Hólmfríður G. Júlíusdóttir

Hólmfríður Guðlaug Júlíusdóttir húsfreyja fæddist 7. febrúar 1955 á Landamótum við Vesturveg 3a.
Foreldrar hennar voru Júlíus Sigurðsson frá Skjaldbreið, skipstjóri, f. 2. júlí 1912, d. 1. október 1974, og kona hans Jakobína Jónsdóttir frá Brekkukoti í Ólafsfirði, húsfreyja, f. 18. ágúst 1919, d. 27. júní 1978.

Börn Jakobínu og Júlíusar:
1. Ingi Árni Júlíusson, f. 20. ágúst 1946 á Ólafsfirði.
2. Margrét Hólmfríður Júlíusdóttir, f. 24. september 1947 á Bárugötu 2. Hún var fósturbarn Ágústu Guðrúnar Árnadóttur og Óskars Sigurðssonar bænda í Hábæ í Þykkvabæ.
3. Hanna Júlíusdóttir, f. 7. ágúst 1949 á Bárugötu 2. Maður hennar Erlingur Bjarnar Einarsson.
4. Júlíana Júlíusdóttir, f. 11. júlí 1950 á Vesturvegi 3 A.
5. Þuríður Júlíusdóttir, f. 2. janúar 1952.
6. Hafdís Björg Júlíusdóttir, f. 29. júní 1953. Hún varð kjörbarn Rósu Snorradóttur og Hilmars Rósmundssonar.
7. Hólmfríður Guðlaug Júlíusdóttir, f. 7. febrúar 1955.
8. Sigurjón Júlíusson, f. 26. ágúst 1960.

Hólmfríður var með foreldrum sínum í æsku, á Landamótum, í Hólmgarði við Vestmannabraut 12 og stund með þeim í Höfða við Hásteinsveg 21.
Hún lauk skyldunámi í Gagnfræðaskólanum 1970.
Hólmfríður vann við fiskiðnað, á saumastofu og við bókband í Reykjavík 1972, kom heim fyrir áramót, ranglega skráð á Skjaldbreið í lok ársins, var með lögheimili í Höfða við Hásteinsveg 21. Hún hélt til Grindavíkur í Gosinu 1973, vann við fiskiðnað þar, síðan á elliheimili í Keflavík, síðar vann hún á heimili aldraðra á Selfossi og við íþróttahús þar.

Þau Friðrik giftu sig 1974, eignuðust fjögur börn. Þau bjuggu í fyrstu í Keflavík, en fluttu til Eyja 1981 og bjuggu við Búhamar 76.

I. Maður Hólmfríðar, (24. nóvember 1974), var Friðrik Ingvarsson frá Keflavík, sjómaður, vélstjóri, f. 16. desember 1950, d. 21. ágúst 1999.
Börn þeirra:
1. Júlía Elsa Friðriksdóttir býr í Eyjum, f. 23. febrúar 1975. Maður hennar Jón Steinar Adolfsson.
2. María Rós Friðriksdóttir, býr í Eyjum, f. 26. mars 1977. Maður hennar Steinn Þórhallsson.
3. Sigurður Oddur Friðriksson, býr í Eyjum, f. 14. nóvember 1980. Kona hans Aníta Ársælsdóttir.
4. Birgir Már Friðriksson, bjó í Reykjavík, en nú á Skagaströnd, f. 11. júní 1986. Fyrrum sambúðarkona hans Aldís Ósk Sævarsdóttir. Kona hans Ragnheiður Stefánsdóttir frá Skagaströnd.

---

Heimildir

• Samantekt: Víglundur Þór Þorsteinsson.
• Hólmfríður.
• Íslendingabók.
• Morgunblaðið 27. ágúst 1999. Minning Friðriks.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---

[[Flokkur: Íbúar við Búhamar]