Guðríður Helgadóttir (Þorlaugargerði)

Guðríður Helgadóttir húsfreyja í Þorlaugargerði fæddist 31. október 1854 í Eyjum og lést 14. júlí 1922.
Faðir hennar var Helgi bóndi og sjómaður í Stóra Gerði; var kominn til Eyja 1845, f. 6. febrúar 1807 í Suður-Hvammi í Mýrdal, d. 28. júní 1875, Jónsson óðalsbónda í Suður-Hvammi, f. 1771 þar, d. 15. júlí 1834, Helgasonar bónda í Suður-Hvammi, d. á árunum 1771/9, Sigurðssonar, og konu Helga Sigurðssonar, Guðrúnar eldri húsfreyju Jónsdóttur.
Móðir Helga í Gerði og fyrri kona Jóns óðalsbónda var Guðríður húsfreyja, f. 1768 í Kerlingardal í Mýrdal, d. 29. júlí 1819 í Suður-Hvammi, Klemensdóttir bónda í Kerlingardal, f. 1715, Hallgrímssonar, og konu Klemensar, Vilborgar húsfreyju, f. 1724, Runólfsdóttur.

Móðir Guðríðar í Þorlaugargerði og kona Helga í Gerði var Kristín húsfreyja í Stóra Gerði, f. 1806 í Krosssókn, d. 19. júní 1875, Ólafsdóttir bónda á Stíflu í Breiðabólstaðarsókn 1801, f. 1767, Ormssonar, f. 1735, d. 1821, Halldórssonar.
Móðir Kristínar í Gerði og kona Ólafs Ormssonar var Ingibjörg Jónsdóttir, f. um 1773 í Krosssókn. Hún var hjá Kristínu dóttur sinni 1845.

Guðríður var tvígift:
I. Fyrri maður hennar var Hjörtur Jónsson, Jónssonar í Þorlaugargerði Austmanns og konu Jóns, Rósu Hjartardóttur. Hjörtur var f. 26. júlí 1852, d. 23. ágúst 1883, hrapaði í Hellisey.
Börn þeirra hér:
1. Kristín Helga Hjartardóttir, f. 19. desember 1880, d. 20. júlí 1882 úr mislingum.
2. Rósa Jónína Hjartardóttir, f. 13. júlí 1883, d. 26. maí 1959.

II. Síðari maður Guðríðar (1886) var Einar Sveinsson bóndi í Þorlaugargerði, f. 13. maí 1855, d. 28. júní 1932. Þau voru í skjóli Hjartar sonar síns á Geithálsi 1920.
Börn:
3. Hjörtur Einarsson á Geithálsi, fæddur 19. ágúst 1887, dáinn 30. desember 1975, kvæntur Katrínu Sveinbjörnsdóttur húsfreyju, f. 16. apríl 1895, d. 30. júlí 1951.
4. Sveinbjörn Einarsson, fæddur 12. júní 1890, látinn 13. ágúst 1984, kvæntur Guðbjörgu Ingvarsdóttur frá Hellnahólum undir Eyjafjöllum, f. 28. júní 1897, d. 2. september 1987. Þau bjuggu síðast í Reykjavík.
5. Dóttir Einars Jónssonar frá Káragerði í Landeyjum og Helgu Guðmundsdóttur, f. 24. júní 1863, d. 18. mars 1931, síðar (1902) kona Einars Halldórssonar í Sandprýði, f. 15. október 1866, drukknaði 10. janúar 1912.
Barnið var Gíslína Sigríður Helga Einarsdóttir, f. 18. ágúst 1900, d. 12. ágúst 1967. Hún var tökubarn hjá þeim 1901 og 1910. Gíslína var síðari kona Júlíusar Jónssonar múrarameistara í Stafholti.
6. Hjá þeim var tökubarn 1910: Marta Sigríður Ingibjörg Bjarnadóttir, f. 22. mars 1910, d. 2. júlí 1914. Faðir hennar var Bjarni Benediktsson vinnumaður í Bóluhjáleigu í Oddasókn 1910, f. 1889, d. 1972, en móðir hennar var Guðrún Guðný Jónsdóttir, þá vinnukona í Þorlaugargerði, f. 1873, d. 1957, systir Ingibjargar í Suðurgarði og Steinvarar í Nýjabæ.

---

Heimildir

• Samantekt: Víglundur Þór Þorsteinsson.
• Garður.is.
• Íslendingabók.is.
• Manntöl.
• Prestþjónustubækur.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.
• Vestur-Skaftfellingar 1703-1966. Björn Magnússon. Leiftur 1970-1973.