Guðjón Jónsson (Lágafelli)
Guðjón Jónsson sjómaður, útgerðarmaður, matsveinn fæddist 3. nóvember 1905 í Lambhúshólskoti u. Eyjafjöllum og lést 22. janúar 1965.
Foreldrar hans voru Jón Jóngeirsson bóndi í Vesturholtum u. Eyjafjöllum, f. 10. ágúst 1865, d. 11. apríl 1940, og kona hans Margrét Guðlaugsdóttir húsfreyja, f. 23. júlí 1868 í Sperðli, d. 23. desember 1937 í Brautarholti.
Móðursystkini Guðjóns í Eyjum:
1. Magnús Guðlaugsson formaður í Fagurlyst, síðari maður Guðrúnar Þorkelsdóttur húsfreyju; hann f. 28. maí 1863, drukknaði 20. maí 1901.
2. Guðbjörg Guðlaugsdóttir húsfreyja í Jakobshúsi, f. 30. ágúst 1874, d. 17. febrúar 1965. Menn hennar voru Sigurður Sigurðsson í Túni, Jakob Tranberg og Einar Einarsson frá Norðurgarði.
Börn Margrétar Guðlaugsdóttur og Jóns Jóngeirssonar í Eyjum:
1. Guðlaugur Júlíus Jónsson múrarameistari í Stafholti, f. 31. júlí 1895 í Krókatúni, d. 4. september 1978.
2. Ingibergur Jónsson sjómaður, verkamaður, f. 12. júlí 1897 í Krókatúni u. Eyjafjöllum, d. 15. apríl 1960.
3. Guðrún Jónsdóttir húsfreyja á Litlalandi, f. 17. maí 1899 í Lambhúshólskoti, d. 16. mars 1992.
4. Magnús Jónsson bóndi, verkamaður, f. 8. júlí 1901 í Lambhúshólskoti, d. 3. júlí 1986.
5. Sigurður Jónsson sjómaður, f. 28. júlí 1902 í Lambhúshólskoti, drukknaði 27. febrúar 1919, féll út af vb. Skuld.
6. Guðjón Jónsson útgerðarmaður, f. 3. nóvember 1905 í Lambhúshólskoti, d. 22. janúar 1965.
7. Ólafur Jónsson skipasmiður í Nýhöfn, f. 15. maí 1908 í Lambhúshólskoti, d. 12. júlí 1998.
Guðjón var með foreldrum sínum í Vesturholtum 1910 og 1920. Hann fluttist til Eyja 1926 og bjó með Karólínu í Nýhöfn 1930. Þar var einnig barn Karólínu, Alda Andrésdóttir. Þau bjuggu á Lágafelli 1932, í Jómsborg 1933, í Brautarholti 1935. Þá bjuggu þau í Vinaminni 1937 og 1940, voru farin úr Eyjum í lok árs 1945. Guðjón var að síðustu matsveinn, átti heimili í Miðey í A-Landeyjum. Hann lést 1965, var jarðsettur í Stóra-Dalskirkjugarði.
Sambýliskona Guðjóns var Árný Karólína Björnsdóttir frá Efranesi á Skaga, f. 16. desember 1906, d. 14. október 2003.
Börn þeirra:
1. Sigurbjörg Guðjónsdóttir, f. 5. janúar 1932 á Lágafelli.
2. Erla Guðjónsdóttir, f. 20. september 1933 í Jómsborg.
3. Kristinn Björn Guðjónsson, f. 4. febrúar 1935 í Brautarholti.
4. Sigurlaug Guðjónsdóttir, f. 14. nóvember 1937 í Vinaminni.
Heimildir
- Samantekt: Víglundur Þór Þorsteinsson.
- Garður.is.
- Íslendingabók.is.
- Manntöl.
- Prestþjónustubækur.
- Víkingslækjarætt – niðjatal Guðríðar Eyjólfsdóttur og Bjarna Halldórssonar hreppstjóra. Pétur Zophoníasson og fleiri. Skuggsjá 1983.
Þessi grein tilheyrir Æviskrám Eyjafólks eftir Víglund Þór Þorsteinsson.