Sigríður Haraldsdóttir (Saltabergi)

Sigríður Haraldsdóttir húsfreyja að Saltabergi fæddist 29. júní 1916 að Strandbergi og lést af slysförum 17. febrúar 1993.
Foreldrar hennar voru Haraldur Jónasson formaður og síðar fiskimatsmaður í Eyjum, f. 30. júní 1888, d. 27. desember 1941 og kona hans Ágústa Friðsteinsdóttir húsfreyja, f. 13. ágúst 1891, d. 10. ágúst 1977.

Börn Ágústu og Haraldar:
1. Ásta Guðmunda Haraldsdóttir húsfreyja í Garðshorni, f. 26. október 1914 í Reykjavík, d. 2. júní 2005, gift Bjarna Gíslasyni Jónssyni, f. 28. september 1911, d. 9. júní 1987.
2. Sigríður Haraldsdóttir húsfreyja að Saltabergi, f. 29. júní 1916 á Strandbergi, d. 17. febrúar 1993, gift Hlöðveri Johnsen bankaritara.
3. Guðríður Haraldsdóttir húsfreyja, f. 2. október 1917 á Vilborgarstöðum, d. 21. desember 1961, gift Þórarni Þorsteinssyni kaupmanni, f. 29. júlí 1923, d. 26. febrúar 1984.
4. Ágústa Haraldsdóttir húsfreyja, f. 14. ágúst 1919 á Vilborgarstöðum, d. 27. desember 1989, gift Trausta Jónssyni verslunarmanni og bifreiðastjóra, f. 11. janúar 1917, d. 2. janúar 1994.

„Húsfreyjan á Saltabergi hafði snemma mikið að gera. Börnin urðu sex; Ágústa, sem Súlli gekk í föðurstað, Margrét, Sigríður, Haraldur Geir, Anna Svala og Svava Björk. Súlli var góður bjargveiðimaður og kom það í hlut húsmóðurinnar að taka við fuglinum og reyta. Auk þessa höfðu þau mikil garðlönd sem einnig kom í hennar hlut og barnanna að sjá um meðan á veiðitímanum stóð.“ (Úr minningargrein).

I. Sigríður eignaðist barn með Guðmundi Óskari Ólafssyni Lárussonar, f. 14. júní 1914, d. 18. mars 1981.
Barn þeirra er:
1. Ágústa Guðmundsdóttir húsfreyja, f. 5. janúar 1937, kona Guðna Pálssonar frá Þingholti.

II. Maður Sigríðar, (1. ágúst 1942), var Hlöðver Johnsen, f. 11. febrúar 1919, d. 10. júlí 1997.
Börn Sigríðar og Hlöðvers eru:
2. Margrét Hlöðversdóttir Johnsen, fædd 7. nóvember 1942.
3. Sigríður Hlöðversdóttir Johnsen, fædd 28. júlí 1948.
4. Anna Svala Hlöðversdóttir Johnsen, f. 3. janúar 1955.
5. Haraldur Geir Hlöðversson, f. 24. júlí 1956.
6. Svava Björk Hlöðversdóttir Johnsen, f. 7. ágúst 1959.

---

Heimildir

• Samantekt: Víglundur Þór Þorsteinsson.
• Íslendingabók.is.
• Garður.is.
• Morgunblaðið 27. febrúar 1993. Minning. Sigfús J. Johnsen.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---