Kristmann Magnússon (Skjaldbreið)
Kristmann Magnússon smiður frá Heydalsá í Kirkjubólshreppi í Strandasýslu fæddist 2. október 1899 og lést 29. desember 1996.
Foreldrar hans voru Magnús Jónsson bóndi í Arnkötludal í Kirkjubólshreppi, f. 29. október 1879 á Gestsstöðum þar, d. 22. desember 1966 á Hólmavík, og kona hans Bjarnína Guðrún Kristmannsdóttir, f. 9. júní 1879 á Miðhúsum í Kollafirði í Strandasýslu, d. 25. júní 1974 á Hólmavík.
Kristmann ólst upp með foreldrum sínum, var með þeim á Hvalsá í Kirkjubólshreppi 1901, var nemandi í Heydalsskóla þar 1910.
Hann var vinnumaður í Tröllatungu þar 1920.
Kristmann leitaði til Eyja frá árinu 1933, stundaði í fyrstu sjómennsku og tengda vinnu.
Þau Sigríður Rós giftu sig á Hólmavík 1939, en bjuggu á Skjaldbreið 1940 og síðan, uns þau fluttu í nýbyggt hús sitt á Vallargötu 12 1953, eignuðust átta börn.
Kristmann vann við smíðar af ýmsu tagi, húsasmíðar og skipasmíðar. Hann vann hjá Skipaviðgerðum í Vestmannaeyjum til 1977.
Að síðustu dvaldi hann í Hraunbúðum.
Hann lést 1996 og Sigríður Rósa 2000.
Kona Kristmanns, (21. október 1939), var Sigríður Rósa Sigurðardóttir húsfreyja, f. 29. júlí 1915 á Skjaldbreið, d. 3. júlí 2000.
Börn þeirra:
1. Hólmfríður Kristmannsdóttir, f. 1. mars 1940 á Skjaldbreið.
2. Ingibjörg Guðrún Kristmannsdóttir, f. 16. febrúar 1941 á Skjaldbreið, d. 30. nóvember 2022.
3. Kristmann Kristmannsson, f. 29. ágúst 1943 á Skjaldbreið.
4. Ómar Kristmannsson, f. 5. október 1949 á Skjaldbreið.
5. Magnús Kristmannsson, f. 6. september 1953 á Vallargötu 12.
6. Ólafur Kristmannsson, f. 7. ágúst 1955 á Vallargötu 12.
7. Ásta Kristmannsdóttir, tvíburi, f. 17. október 1958.
8. Birgir Kristmannsson, tvíburi, f. 17. október 1958.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 4. janúar 1997. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.