Elsa Kristín Guðlaugsdóttir
Elsa Kristín Guðlaugsdóttir húsfreyja, starfsmaður í mötuneyti fæddist 26. mars 1924 í Nikhól við Hásteinsveg 38 og lést 28. júlí 2005 í Hjúkrunarheimilinu Skógarbæ.
Foreldrar hennar voru Guðlaugur Gíslason úrsmiður, f. 20. maí 1896 í Stykkishólmi, d. 5. apríl 1972, og kona hans Kristín Ólafsdóttir húsfreyja, verkalýðsleiðtogi, f. 18. febrúar 1901 í Ólafsvík, d. 5. ágúst 1959.
Börn Kristínar og Guðlaugs:
1. Gísli Gunnar Guðlaugsson fulltrúi, síðast í Reykjavík, f. 17. febrúar 1923 í Skógum, d. 22. desember 1992. Kona hans Guðrún Guðmundsdóttir.
2. Elsa Kristín Guðlaugsdóttir húsfreyja, starfsmaður í mötuneyti, f. 26. mars 1924 í Nikhól, d. 28. júlí 2005. Maður hennar Birgir Helgason, látinn.
3. Ólína Bjarna Guðlaugsdóttir húsfreyja í Reykjavík, f. 26. júní 1925 í Hjarðarholti, d. 1. nóvember 1979. Fyrri maður hennar Hilmar Emil Jóhannesson, látinn. Síðari maður hennar Helgi Arnlaugsson, látinn.
4. Karl Ólafur Guðlaugsson úrsmiður, kaupmaður, vann við stöðumælaviðgerðir hjá Reykjavíkurborg, f. 3. september 1926 í Langa-Hvammi, d. 22. apríl 1999. Kona hans Sigurdís Halldóra Erlendsdóttir.
Elsa Kristín var með foreldrum sínum í æsku, í Nikhól við Hásteinsveg 38, í Langa-Hvammi við Kirkjuveg 41, á Sandi við Strandveg 63, á Breiðabliki, í Hjarðarholti við Vestmannabraut 69, flutti með þeim til Reykjavíkur 1941.
Hún vann í breska sendiráðinu og mötuneyti Menntaskólans í Hamrahlíð.
Þau Birgir Ólafur giftu sig 1945, eignuðust fjögur börn.
Birgir Ólafur lést 1992 og Elsa Kristín 2005.
I. Maður Elsu Kristínar, (8. desember 1945), var Birgir Ólafur Helgason birgðavörður, bifreiðastjóri, f. 5. október 1923 í Fagradal í Breiðdal, S.-Múl. d. 22. janúar 1992. Foreldrar hans voru Helgi Ólafsson sjómaður, bóndi, f. 6. júní 1889, d. 2. nóvember 1934, og Guðlaug Björg Guðmundsdóttir, f. 30. júlí 1888, d. 18. september 1959.
Börn þeirra:
1. Hilmar Birgisson vélvirki í Þýskalandi, f. 1. október 1946, d. 24. maí 2013.
2. Viðar Birgisson starfsmaður sendiráðs Íslands í Kaupmannahöfn, f. 19. júlí 1954. Kona hans Sigríður Hjörvarsdóttir.
3. Guðlaugur Kristinn Birgisson innkaupastjóri, f. 23. mars 1961. Kona hans Halldóra Jóna Snorradóttir.
4. Helgi Birgisson hæstaréttarlögmaður, f. 17. nóvember 1962. Kona hans Una María Óskarsdóttir.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Morgunblaðið 5. ágúst 2005. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.