Aðventsöfnuðurinn

O.J Olsen fæddist í Noregi 6. ágúst 1887. Hann fluttist ungur til Bandaríkjanna með foreldrum sínum þar sem hann kynntist söfnuði aðventista 19 ára gamall. Til Íslands kom O.J árið 1911. Fór hann víða um landið, stofnaði söfnuði og byggði kirkjur. Jafnframt lagði hann rækt við íslensk fræði og náði strax mikilli færni í íslenska tungumálinu.

O.J fluttist með fjölskyldu sína til Vestmannaeyja um áramótin 1922-1923 og bjuggu þau í Ásum. Með honum í för var Kathy Henriksen, dönsk kona sem menntuð var hjúkrunarfræðingur og nuddari. Hún átti að veita forstöðu nudd- og baðstofu í Vestmannaeyjum.

Koma O.J vakti athygli og þegar halda átti fyrstu samkomuna í Goodtemplarahúsinu var salurinn troðfullur. Flestir komu af forvitni en aðrir til að gera grín að þessu öllu saman. Voru samkomur haldnar allan veturinn, fyrst í Goodtemplarahúsinu en síðar í Borg. Á jóladag 1922 var enn flutt í stærra húsnæði og þá í Nýja Bíó (Samkomuhúsið) við Vestmannabraut. Oftast nær var húsfyllir á samkomum og var söfnuður Aðventista í Vestmannaeyjum formlega stofnaður 26. janúar 1924.

Stofnendur

Stofnendur söfnuðs Aðventista í Vestmannaeyjum voru 32. Þeir voru:

• Bergþóra Magnúsdóttir, Bergholti. Maður hennar var Ólafur Önundarson parketlagningarmaður.
• Guðbjörg Ingvarsdóttir, Geithálsi, eiginkona Sveinbjörns Einarssonar.
• Guðmundur Einarsson, Uppsölum.
• Guðný Elíasdóttir, Skipholti, eiginkona Kristjáns Þórðarsonar.
• Guðríður Magnúsdóttir, Bergholti, kvænt Holbergi Jónssyni netargerðarmanni.
• Guðrún Jónsdóttir, Þingeyri. Hún var kvænt Gústav Pálssyni sem drukknaði.
• Guðrún Magnúsdóttir, Svalbarða. Hún var fyrsta forstöðukona Systrafélagsins Alfa í Vestmannaeyjum.
• Guðrún Sveinbjarnardóttir, Seljalandi. Hún var kvænt Guðmundi Sigurðssyni. Þau bjuggu lengi í Mörk.
• Guðrún Þorfinnsdóttir, Uppsölum.
• Gyðríður Magnúsdóttir, Háaskála. Hún dvaldi einnig í Hellisholti hjá syni sínum.
• Ingi Sigurðsson, Merkisteini. Hann vann sem trésmiður í Vestmannaeyjum.
• Ingibjörg Jónsdóttir, Sjávarborg.
• Kathy Henriksen, Ásum. Hún kvæntist Oddi Þorsteinssyni sem rak skóverkstæði og verslun í Vestmannaeyjum.
• Kristján Þórðarson, Skipholti.
• Kristín Guðmundsdóttir, Ási.
• Kristín Sigurðardóttir, Merkisteini.
• Magnína Sveinsdóttir, Engidal.
• Magnús Helgason, Engidal.
• Magnús Magnússon, Bergholti. Hann var trésmiður í Vestmannaeyjum. Bjó síðar ásamt syni sínum á Hvítingavegi.
• Magnús Þórðarson, Sjávarborg.
• Margrét Gunnarsdóttir, Reynifelli.
• María Hrómundsdóttir, Reynivöllum.
• Marta Sigurðardóttir, Merkisteini.
• Olsen, O.J
• Olsen, Annie. Kona O.J.
• Pálína Einarsdóttir,Götu.
• Sigríður Hróbjartsdóttir, Bergholti.
• Sigríður Þórðardóttir, Sjávarborg.
• Stefán Erlendsson, Sjávarborg. Bjó seinna á Faxastíg. Hann var sjómaður og múrari í Vestmannaeyjum.
• Sveinbjörn Einarsson, Geithálsi. Hann var húsasmiður.
• Sveinfríður Guðmundsdóttir, Götu.
• Þóranna Guðmundsdóttir, Kirkjubóli.

Auk þessara 32 stofnaðila bættust 28 við hópinn áður en árið var liðið.