Kristinn Hjartarson (Hellisholti)
Hjörtur Kristinn Hjartarson frá Hellisholti fæddist 17. desember 1921 í Mörk við Hásteinsveg og lést 3. apríl 2012 á hjúkrunarheimili aldraðra í Kópavogi.
Foreldrar hans voru Hjörtur Magnús Hjartarson sjómaður, verkamaður, f. 7. ágúst 1893 í Miðey í A-Landeyjum, d. 8. október 1978, og kona hans Sólveig Kristjana Hróbjartsdóttir, f. 28. október 1902, d. 15. október 1993.
Börn Hjartar og Solveigar voru:
1. Hjörtur Kristinn Hjartarson vélstjóri, ökukennari, f. 17. desember 1921, d. 3. apríl 2012.
2. Viktoría Klara Hjartardóttir, húsfreyja, f. 29. júní 1924 í Mörk, d. 7. júní 2013.
3. Marta Hjartardóttir húsfreyja, f. 30. júní 1926 í Mörk, d. 17. janúar 2021.
4. Óskar Hjartarson bifreiðastjóri í Reykjavík, f. 29. ágúst 1927, d. 15. desember 2014.
5. María Hjartardóttir, f. 8. desember 1928 í Hellisholti, fórst með Glitfaxa 31. janúar 1951 ásamt Bjarna Gunnarssyni, fimm mánaða syni sínum .
6. Aðalheiður Hjartardóttir húsfreyja, f. 27. apríl 1930 í Hellisholti, d. 12. mars 2012.
7. Björgvin Hafsteinn Hjartarson byggingaverktaki, f. 10. júlí 1932 í Hellisholti.
Föðursystkini Kristins í Eyjum voru:
1. Vigdís Hjartardóttir húsfreyja, f. 25. júlí 1887, d. 28. febrúar 1972.
2. Reimar Hjartarson pípugerðarmaður, f. 10. janúar 1891, d. 7. júní 1955.
Kristinn var með foreldrum sínum í æsku. Hann tók hið minna vélstjórapróf í Eyjum 1941, stundaði sjómennsku, var vélstjóri á Gottu VE 108 1939-1946, vélstjóri hjá Vinnslustöðinni hf. 1947-1949. Síðar hóf hann störf í Áhaldahúsi Vestmannaeyjabæjar og hafði umsjón með vinnuvélum bæjarins 1950-1962, rak smurstöð og bensínafgreiðslu til margra ára og stundaði ökukennslu. Þá var hann varaslökkviliðsstjóri 1963-1966.
Þau Jóhanna bjuggu í fyrstu í Hellisholti, síðan í Fagranesi við Hásteinsveg 34, en byggðu síðan Lyngholt við Illugagötu og húsið Hátún við Hátún.
Þau fluttust til Kópavogs 1966. Eftir það nam Kristinn símsmíði og vann í mörg ár við að setja upp sjálfvirkar símstöðvar fyrir Póst og síma víða um land, var deildarverkstjóri í Reykjavík 1966-1991.
Hann lést í Sunnuhlíð, hjúkrunarheimili aldraðra í Kópavogi 2012.
Kona Kristins var Jóhanna Ketilríður Arnórsdóttir húsfreyja frá Ísafirði, f. 24. júlí 1925.
Börn þeirra:
1. Hjörtur Viðar Kristinsson verktaki, síðast í Kópavogi, f. 15. febrúar 1944 í Hellisholti, d. 3. september 1989.
2. María Sólveig Hjartardóttir , f. 26. mars 1946 í Fagranesi.
3. Arndís Kristjana Hjartardóttir , f. 29. maí 1949 í Hellisholti.
4. Eydís Ósk Hjartardóttir, f. 9. desember 1953 í Lyngholti.
5. Kristín Gyðríður Hjartardóttir, f. 3. nóvember 1958 á Sjúkrahúsinu.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 12. apríl 2012. Minning.
- Prestþjónustubækur.
- Vélstjóra- og vélfræðingatal. Ritstjórar: Þorsteinn Jónsson og Franz Gíslason. Þjóðsaga 1996 og 1997.
Þessi grein tilheyrir Æviskrám Eyjafólks eftir Víglund Þór Þorsteinsson.