Anna Pálína Sigurðardóttir (Oddsstöðum)
Anna Pálína Sigurðardóttir húsfreyja fæddist 30. ágúst 1920 og lést 5. desember 2004.
Faðir Önnu var Sigurður bóndi á Krossstekk í Mjóafirði, síðar verkamaður í Neskaupstað, fæddur á Reykjum í Mjóafirði 7. des. 1887, látinn í Neskaupstað 5. nóv. 1976, Jóhannsson bónda og sjómanns á Krossi þar, f. 21. september 1860 í Sandvík í Skorrastaðarsókn, d. 3. maí 1924 á Eskifirði, Marteinssonar bónda og formanns í Sandvík, f. 13. september 1824 í Sandvík, d. 12. maí 1861, Magnússonar, og bústýru Marteins, Dagbjartar, f. 14. apríl í Keldudal í Hegranesi í Skagaf., d. 13. mars 1904, Eyjólfsdóttur.
Móðir Sigurðar og kona Jóhanns Marteinssonar var Katrín húsfreyja á Krossi, f. 2. október 1862 á Krossi, d. 30. október 1950 í Goðasteini, Gísladóttir bónda á Reykjum í Mjóafirði, f. 20. mars 1832 í Karlsskála við Reyðarfjörð, d. 5. mars 1904 á Reykjum í Mjóafirði, Eyjólfssonar, og konu Gísla, Halldóru húsfreyju og ljósmóður, f. 27. júlí 1837 í Hólmasókn í Reyðarfirði, d. 3. janúar 1927 í Neskaupstað, Eyjólfsdóttur.
Bróðir Sigurðar Jóhannssonar var Halldór faðir Ingu Jóhönnu konu Hjörleifs Guðnasonar og Gísli faðir Maríu á Burstafelli og Páls Gíslasonar á Bólstað. Því voru börn Ingigerðar í Goðasteini, Inga Jóhanna, Anna Pálína, María og Páll systkinabörn.
Móðir Önnu og kona Sigurðar (12. des. 1920) var Þórunn Sigríður húsmóðir á Krossstekk, f. í Karlsstaðahjáleigu á Berufjarðarströnd 28. maí 1897, d. á sjúkrahúsi á Seyðisfirði 16. júlí 1929, Magnúsar bónda í Karlsstaðahjáleigu, f. 1860, d. 18. apríl 1949, Jónssonar bónda á sama stað, f. 1832, d. um 1881, Magnússonar, og konu Jóns bónda, Þórunnar húsfreyju, f. 1836, Árnadóttur, ættaðri úr Berufirði.
Móðir Þórunnar Sigríðar og kona Magnúsar í Karlsstaðahjáleigu var Anna húsfreyja, f. 1864, Bjarnadóttir bónda í Viðborðsseli í A-Skaft. o.v., f. 1798 á Seljalandi undir Eyjafjöllum, d. 23. nóvember 1882 í Holtum á Mýrum í A-Skaft., Gíslasonar og seinni konu Bjarna, Önnu húsfreyju í Viðborðsseli 1860, f. 20. júlí 1834 á Kálfafelli í Suðursveit, d. 25. júní 1890 í Holtum, Jónsdóttur prests Sigurðssonar, en talinn sonur sr. Jóns Þorlákssonar á Bægisá.
Eftir dauða móður sinnar 1929 var Anna alin upp af systur Sigurðar föður síns frá vori 1930, Ingigerði Jóhannsdóttur og manni hennar Þorsteini Þ. Víglundssyni, uns hún hleypti heimdraganum og fluttist að Oddsstöðum til Guðlaugs.
Maður Önnu (1941) var Guðlaugur Guðjónsson frá Oddsstöðum, fæddur 2. júní 1919, dáinn 2. júní 2008.
Hann var sonur Guðjóns bónda að Oddstöðum Jónssonar og seinni konu hans, Guðrúnar Grímsdóttur. (Sjá nánar ættfærslu þeirra).
Þau Guðlaugur bjuggu fyrst búskaparár sín á Eystri Oddsstöðum. Þau byggðu hús að Ásavegi 25. Þar bjuggu þau til goss. Eftir heimkomu bjuggu þau í fjölbýlishúsinu við Hásteinsveg, „Hásteinsblokkinni“, á meðan aldur og heilsa leyfðu, en að síðustu dvöldu þau í Hraunbúðum.
Börn þeirra Önnu og Guðlaugs:
1. Guðjón, f. 4. desember 1940, kvæntur Helgu Sveinbjörnsdóttur.
2. Sigríður, f. 4. maí 1945, gift Sigurgeiri Þór Sigurðssyni.
3. Guðrún, f. 1. febrúar 1953, gift (skildu) Henrý Henrikssyni.
4. Inga Hrönn, f. 4. nóvember 1958, gift Birki Agnarssyni.
Heimildir
- Upphaflega grein ritaði Víglundur Þór Þorsteinsson.
- Ingigerður Jóhannsdóttir.
- Pers.
- Ættir Austfirðinga. Einar Jónsson og fleiri. Austfirðingafélagið í Reykjavík 1953-1968.
- Vestur-Skaftfellingar 1703-1966. Björn Magnússon. Leiftur 1970-1973.
- Íslenzkar æviskrár. Páll Eggert Ólason og fleiri. Hið íslenzka bókmenntafélag 1948-1976.
- Prestþjónustubækur.
- Manntöl.
- Íslendingabók.is.
Þessi grein tilheyrir Æviskrám Eyjafólks eftir Víglund Þór Þorsteinsson.