Sigríður Ólafsdóttir (Gíslholti)
Sigríður Ólafsdóttir frá Gíslholti, (Sirrý í Gíslholti), húsfreyja, fiskvinnslukona, verslunarmaður fæddist þar 22. júlí 1931 og lést 30. júní 2018 í Hraunbúðum.
Foreldrar hennar voru Ólafur Vigfússon formaður í Gíslholti, f. 21. ágúst 1891, d. 15. maí 1974 og kona hans Kristín Jónsdóttir húsfreyja, f. 22. mars 1898, d. 19. apríl 1969.
Móðursystur Sigríðar – í Eyjum voru:
1. Jóhanna Sigríður Jónsdóttir húsfreyja í Litlabæ, f. 24. júní 1889, d. 4. apríl 1977.
2. Margrét Jónsdóttir húsfreyja í Norðurgarði, f. 23. ágúst 1894, d. 3. júní 1934.
Langömmubróðir Sigríðar var
3. Guðmundur Ögmundsson í Borg, bróðir Margrétar Ögmundsdóttur, (sjá síðu Kristínar).
Börn Kristínar og Ólafs:
1. Vigfús Ólafsson kennari, skólastjóri, f. 13. apríl 1918 að Raufarfelli u. A-Eyjafjöllum, d. 25. október 2000.
2. Kristný Ólafsdóttir fiskverkakona, f. 8. júlí 1921 að Raufarfelli u. Eyjafjöllum, d. 24. nóvember 2006.
3. Jóna Margrét Ólafsdóttir, f. 13. apríl 1924 á Vesturhúsum, d. 4. ágúst 1944.
4. Sveinn Ágúst Ólafsson útgerðarmaður, ,,trillukarl“, f. 1. ágúst 1927 í Gíslholti, d. 29. júlí 2003.
5. Sigríður Ólafsdóttir húsfreyja, f. 22. júlí 1931 í Gíslholti, d. 30. júní 2018.
6. Guðjón Þorvarður Ólafsson skrifstofumaður, gjaldkeri, myndlistarmaður, bæjarlistamaður, f. 1. nóvember 1935 í Gíslholti.
Fóstursonur Kristínar og Ólafs, sonur Jónu Margrétar:
7. Jón Ólafur Vigfússon vélstjóri, forstjóri í Hafnarfirði, f. 18. júlí 1944.
Sigríður var með fjölskyldu sinni í æsku.
Þau Tryggvi giftu sig 1953, bjuggu í fyrstu á Faxastíg 53, síðan í húsi sínu í Grænuhlíð 3. Eftir Gos bjuggu þau í Birkihlíð 11. Þau eignuðust fimm börn.
Sigríður vann ýmis störf auk húsfreyjustarfa, við fiskiðnað, afgreiðslu- og þjónustustörf. Hún var einnig mjög virk í félagsstörfum bæði fyrir knattspyrnufélagið Tý og ÍBV. Jafnframt því að vera öflug í hinum ýmsu sjálfboðastörfum starfaði hún einnig fyrir Slysavarnafélagið Eykyndil.
Hún dvaldi að lokum í Hraunbúðum og lést þar 2018.
I. Maður Sigríðar, (17. október 1953), var Tryggvi Ágúst Sigurðsson vélstjóri, f. 16. febrúar 1931.
Börn þeirra:
1. Ólafur Kristinn Tryggvason, f. 30. mars 1951. Kona hans Björg Pétursdóttir.
2. Hallgrímur Tryggvason, f. 9. nóvember 1952. Kona hans Ásdís Sævaldsdóttir.
3. Sigurður Hjálmar Tryggvason, f. 20. janúar 1956, d. 10. febrúar 2004.
4. Klara Tryggvadóttir, f. 14. september 1961. Maður hennar Vilhelm Ágúst Steinsson.
5. Kristný Sigurbjörg Tryggvadóttir, f. 20. mars 1966. Maður hennar Grétar Þór Sævaldsson.
Heimildir
- Samantekt: Víglundur Þór Þorsteinsson.
- Manntöl.
- Morgunblaðið 14. júlí 2018. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.