Sólveig Kristjana Hróbjartsdóttir
Sólveig Kristjana Hróbjartsdóttir frá Skuld í Stokkseyrarsókn, húsfreyja í Hellisholti fæddist 28. október 1902 á Velli í Stokkseyrarsókn og lést 15. október 1993.
Foreldrar hennar voru Hróbjartur Hróbjartsson sjómaður, verkamaður, f. 20. október 1858 í Oddasókn, d. 6. desember 1934, og kona hans Bjarghildur Magnúsdóttir húsfreyja, f. 24. júlí 1861, d. 3. febrúar 1949.
Sólveig Kristjana var með foreldrum sínum í Skuld á Eyrarbakka 1910.
Hún fluttist til Eyja frá Völlum á Eyrarbakka 1920, var vinnukona á Látrum í lok ársins, unnusta Hjartar í Mörk 1921.
Þau Hjörtur giftu sig 1922, bjuggu í Mörk á því ári og 1923 með Kristni syni sínum, 1924 með Kristni og óskírðri stúlku, 1925 með Kristni og Vigdísi. Þar var einnig Vigdís systir Hjartar með Báru, Kristínu og Pétri unnusta sínum. Þau voru þar enn 1927 með börn sín.
Fjölskyldan bjó í Hellisholti 1930 með sex börn og þar var einnig Gyðríður móðir Hjartar. Þar bjuggu hjónin síðan uns þau fluttust úr Eyjum í Gosinu 1973, settust að í Kópavogi. Þar bjuggu þau síðast í húsi sonar síns.
Hjörtur lést 1978 og Solveig Kristjana 1993.
Maður hennar, (11. febrúar 1922), var Hjörtur Magnús Hjartarson sjómaður, verkamaður, bóndi, f. 7. ágúst 1893 í Miðey í A-Landeyjum, d. 8. október 1978.
Börn þeirra:
1. Hjörtur Kristinn Hjartarson vélstjóri, ökukennari, f. 17. desember 1921, d. 3. apríl 2012.
2. Viktoría Klara Hjartardóttir, húsfreyja, f. 29. júní 1924 í Mörk, d. 7. júní 2013.
3. Marta Hjartardóttir húsfreyja, f. 30. júní 1926 í Mörk, d. 17. janúar 2021.
4. Óskar Hjartarson bifreiðastjóri í Reykjavík, f. 29. ágúst 1927, d. 15. desember 2014.
5. María Hjartardóttir, f. 8. desember 1928 í Hellisholti, fórst með Glitfaxa 31. janúar 1951 ásamt Bjarna Gunnarssyni, fimm mánaða syni sínum .
6. Aðalheiður Hjartardóttir húsfreyja, f. 27. apríl 1930 í Hellisholti, d. 12. mars 2012.
7. Björgvin Hafsteinn Hjartarson byggingaverktaki, f. 10. júlí 1932 í Hellisholti.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.