Guðbjörg Guðlaugsdóttir (Jakobshúsi)
Guðbjörg Guðlaugsdóttir húsfreyja í Jakobshúsi fæddist 30. ágúst 1874 á Sperðli í Sigluvíkursókn í Rang. og lést 17. febrúar 1965.
Faðir hennar var Guðlaugur bóndi á Sperðli í V-Landeyjum og Dórukoti í Holtum, f. 15. júlí 1832, d. 4. ágúst 1887, Jónsson bónda á Efra-Hvoli í Stórólfshvolssókn 1835, Vindási þar 1845, f. um 1805 í Brautarholtssókn, Jónssonar, (hann er 72 ára hjá Jóni syni sínum á Efra-Hvoli 1835), f. um 1763, Jónssonar.
Móðir Guðlaugs og kona Jóns á Efra-Hvoli var Jódís húsfreyja í Vindási í Stórólfshvolssókn 1845, f. 7. desember 1810, d. 17. september 1885, Guðlaugsdóttir bónda og hreppstjóra á Búðarhóli í Landeyjum 1801, síðar á Hemlu í Fljótshlíð, f. 1759 á Kirkjulandi í A-Landeyjum, d. 25. mars 1818, Bergþórssonar, og síðari konu Guðlaugs Bergþórssonar (1803), Margrétar húsfreyju, f. 1775, d. 2. janúar 1863 í Hemlu, Árnadóttur.
Móðir Guðbjargar í Jakobshúsi og kona Guðlaugs var Ingibjörg húsfreyja á Sperðli 1870, í Norðurhjáleigu í Voðmúlastaðasókn 1880, f. 28. júlí 1830, d. 11. febrúar 1910, Jónsdóttir bónda í Stöðlakoti í Holtum 1835, Litla-Rimakoti þar 1840, f. 18. september 1799, d. 17. desember 1859, Jónssonar bónda á Arnkötlustöðum í Holtum, og konu Jóns á Arnkötlustöðum, Úlfhildar húsfreyju, f. 1763 á Butru í Fljótshlíð, Magnúsdóttur prests á Butru, Einarssonar.
Móðir Ingibjargar á Sperðli og kona Jóns var Ragnhildur húsfreyja, f. 1. janúar 1799 í Seli í Holtum, d. 19. júlí 1879, Ólafsdóttir vinnumanns á Ásmundarstöðum þar 1801, bónda í Seli þar 1816, f. 24. apríl 1769 á Ægissíðu í Oddasókn, d. 14. nóvember 1827, Jónssonar, og konu Ólafs í Seli, Ingveldar húsfreyju, f. 1779 í Helli í Oddasókn, d. 27. október 1867, Ísleifsdóttur.
Systkini Guðbjargar voru m.a.:
I. Magnús Guðlaugsson formaður í Fagurlyst, síðari maður Guðrúnar Þorkelsdóttur húsfreyju; hann f. 1863, drukknaði 20. maí 1901.
II. Margrét Guðlaugsdóttir húsfreyja, síðast í Brautarholti, f. 13. júlí 1868, d. 23. desember 1937. Maður hennar var Jón Jóngeirsson bóndi, f. 10. ágúst 1865, d. 11. apríl 1940.
Börn þeirra í Eyjum:
1. Guðlaugur Júlíus Jónsson múrarameistari í Stafholti, f. 31. júlí 1895 í Krókatúni, d. 4. september 1978.
2. Ingibergur Jónsson sjómaður, verkamaður, f. 12. júlí 1897 í Krókatúni u. Eyjafjöllum, d. 15. apríl 1960.
3. Guðrún Jónsdóttir húsfreyja á Litlalandi, f. 17. maí 1899 í Lambhúskoti, d. 16. mars 1992.
4. Magnús Jónsson bóndi, verkamaður, f. 8. júlí 1901 í Lambhúskoti, d. 3. júlí 1986.
5. Sigurður Jónsson sjómaður, f. 28. júlí 1902 í Lambhúskoti, drukknaði 27. febrúar 1919, féll út af vb. Skuld.
6. Guðjón Jónsson útgerðarmaður, f. 3. nóvember 1905 í Lambhúskoti, d. 22. janúar 1965.
7. Ólafur Jónsson skipasmiður í Nýhöfn, f. 15. maí 1908, d. 12. júlí 1998.
Guðbjörg var vinnukona í Hemlu í Breiðabólsstaðarsókn 1890 og vinnukona í Varmahlíð undir Eyjafjöllum 1901.
Hún fluttist til Eyja frá Varmahlíð með Guðlaug son sinn 1902, bjó með Sigurði í Laufási 1904, í Túni 1905 og 1906, eignaðist þrjú börn með honum í Eyjum, síðasta 1906 og missti Sigurð sama ár.
Guðbjörg var vinnukona í Fagradal í lok árs 1906. Hún var með Sigríði Benoníu hjá sér, en Sæunn var í fóstri í Sjólyst. Guðlaugur sonur hennar var kominn í fóstur á Ásólfsskála u. Eyjafjöllum og Elín var í fóstri í Ystakoti í Landeyjum.
Guðbjörg var vinnukona í Gerði 1907 og 1908 með Sigríði Benóníu hjá sér, síðan húsfreyja í Jakobshúsi til 1919.
Hún giftist Jakobi Tranberg 1909, eignaðist með honum þrjú börn, áður en þau skildu.
Árið 1920 bjó hún með börnum sínum í Sjávargötu, var ein í Götu 1924. Guðbjörg var húsfreyja að Litla-Bergholti, (Vestmannabraut 63 B) við mt. 1930, bjó þar með Einari Einarssyni bræðslumanni frá Norðurgarði og Lars syni sínum. Þá var Gísli sonur hennar við bakaranám og bjó á Heiðarhóli (Brekastíg 16). Þau Einar bjuggu saman og fluttust til Reykjavíkur, voru síðast á Helgafelli í Blesugróf.
Guðbjörg lést 1965 og Einar 1967.
Guðbjörg átti þrjá menn;
I. Sambýlismaður Guðbjargar var Sigurður Sigurðsson bóndi á Lambhúshóli u. Eyjafjöllum, fluttist til Eyja 1903, f. 24. júní 1863, d. 12. mars 1906.
Börn þeirra voru
1. Guðlaugur Sigurðsson á Rafnseyri, síðar húsasmiður í Reykjavík, f. 28. mars 1901, d. 22. júní 1975.
2. Sæunn Guðbjörg Sigurðardóttir, f. 18. september 1904, d. 19. desember 1926. Hún var í fóstri hjá Guðríði Bjarnadóttur húsfreyju í Sjólyst 1910 og 1920.
3. Elín Sigurðardóttir vinnukona á Hvoli, f. 27. október 1905 í Túni, d. 5. júní 1923.
4. Sigríður Benónía Sigurðardóttir húsfreyja, f. 16. nóvember 1906, síðast í Reykjavík, d. 13. september 1988.
II. Maður Guðbjargar, (31. desember 1909, skildu), var Jakob Tranberg
sjómaður í Jakobshúsi, f. 7. ágúst 1860, d. 21. maí 1945.
Börn þeirra:
5. Magnúsína Tranberg Jakobsdóttir húsfreyja, f. 29. október 1910, síðast á Akranesi, d. 2. júní 1989.
6. Gísli Jakobsson bakari í Reykjavík, f. 22. desember 1913, d. 26. desember 1993.
7. Lars Tranberg Jakobsson, símvirki í Reykjavík, f. 31. maí 1916, d. 26. desember 2002.
III. Sambýlismaður hennar var Einar Einarsson frá Norðurgarði, verkamaður, f. 15. september 1892, d. 21. mars1967.
Heimildir
- Samantekt: Víglundur Þór Þorsteinsson.
- Garður.is.
- Holtamannabók I – Holtahreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra, Hellu 2006.
- Íslendingabók.is.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Manntöl.
- Prestþjónustubækur.
- Víkingslækjarætt – niðjatal Guðríðar Eyjólfsdóttur og Bjarna Halldórssonar hreppstjóra. Pétur Zophoníasson og fleiri. Skuggsjá 1983.
Þessi grein tilheyrir Æviskrám Eyjafólks eftir Víglund Þór Þorsteinsson.