Margrét Andersdóttir (Þinghól)
Margrét Andersdóttir frá Þinghól við Kirkjuveg 19, húsfreyja á Strembugötu 17 fæddist 4. janúar 1934.
Foreldrar hennar voru Anders Ingibrigt Johan Bergesen Hals útgerðarmaður frá Vågsoy í Nordfjord í Noregi, f. 5. október 1908, d. 22. september 1975, og kona hans Sólveig Ólafsdóttir húsfreyja, 23. september 1913 á Hnausum við Landagötu 5b, d. 27. júní 2000.
Börn Sólveigar og Anders:
1. Margrét Andersdóttir húsfreyja á Strembugötu 17, f. 4. janúar 1934. Maður hennar Kjartan Konráð Úlfarsson rennismíðameistari, f. 10. júní 1935, d. 4. september 2019.
2. Martina Birgit Andersdóttir húsfreyja í Þinghól við Kirkjuveg 19, f. 22. ágúst 1935. Maður hennar Ásmundur Jónsson rennismíðameistari, f. 28. ágúst 1928, d. 28. ágúst 2019.
3. Ólafía Andersdóttir húsfreyja, bóndi í Noregi, f. 25. október 1946 í Eyjum. Maður hennar Jon Stöyva, látinn.
4. Inger Elísa Andersdóttir húsfreyja, bankastarfsmaður, f. 22. janúar 1950 í Eyjum. Maður hennar Arnþór Flosi Þórðarson, látinn.
Margrét var með foreldrum sínum í æsku.
Hún lauk landsprófi í Gagnfræðaskólanum 1951, fór tvisvar til náms í husflidskule (handavinnuskóla) í Voss.
Margrét vann skrifstofustörf í Fiskiðjunni og síðar í Vinnslustöðinni.
Þau Kjartan giftu sig 1958, eignuðust þrjú börn. Þau bjuggu í fyrstu í Þinghól, byggðu síðan og bjuggu við Strembugötu 17, fluttu til Reykjavíkur 1967, en síðar í Garðabæ. Síðustu árin bjuggu þau í Kópavogi.
Kjartan lést 2019.
I. Maður Margrétar, (4. janúar 1958), var Kjartan Konráð Úlfarsson rennismíðameistari, f. 10. júní 1935, d. 4. september 2019.
Börn þeirra:
1. Anders Kjartansson tölvutæknir, hefur unnið hjá Skýrsluvélum Ríkisins og Reykjavíkurborgar og hjá Advania, f. 10. mars 1961 í Eyjum. Kona hans Dagbjört Þuríður Oddsdóttir.
2. María Ingibjörg Kjartansdóttir húsfreyja, skrifstofumaður hjá ELKO, f. 28. febrúar 1964 í Eyjum. Maður hennar Andrés Eyberg Jóhannsson.
3. Úlfar Kjartansson, vinnur hjá bílaumboði, f. 13. júlí 1965 í Eyjum. Kona hans Ingunn Heiðrún Óladóttir.
Heimildir
- Samantekt: Víglundur Þór Þorsteinsson.
- Íslendingabók.
- Margrét.
- Morgunblaðið 20. september 2019. Minning Kjartans.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.