Guðjón Valdason
Guðjón Pétur Valdason, Dyrhólum, fæddist 4. október 1893 að Steinum undir Eyjafjöllum og lést 17. ágúst 1989. Guðjón fór 14 ára gamall til Vestmannaeyja með móður sinni og stjúpföður, Elínu Pétursdóttur frá Vatnsskarðshólum í Mýrdal og Bergi Jónssyni frá Gíslakoti undir Eyjafjöllum. Faðir Guðjóns var Valdi Jónsson.
Fyrri kona Guðjóns var Margrét Símonardóttir og börn þeirra voru:
Síðari kona Guðjóns var Guðbjörg Þorsteinsdóttir frá Pétursey í Mýrdal. Börn þeirra voru:
- Marteinn Guðjónsson og
- Ósk Guðjónsdóttir.
- Þorsteinn Guðjónsson og Þorsteina Bergrós, - dóu ung.
Árið 1923-1924 byrjaði Guðjón formennsku á Garðari I. Eftir það var Guðjón meðal annars með Gottu, Von EA og Kap sem hann var með til ársins 1955 eða í 21 vertíð. Þá kaupir Guðjón Kap II og var með hann 1955-1961 þegar hann hættir formennsku.
Óskar Kárason samdi formannavísu um hann:
- Færir Kap á grænan gnið
- Guðjón aldinn Valda,
- þó að tíðum súðar svið
- sargi baldin alda.
Óskar samdi seinna aðra vísu um hann:
- Höld Guðjón veit ég Valda
- valda með Kap út halda,
- djúps, þó að sylgjur súpi
- súðin í brima úða.
- Gjöld fær úr ægi aldinn,
- aldan þó reisi faldinn.
- Bindur við kærleik kindur,
- knái skipstjórinn, hái.
Myndir
Heimildir
- Óskar Kárason. Formannavísur. Vestmannaeyjum, 1950.
- Óskar Kárason. Formannavísur II. Vestmannaeyjum, 1956.
- Sjómannablaðið Víkingur. Farmanna- og Fiskimannasamband Íslands.
- Gísli Eyjólfsson frá Bessastöðum.
- Skipstjóra- og stýrimannatal I. Guðmundur Jakobsson. Ægisútgáfan. Reykjavík 1979.