Sylvía Guðmundsdóttir (Arnardrangi)

Sylvía Níelsína Guðmundsdóttir frá Stóru-Háeyri á Eyrarbakka, húsfreyja í Arnardrangi fæddist 13. ágúst 1883 á Stóru-Háeyri og lést 22. október 1957.
Foreldrar hennar voru Guðmundur Ísleifsson frá Efri-Mörk á Síðu, útvegsbóndi og kaupmaður, f. 17. janúar 1850 á Suður-Götum í Mýrdal, d. 3. nóvember 1937 í Reykjavík, og kona hans Sigríður Þorleifsdóttir frá Stóru-Háeyri, húsfreyja, f. 15. mars 1857, d. 3. apríl 1937.

Sylvía var með foreldrum sínum í æsku.
Þau Ólafur giftu sig 1906, eignuðust 10 börn. Þau bjuggu í fyrstu í Reykjavík, en á Fljótsdalshéraði frá 1910, á Eiðum í Eiðaþinghá og Brekku í Fljótsdal. Á Brekku ráku þau stórbú. Auk þess var þar sjúkraskýli og oft rúmliggjandi sjúklingar.
Þau fluttu til Eyja 1925 þar sem Ólafur varð héraðslæknir, bjuggu í Drífanda við Bárugötu 2 1926, byggðu Arnardrang við Hilmisgötu 11 og bjuggu þar síðan. Hluti hússins var nýttur fyrir sjúklinga.
Ólafur Óskar lést 1952 og Sylvía Níelsína 1957.

I. Maður Sylvíu, (24. nóvember 1906), var Ólafur Óskar Lárusson frá Sjónarhóli á Vatnsleysuströnd, héraðslæknir, f. þar 1. september 1884, d. 6. júní 1952.
Börn þeirra:
1. Jóhanna Gunnhildur Ólafsdóttir saumakona, f. 24. mars 1907 í Reykjavík, d. 31. júlí 1966. Barnsfaðir hennar Sveinn Benediktsson.
2. Magnús Óskar Ólafsson stórkaupmaður í Reykjavík, f. 29. apríl 1908 í Reykjavík, d. 3. september 1968. Kona hans Guðrún Ólafía Karlsdóttir.
3. Guðrún Ólafsdóttir húsfreyja í Reykjavík, f. 30. október 1909 í Reykjavík, d. 13. ágúst 1985. Maður hennar Örn Hauksteinn Matthíasson.
4. Lárus Guðmundur Óskar Ólafsson lyfjafræðingur og apótekari á Selfossi, f. 22. október 1911 á Eiðum í Eiðaþinghá, d. 10. apríl 1987. Kona hans, (skildu), Ásdís Lárusdóttir.
5. Sigurður Óskar Ólafsson verslunarmaður í Reykjavík, f. 2. júní 1913 á Brekku í Fljótsdal, S.-Múl., d. 16. nóvember 1955. Fyrrum kona hans Einarína Pálína Árnadóttir. Kona hans Aðalbjörg Vilhjálmsdóttir.
6. Guðmundur Óskar Ólafsson bókari í Reykjavík, f. 14. júní 1914 á Brekku í Fljótsdal, S.-Múl., d. 18. mars 1981. Kona hans Olga Hallgrímsdóttir.
7. Jakob Óskar Ólafsson skrifstofustjóri í Eyjum, síðar í Reykjavík, f. 18. ágúst 1915 á Brekku í Fljótsdal, S.-Múl., d. 18. febrúar 1992. Kona hans Jóhanna María Bjarnasen.
8. Axel Óskar Ólafsson héraðsdómslögmaður, innheimtustjóri í Reykjavík, f. 21. janúar 1917 á Brekku í Fljótsdal, S.-Múl., d. 8. ágúst 1980. Kona hans Þorbjörg Andrésdóttir.
9. Sigríður Sólveig Ólafsdóttir húsfreyja í Reykjavík og Stykkishólmi, f. 7. apríl 1918 á Brekku í Fljótsdal, S.-Múl., d. 14. desember 1945. Maður hennar Kjartan Jónsson.
10. Halldór Óskar Ólafsson loftsiglingafræðingur, flugleiðsögumaður í Reykjavík, f. 19. nóvember 1923 á Brekku í Fljótsdal, S.-Múl. Kona hans Helena Svanhvít Sigurðardóttir.

---

Heimildir

• Samantekt: Víglundur Þór Þorsteinsson.
• Íslendingabók.is.
• Læknar á Íslandi. Gunnlaugur Haraldsson. Þjóðsaga 2000.
• Manntöl.
• Prestþjónustubækur.
• Vestur-Skaftfellingar 1703-1966. Björn Magnússon. Leiftur 1970-1973.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---