Kristinn Skæringur Baldvinsson

Kristinn Skæringur Baldvinsson frá Steinholti við Kirkjuveg 9a, húsasmíðameistari fæddist þar 29. júní 1942.
Foreldrar hans voru Baldvin Skæringsson frá Rauðafelli u. Eyjafjöllum, sjómaður, matsveinn, stýrimaður, skipstjóri, bátasmiður, f. 30. ágúst 1915, d. 24. febrúar 2006, og kona hans Þórunn Elíasdóttir úr Reykjavík, húsfreyja, f. 1. desember 1916, d. 29. júlí 1990.

Börn Þórunnar og Baldvins:
1. Kristín Elísa Baldvinsdóttir húsfreyja, starfsmaður Íslandspósts, f. 19. ágúst 1936 á Bala í Djúpárhreppi, d. 19. júlí 2003. Maður hennar Hörður Runólfsson.
2. Elías Baldvinsson slökkviliðsstjóri, f. 1. júní 1938 á Háarima í Djúpárhreppi, d. 16. september 2003. Kona hans Halla Guðmundsdóttir, látin.
3. Baldur Þór Baldvinsson húsasmíðameistari í Kópavogi, f. 19. júní 1941 á Staðarfelli. Fyrrum kona hans Arndís Ármann Steinþórsdóttir. Kona hans Hugrún Hlín Ingólfsdóttir, látin.
4. Kristinn Skæringur Baldvinsson húsasmíðameistari í Eyjum, f. 29. júní 1942 í Steinholti. Kona hans Sigríður Mínerva Jensdóttir.
5. Ragnar Þór Baldvinsson bifvélavirki, slökkviliðsstjóri í Eyjum, f. 31. desember 1945 í Steinholti. Kona hans Anna Jóhannsdóttir.
6. Birgir Þór Baldvinsson grunnskólakennari í Reykjavík, f. 15. janúar 1952 í Steinholti. Kona hans Halldóra N. Björnsdóttir.
7. Hrefna Baldvinsdóttir húsfreyja, launafulltrúi hjá Vestmannaeyjabæ, f. 23. janúar 1954 í Steinholti. Maður hennar Snorri Þ. Rútsson.
8. Baldvin Gústaf Baldvinsson sagnfræðingur, framkvæmdastjóri hjá Sea Food, dótturfyrirtæki Samherja í Hull, f. 30. ágúst 1957. Kona hans Anna Gunnlaugsdóttir.
9. Hörður Baldvinsson safnstjóri Byggðasafns Vestmannaeyja, síðan framkvæmdastjóri Þekkingarsetursins, f. 25. nóvember 1961. Kona hans Bjarney Magnúsdóttir.

Kristinn var með foreldrum sínum í æsku.
Hann varð 4. bekkjar gagnfræðingur í Gagnfræðaskólanum 1959, lærði húsasmíði hjá Guðmundi Böðvarssyni, lauk sveinsprófi, fékk meistararéttindi.
Hann stundaði sjómennsku um 5 ára skeið eftir Gagnfræðaskólann, vann síðar við iðnina í Eyjum og í Mosfellsbæ.
Þau Sigríður Mínerva giftu sig 1963, eignuðust þrjú börn. Þau bjuggu á Vallargötu 8, Búastaðabraut 10 frá 1966-1972, byggðu og bjuggu í Mosfellsbæ eftir Gosið 1973, bjuggu í Danmörku 1984-1987, þá aftur í Mosfellsbæ, samtals í 20 ár. Þau bjuggu í Kópavogi um skeið, en búa nú á Vallargötu 8 í Eyjum.

I. Kona Kristins, (29. júní 1963), er Sigríður Mínerva Jensdóttir húsfreyja, viðskiptafræðingur, skrifstofumaður, f. 3. nóvember 1943.
Börn þeirra:
1. Sigurjón Kristinsson læknir, f. 16. mars 1964 í Eyjum. Fyrrum konur hans Hafdís Óskarsdóttir, Margrét Eyjólfsdóttir og Anna Lára Jóhannesdóttir.
2. Þórir Kristinsson trésmiður í Reykjavík, f. 1. desember 1965 í Eyjum. Kona hans Auður Hermannsdóttir.
3. Baldvin Kristinsson trésmiður í Reykjavík, f. 16. mars 1976. Kona hans Áslaug Þórdís Gissurardóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Kristinn.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---