Georg Þór Kristjánsson

Georg Þór Kristjánsson

Georg Þór Kristjánsson fæddist í Vestmannaeyjum 25. mars 1950. Hann lést 11. nóvember 2001. Foreldrar hans voru Helga Björnsdóttir frá Seyðisfirði og Kristján Georgsson frá Vestmannaeyjum. Systkini Georgs Þórs eru: Björn, Guðfinna, Margrét, Mjöll, Drífa, Óðinn og Þór. Árið 1976 kvæntist Georg Kristrúnu Hörpu Rútsdóttur. Börn þeirra eru Kristján, Ragnheiður Rut og Helga Björk en áður átti Georg Lilju.

Georg var yfirleitt kenndur við hús sitt þar sem hann bjó í Klöpp, og var hann í daglegu tali kallaður Goggi í Klöpp en síðari ár sín bjó hann ásamt fjölskyldu sinni í húsinu Vík.

Georg var formaður handknattleiks- og knattspyrnudeildar Íþróttafélagsins Þórs og í stjórn Knattspyrnudeildar ÍBV 1976-1978. Georg starfaði í skátafélaginu Faxa 1962 til 1969. Hann var varaformaður Eyverja, félags ungra sjálfstæðismanna frá 1980 til 1985.

Georg Þór var fyrst kjörinn í bæjarstjórn Vestmannaeyja árið 1978. Hann sat alls fjögur kjörtímabil í bæjarstjórn, þrjú fyrir Sjálfstæðisflokkinn en kjörtímabilið 1994 til 1998 sat hann fyrir H- listann sem hann stofnaði ásamt stuðningsmönnum sínum. Georg Þór starfaði sem forseti bæjarstjórnar frá desember 1983 til júní 1984.

Georg Þór gekk í Kiwanisklúbbinn Helgafell árið 1978. Hann gegndi stöðu ritara í þrígang og var síðast kjörinn ritari við stjórnarkjör 2001. Georg Þór var forseti Helgafells árið 1988 til 1989. Hann var svæðisstjóri Sögusvæðis 1994 til 1995 og varð síðan æðsti maður Kiwanishreyfingarinnar á Íslandi er hann gegndi stöðu Umdæmisstjóra Íslands og Færeyja 1998 til 1999.

Frekari umfjöllun

Georg Þór Kristjánsson frá Nýju-Klöpp, bæjarfulltrúi með meira fæddist 29. mars 1950 Kirkjuvegi 25 og lést 11. nóvember 2001.
Foreldrar hans voru Kristján Georgsson verslunarmaður, sjómaður, útgerðarmaður, f. 13. nóvember 1928, d. 12. apríl 1977, og kona hans Helga Björnsdóttir frá Seyðisfirði, húsfreyja, f. 2. apríl 1931, d. 17. febrúar 1994.

Börn Helgu og Kristjáns:
1. Georg Þór Kristjánsson, f. 25. mars 1950 á Kirkjuvegi 25, d. 11. nóvember 2001. Kona hans Kristrún Harpa Rútsdóttir.
2. Björn Kristjánsson, f. 13. júlí 1951 á Sjúkrahúsinu, d. 17. september 2021. Kona hans Sigrún Sigurðardóttir. Sambúðarkona hans Margrét Sigrún Skúladóttir.
3. Guðfinna Sigríður Kristjánsdóttir, f. 17. nóvember 1953 í Sætúni við Bakkastíg 10. Maður hennar Hafsteinn Stefánsson.
4. Margrét Grímlaug Kristjánsdóttir, f. 5. október 1958. Maður hennar Reynir Jóhannesson.
5. Mjöll Kristjánsdóttir, tvíburi, f. 15. desember 1959 í Klöpp við Njarðarstíg 16. Maður hennar Sigurjón Birgisson.
6. Drífa Kristjánsdóttir, tvíburi, f. 15. desember 1959 í Klöpp við Njarðarstíg 16. Maður hennar Björn Þorgrímsson.
7. Þór Kristjánsson, tvíburi, f. 27. nóvember 1961. Kona hans Eygló Guðmundsdóttir.
8. Óðinn Kristjánsson, tvíburi, f. 27. nóvember 1961. Kona hans Hulda Sæland Árnadóttir.

Georg var með foreldrum sínum í æsku, í Nýju-Klöpp við Faxastíg 11 1972.
Hann var starfsmaður Skeljungs í Eyjum.
Georg var varaformaður Eyverja, félags ungra sjálfstæðismanna í Eyjum 1980-1985, bæjarfulltrúi fyrir Sjálfstæðisflokkinn þrjú kjörtímabil 1978-1990 og fyrir H-listann 1994-1998. Hann var forseti bæjarstjórnar frá desember 1983-júní 1984.
Georg gekk í Kiwanishreyfinguna, gegndi þar trúnaðarstörfum og varð foringi hreyfingarinnar á Íslandi, var umdæmisstjóri Íslands og Færeyja 1998-1999.
Georg Þór eignaðist barn með Þórdísi Bjarneyju 1970.
Þau Kristrún Harpa giftu sig 1976, eignuðust þrjú börn. Þau bjuggu á Hásteinsvegi 52.
Georg Þór lést 2001 og Kristrún Harpa 2021.

I. Barnsmóðir Georgs Þórs er Þórdís Bjarney Jóhannsdóttir, f. 31. október 1952.
Barn þeirra:
1. Lilja Georgsdóttir, f. 15. febrúar 1970. Unnusti hennar Romano Phernamburg.

II. Kona Georgs Þórs, (6. ágúst 1976), var Kristrún Harpa Rútsdóttir húsfreyja, læknaritari, f. 2. júní 1952 í Hafnarfirði, d. 14. desember 2021 í Kópavogi.
Börn þeirra:
2. Kristján Georgsson, f. 5. október 1975.
3. Ragnheiður Rut Georgsdóttir, f. 23. júní 1977.
4. Helga Björk Georgsdóttir, f. 20. október 1982.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 17. nóvember 2001. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---

Myndir

•