Guðfinna Guðfinnsdóttir (sjúkraliði)
Guðfinna Guðfinnsdóttir húsfreyja, sjúkraliði í Reykjavík, ráðgjafi hjá LÍN fæddist 18. nóvember 1956.
Foreldrar hennar voru Guðfinnur Þorgeirsson skipstjóri, útgerðarmaður, f. 20. nóvember 1926, d. 22. mars 2012, og fyrri kona hans Sigurleif Ólafía Björnsdóttir frá Minna-Núpi, húsfreyja, f. 5. september 1923, d. 26. nóvember 1956.
Fósturforeldrar Guðfinnu voru Gunnarína Margrét Þorgeirsdóttir frá Skel, móðursystir hennar, húsfreyja á Hamri og á Bröttugötu 13, f. 18. janúar 1921, d. 19. júní 1990, og maður hennar Skarphéðinn Vilmundarson frá Hjarðarholti, flugumferðarstjóri, f. 25. janúar 1912, d. 28. júlí 1971.
Börn Sigurleifar Ólafíu og Guðfinns:
1. Jakobína Guðfinnsdóttir húsfreyja, f. 6. mars 1947.
2. Hafsteinn Grétar Guðfinnsson sjávarlíffræðingur, f. 5. ágúst 1950.
3. Sigurleif Guðfinnsdóttir húsfreyja, f. 18. nóvember 1956.
4. Guðfinna Guðfinnsdóttir húsfreyja, sjúkraliði, ráðgjafi hjá LÍN, f. 18. nóvember 1956.
Börn Guðfinns og Valgerðar Helgu:
5. Þorgeir Guðfinnsson bifvélavirki, f. 19. febrúar 1968.
Dætur Valgerðar Helgu og fósturbörn Guðfinns:
6. Helga Guðmundsdóttir húsfreyja, verslunarmaður, ræstitæknir á Selfossi, f. 8. ágúst 1953.
7. Lilja Guðný Guðmundsdóttir húsfreyja, sjúkraliði í Kópavogi, f. 14. október 1955.
Guðfinna missti móður sína nýfædd 1956.
Hún var alinn upp af Margréti móðursystur sinni og Skarpéðni Vilmundarsyni á Hamri og Bröttugötu 13.
Hún gekk í Gagnfræðaskólann og lenti í Gosinu, lauk 4. bekk í Laugalækjarskóla í Reykjavík vorið 1973. Þá nam hún í Sjúkraliðaskólanum og varð sjúkraliði 1977.
Guðfinna starfaði á Hótel Borg og á Kópavogshæli eftir gagnfræðaprófið.
Hún eignaðist Margréti með Friðriki 1976.
Guðfinna sneri til Eyja 1977 og var sjúkraliði við Sjúkrahúsið, síðan vann hún við leikskólann Rauðagerði í 1-2 ár og vann þá við Sjúkrahúsið til 1987, er hún flutti til Reykjavíkur.
Hún vann á Landspítalanum 1987-1988, en hóf þá störf við Lánasjóð íslenskra námsmanna (LÍN) og hefur verið þar ráðgjafi.
Þau Óðinn giftu sig 1985, eiga ekki börn saman, en hann fóstraði Margréti. Þau bjuggu á Bröttugötu 13 og við Boðaslóð. Þau búa á Leirubakka 20 í Reykjavík.
I. Barnsfaðir Guðfinnu er Friðrik Marinó Sigurðsson, f. 20. janúar 1954.
Barn þeirra:
1. Margrét Friðriksdóttir, viðskiptafræðingur, fjármálahagfræðingur, f. 9. nóvember 1976. Hún er ógift.
II. Maður Guðfinnu, (7. september 1985), er Óðinn Haraldsson yfirvélstjóri, sagnfræðingur, f. 13. febrúar 1960. Þau eru barnlaus.
Heimildir
- Samantekt: Víglundur Þór Þorsteinsson.
- Guðfinna.
- Íslendingabók.is.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.