Kristný Jónína Valdadóttir

Úr Heimaslóð, Sögusetri Vestmannaeyja
Fara í flakk Fara í leit

Kristný Jónína Valdadóttir frá Sandgerði, húsfreyja fæddist 10. október 1909 í Mið-Skála u. Eyjafjöllum og lést 10. ágúst 1993 í Eyjum.
Foreldrar hennar voru Valdi Jónsson í Sandgerði, f. 10. júlí 1872 í Steinum u. Eyjafjöllum, d. 21. ágúst 1947, og kona hans Guðrún Stefánsdóttir húsfreyja, f. 24. ágúst 1878 í Mið-Skála u. Eyjafjöllum, d. 14. febrúar 1954.

Börn Guðrúnar og Valda:
1. Eitt barn dáið fyrir 1910.
2. Kristján Þórarinn Valdason, f. 1. febrúar 1903, d. 16. desember 1924.
3. Árni Valdason, f. 17. september 1905, d. 26. júlí 1970.
4. Stefán Sigurþór Valdason, f. 17. mars 1908, d. 24. júlí 1982.
5. Kristný Jónína Valdadóttir, f. 10. október 1909, d. 10. ágúst 1993.
6. Óskar Valdason, tvíburi, f. 29. október 1912, d. 26. mars 1940.
7. Sigurjón Valdason, tvíburi, f. 29. október 1912, d. 13. maí 1984.
8. Guðbjörg Kristjana Halldóra Valdadóttir, f. 10. október 1914, d. 27. apríl 2007.
9. Jón Hafsteinn Valdason, f. 22. janúar 1920, d. 22. október 1920.
Barn Valda og Elínar Pétursdóttur:
10. Guðjón Pétur Valdason, f. 4. október 1893, d. 17. ágúst 1989.
Börn Valda og Halldóru Pálsdóttur:
11. Kristín Karítas Valdadóttir, f. 21. febrúar 1898, d. 20. september 1938.
12. Páll Valdason þjóðgarðsvörður, múrari, f. 14. júní 1900, d. 8. júní 2000.
Barn Valda og Sigurborgar Eyjólfsdóttur:
13. Lára Valdadóttir, síðar húsfreyja í Reykjavík, f. 28. október 1902 á Moldnúpi u. Eyjafjöllum, d. 19. nóvember 1989.

Kristný var með foreldrum sínum, fluttist með þeim til Eyja 1911, var með þeim í Péturshúsi við Urðaveg 9 og í Sandgerði við Vesturveg 9b.
Þau Jens giftu sig 1930, eignuðust sex börn, en misstu eitt þeirra 5 mánaða gamalt. Þau bjuggu á Búrfelli við Hásteinsveg 12 1029, á Dyrhólum við Hásteinsveg 15B, í Drangey við Kirkjuveg 84, í Einidrangi við Brekastíg 29 1941 og síðan.
Jens lést 1992.
Kristný dvaldi að síðustu í Hraunbúðum. Hún lést 1993.

I. Maður Kristnýjar, (31. desember 1930), var Jens Sigurður Ólafsson bifreiðastjóri, f. 19. maí 1909 á Hofsósi, d. 23. febrúar 1992.
Börn þeirra:
1. Ólafur Jensson, f. 26. ágúst 1929 á Búrfelli, d. 28. janúar 1930.
2. Lilja Sigríður Jensdóttir, f. 9. nóvember 1930 á Dyrhólum. Maður hennar var Guðlaugur Þórarinn Helgason, látinn.
3. Fjóla Jensdóttir, f. 15. apríl 1932 á Dyrhólum, d. 31. mars 1986. Maður hennar Bogi Sigurðsson.
4. Guðmunda Guðrún Jensdóttir, f. 13. september 1936. Fyrrum maður hennar Þorbjörn Ásgeirsson.
5. Sigríður Mínerva Jensdóttir, f. 3. nóvember 1943 í Einidrangi. Maður hennar Kristinn Skæringur Baldvinsson.
Fósturdóttir hjónanna, dóttir Guðrúnar Jensdóttur er
6. Guðný Linda Antonsdóttir, f. 14. júlí 1953.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.