Alexander Helgason

Torfi Alexander (Andersen) Helgason sjómaður fæddist 11. júlí 1918 í Stafholti og lést 22. nóvember 1972.
Foreldrar hans voru Ragnhildur Magnúsdóttir, síðar húsfreyja á Ólafsfirði, f. 19. febrúar, d. 14. janúar 1939, og barnsfaðir hennar Jens Andersen skipasmiður, f. 10. ágúst 1885.
Alexander var ættleiddur sonur Helga Kristins Halldórssonar.

Hálfsystkini Alexanders, sammædd:
1. Guðbjörg María Helgadóttir húsfreyja, f. 6. desember 1923 í Helli, d. 7. júlí 1996.
2. Halldór Rósmundur Helgason sjómaður, bifreiðstjóri í Hafnarfirði, f. 1. júní 1926 í Reynisholti, d. 2. janúar 2011.
3. Guðrún Stella Helgadóttir húsfreyja í Sandgerði, Gullbr.s., f. 5. september 1929 á Ólafsfirði, d. 23. mars 2012.
4. Guðlaug Inga Helgadóttir húsfreyja í Sandgerði, f. 23. mars 1933.
Hálfsystkini Alexanders samfeðra - (vegna ættleiðingar):
5. Ragna Steina Helgadóttir húsfreyja, f. 10. júlí 1943.
6. Margrét Jónfríður Helgadóttir húsfreyja, f. 16. desember 1945.
7. Sigurbjörn Ragnar Helgason, f. 18. janúar 1948.

Alexander fluttist með foreldrum sínum til Ólafsfjarðar 1929 og ólst þar upp.
Móðir hans lést 1939. Þá fluttist hann á Flatirnar til Magnúsar og Guðríðar móðurforeldra sinna.
Alexander var sjómaður, var um skeið á Siglufirði. Þar kvæntist hann Guðlaugu og þar fæddust 3 börn þeirra, tvær stúlkur og drengur, sem dó nýfæddur.
Alexander fór til Eyja á undan fjölskyldunni, keypti neðri hæðina á Eystri-Vesturhúsum 1954. Guðlaug kom síðar með börnin og þurftu þau að búa í Pálsborg meðan íbúðin á Vesturhúsum var lagfærð.
Sveindís fæddist þeim 1958.
Þau bjuggu á Vesturhúsum eystri, þá á Brekastíg 5, þá í Vöruhúsinu, en síðast á Kirkjuvegi 64 (Rafnsholti).
Alexander veiktist hastarlega og var sjúklingur á Sjúkrahúsinu í nokkur ár. Hann lést 1972. Guðlaug fluttist til Þorlákshafnar, var þar verkstjóri hjá Meitlinum, fluttist síðar til Reykjavíkur og lést þar 2004.

Kona Alexanders var Guðlaug Sveinsdóttir húsfreyja, f. 16. maí 1925, d. 19. febrúar 2004.
Börn þeirra:
1. Guðrún Alexandersdóttir húsfreyja, f. 3. febrúar 1946 á Siglufirði.
2. Anna Ragna Alexandersdóttir húsfreyja, f. 3. október 1952 á Siglufirði.
3. Drengur, sem lést nýfæddur.
4. Sveindís Norðmann Alexandersdóttir húsfreyja, f. 31. maí 1958 í Eyjum.

---

Heimildir

• Samantekt: Víglundur Þór Þorsteinsson.
• Anna Ragna Alexandersdóttir.
• Íslendingabók.is.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---