreyja á Lögbergi við Vestmannabraut 56A og víðar fæddist 20. júní 1901 í Hlíð og lést 11. mars 1992.

Ætt og uppruni

Faðir hennar var Páll bóndi í Hlíð, f. 9. júní 1867, d. 31. október 1912, Pálsson snikkari, lærður í Reykjavík, f. 1. ágúst 1824 á Prestbakka á Síðu, d. 28. febrúar 1895 í Eystri-Ásum, Pálssonar prests og prófasts í Hörgsdal, f. 17. maí 1797 í Gufunesi, d. 1. nóvember 1861 á ferð í Þykkvabæ, Pálssonar, og fyrri konu sr. Páls (7. apríl 1818, skildu 1839) Matthildar húsfreyju, f. 27. september 1795, d. 16. maí 1850, Teitsdóttur.
Móðir Páls bónda í Hlíð og barnsmóðir Páls snikkara var Ingibjörg vinnukona og bústýra, f. 29. apríl 1842 á Feðgum (Staðarholti) í Meðallandi, d. 6. febrúar 1885, Ingimundardóttir húsmanns á Feðgum, f. 26. nóvember 1817, d. 4. nóvember 1856, Sveinssonar, og konu Ingimundar, Helgu húsfreyju, f. 29. júlí 1809 að Undirhrauni, d. 12. september 1862 á Feðgum, Stefánsdóttur.

Móðir Pálínu var Margrét þá vinnukona í Hlíð, f. 3. nóvember 1878, d. 1901, Sigurðardóttir bónda í Hlíð, f. 15. september 1849 í Steinasókn, Jónssonar bónda í Hlíð, f. 1795, Sigurðssonar, og konu Jóns Sigurðssonar, Guðríðar húsfreyju í Hlíð, f. 1799, Jónsdóttur.
Móðir Margrétar Sigurðardóttur og kona Sigurðar Jónssonar var Guðlaug húsfreyja, f. 17. febrúar 1840, d. 22. maí 1904, Jónsdóttir bónda á Undirhrauni í Meðallandi, f. 9. október 1811 á Undirhrauni, d. 23. júní 1890 í Króki (Efri-Fljótum) þar, Jónssonar, og konu Jóns á Undirhrauni, Margrétar húsfreyju, f. 1812, d. 14. mars 1885, Eyjólfsdóttur.

Börn Páls og Margrétar Sigurðardóttur, í Eyjum:
1. Pálína Geirlaug Pálsdóttir tvíburi, húsfreyja, f. 20. júní 1901, d. 11. mars 1992.
2. Margrét Sigurlaug Pálsdóttir tvíburi, húsfreyja í Túni, f. 20. júní 1901, d. 29. september 2000.
Barn Páls og Guðrúnar Eiríksdóttur:
3. Björgvin Pálsson verkstjóri á Hvoli, f. 3. júlí 1906, d. 19. maí 1997.

Pálína var hjá föður sínum og Geirlaugu Jónsdóttur konu hans í Hlíð 1902 og enn 1910. Þar var vinnukona Sesselja Jónsdóttir, sem Pálína nefndi fósturmóður sína.
Pálína var léttakind í Steinum 1915, vinnukona þar 1917 og 1918, hjú hjá Sigurgeiri og Sigurlínu í vesturbænum í Hlíð 1920, vinnukona á Hlíð 1923.
Hún eignaðist Pál Magnús í Hlíð 1926, flutti til Eyja 1928.
Þau Guðjón giftu sig 1929, eignuðust fjögur börn og eitt fósturbarn, en annað barn þeirra fæddist andvana. Þau bjuggu á Vestmannabraut 74, í Mörk við Hásteinsveg 13 og á Lögbergi.
Hjá þeim 1930 var Sesselja Jónsdóttir fósturmóðir Pálínu. Guðjón lést 1980 og Pálína 1992.

I. Maður Pálínu, (19. október 1929), var Guðjón Þorsteinsson frá Hallskoti í Fljótshlíð, sjómaður, verkamaður, f. þar 15. júní 1889, d. 25. júní 1980.
Börn þeirra:
1. Páll Magnús Guðjónsson sjómaður, f. 12. desember 1926 í Hlíð u. Eyjafjöllum. Kona hans Guðbjörg Þorkelsdóttir.
2. Andvana f. drengur 6. júní 1929.
3. Ingibjörg Lovísa Guðjónsdóttir húsfreyja, f. 5. ágúst 1930 á Vestmannabraut 74. Maður hennar Ágúst Helgason.
4. Þorsteinn Guðjónsson sjómaður matsveinn, verkamaður, f. 11. september 1932 í Mörk, d. 20. september 2013.
Fóstursonur þeirra er
5. Magnús Gísli Magnússon íþróttakennari, þjálfari, f. 5. september 1947 í Keflavík. Barnsmæður hans Erla Adolfsdóttir og Gíslína Magnúsdóttir. Fyrrum kona hans Lilja Albertsdóttir. Kona hans Lilja Garðarsdóttir.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.