María Gísladóttir (Burstafelli)

María Gísladóttir (Maja á Burstafelli) húsfreyja á Burstafelli, fæddist 6. marz 1923 í Neskaupstað, d. 11. janúar 2016.

Ætt og uppruni

María með son sinn Árna Óla Vilhjálmsson.

Faðir hennar var Gísli verkamaður í Neskaupstað, f. 11. febr. 1889 á Reykjum í Mjóafirði eystra, d. 19. júlí 1955 í Neskaupstað, Jóhannssonar bónda og sjómanns á Krossi þar, f. 21. september 1860 í Sandvík í Skorrastaðarsókn, d. 3. maí 1924 á Eskifirði, Marteinssonar bónda og formanns í Sandvík, f. 13. september 1824 í Sandvík, d. 12. maí 1861, Magnússonar, og bústýru Marteins, Dagbjartar, f. 14. apríl í Keldudal í Hegranesi í Skagaf., d. 13. mars 1904, Eyjólfsdóttur.
Móðir Gísla og kona Jóhanns Marteinssonar var Katrín húsfreyja á Krossi, f. 2. október 1862 á Krossi, d. 30. október 1950 í Goðasteini, Gísladóttir bónda á Reykjum í Mjóafirði, f. 20. mars 1832 í Karlsskála við Reyðarfjörð, d. 5. mars 1904 á Reykjum í Mjóafirði, Eyjólfssonar, og konu Gísla, Halldóru húsfreyju og ljósmóður, f. 27. júlí 1837 í Hólmasókn í Reyðarfirði, d. 3. janúar 1927 í Neskaupstað, Eyjólfsdóttur.
Sambýliskona og síðar (31. október 1926) kona Gísla og móðir Maríu var Þórunn Ólafía Ísfeld húsfreyja, f. 11. des. 1892, d. 2. febr. 1932, Karls bónda að Miðhúsum og Krossi í Mjóafirði eystri, f. 7. okt. 1870, d. 26. okt. 1964, Guðmundssonar og fyrri konu (6. nóv. 1892) Karls, Júlíu (einnig Júníu) Johannsen húsfreyju, f. í Færeyjum 1872, d. í Mjóafirði 13. maí 1898.

Ættbogi í Eyjum

Bróðir Maríu var Páll Ólafur Gíslason bifreiðastjóri, f. 3. marz 1922, d. 25. marz 2002, kvæntur Báru Sigurðardóttur frá Bólstað, f. 1925. Föðursystir þeirra Maríu og Páls var Ingigerður Jóhannsdóttir í Goðasteini, f. 6. sept. 1902. Börn Ingigerðar, Páll og María Gíslabörn, Anna Pálína Sigurðardóttir, f. 1920, kona Guðlaugs Guðjónssonar frá Oddsstöðum og Inga Jóhanna, f. 1927, kona Hjörleifs Guðnasonar múrarameistara frá Oddsstöðum, voru systkinabörn. (Sjá Katrínu Gísladóttur)

Lífsferill

María ólst upp í Neskaupstað. Til Eyja fluttist hún 1940. Eftir stofnun heimilis annaðist hún það og börnin framan af starfsævi sinni.
Þau Vilhjálmur keyptu Fatahreinsunina Straum að Skólavegi 4 árið 1958. Ráku þau þar fatahreinsun og þvottaþjónustu, m.a. fyrir Vestmannaeyjabæ. Eftir gos keyptu þau og ráku þvottahús á Flötunum til ársins 1988, er þau Vilhjálmur urðu að hætta rekstrinum vegna veikinda hans.
María bjó að Sólhlíð 19, en dvaldi síðast í Hraunbúðum.
Hún lést 2016.

I. Maður Maríu, (22. febrúar 1942), var Vilhjálmur Árnason, f. 19. febrúar 1921, d. 19. febrúar 1993.
Börn þeirra:
1. Óli Árni Vilhjálmsson sjúkraliði í Njarðvíkum, f. 18. október 1941, d. 24. desember 2021.
2. Þór Ísfeld Vilhjálmsson verkstjóri, f. 30. nóvember 1945. Kona hans Sólveig Adolfsdóttir.
3. Sæmundur Vilhjálmsson rafmagnseftirlitsmaður í Njarðvíkum, f. 7. desember 1948. Fyrrum kona hans Elín Kristín Þorsteinsdóttir. Kona hans Fríða Jóna Ágústdóttir.
4. Sigurbjörg Vilhjálmsdóttir húsfreyja, f. 2. nóvember 1956. Maður hennar Muggur Pálsson.
5. Vilhjálmur Vilhjálmsson vaktmaður, f. 5. mars 1963. Kona hans Ragnheiður Svansdóttir.

Myndir

• 
• 
• 

---

Heimildir

• Upphaflega grein skrifaði Víglundur Þór Þorsteinsson.
• María Gísladóttir, munnleg heimild.
• Niðjatal Sigurbjargar Sigurðardóttur, Burstafelli, Vestmannaeyjum.
• Ættir Austfirðinga. Einar Jónsson og fleiri. Austfirðingafélagið í Reykjavík 1953-1968.
• Pers.
• Prestþjónustubækur.
• Vilhjálmur Hjálmarsson. Mjófirðingasögur. Reykjavík: Bókaútgáfa Menningarsjóðs, 1987-1990.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---