Jórunn Jónsdóttir Austmann

Jórunn Jónsdóttir Austmann húsfreyja frá Ofanleiti fæddist 1821 á Mýrum í Álftaveri og lést 27. október 1906.
Foreldrar hennar voru sr. Jón Jónsson Austmann prestur, þá prestur í Álftaveri, f. 1787, d. 20. ágúst 1858, og kona hans Þórdís Magnúsdóttir húsfreyja, f. 1788, d. 3. sept. 1859.

Systkini Jórunnar í Eyjum voru:
1. Helga Jónsdóttir Austmann húsfreyja, f. 1812, d. 17. maí 1839, gift Niels Stephan Ringsted kaupmanni.
2. Magnús Jónsson Austmann bóndi í Nýjabæ, f. 12. apríl 1814, d. 15. maí 1859, kvæntur Kristínu Einarsdóttur húsfreyju.
3. Jón Austmann bóndi í Þorlaugargerði, f. 12. apríl 1814, d. 15. mars 1888, kvæntur Rósu Hjartardóttur húsfreyju.
4. Þórunn Jónsdóttir Austmann, f. 1815, dó ung.
5. Guðný Jónsdóttir Austmann húsfreyja, f. 17. júní 1816, d. 20. júlí 1889, kona Sigurðar Einarssonar bónda á Kirkjubæ. Hún varð síðar húsfreyja í Einholti á Mýrum, gift sr. Ólafi Magnússyni, síðast húsfreyja í Þórisdal í Lóni, gift Jóni Brynjólfssyni.
6. Lárus Jónsson Austmann, f. 1818, d. 5. mars 1834, drukknaði í Þurfalingsslysinu.
7. Guðmundur Jónsson Austmann, f. (1820).
8. Guðfinna Jónsdóttir Austmann húsfreyja, f. 1823, d. 7. apríl 1897, kona Árna Einarssonar bónda og alþingismanns.
9. Vigfús Jónsson Austmann, f. 1826, d. 1826.
10. Stefán Jónsson Austmann bóndi í Draumbæ og Vanangri, skírður 10. okt. 1829, drukknaði af Gauki 13. mars 1874, kvæntur Önnu Valgerði Benediktsdóttur ljósmóður.

Jórunn var með foreldrum sínum til giftingar 1858 og bjó þar með þeim í fyrstu.
Þau Jón bjuggu í Ottahúsi 1859-1865. Gísli kom til þeirra í fóstur tveggja ára 1860 úr Krossókn í Landeyjum. Þau voru í Jómsborg 1866-1868, í Juliushaab 1869, aftur í Jómsborg 1870. Þar bjuggu þau meðan Jóni entist líf, og þar bjó hún með síðari manni sínum Engilbert Engilbertssyni, en hún var leigjandi í Nöjsomhed 1901.

Jórunn var tvígift.
I. Fyrri maður hennar, (6. nóvember 1858), var Jón Jónsson Salomonsen hafnsögumaður, verslunarþjónn og bókhaldari, f. 1830, d. 5. nóvember 1872 „eftir tveggja ára magnleysissjúkdóm“.
Þau Jón voru barnlaus. Fósturbörn þeirra voru:
1. Gísli Gíslason Bjarnasen trésmiður og beykir, f. 27. júlí 1858 í Landeyjum, d. 6. maí 1897. Hann var hjá þeim frá tveggja ára aldri. Hann varð faðir Jóns Gíslasonar í Ármótum.
2. Maria Maren Christense Tranberg, f. 7. júní 1857, d. 1934, dóttir Lars Tranberg og Gunnhildar Oddsdóttur húsfreyju í London. Hún fluttist til Chicago.

II. Síðari maður Jórunnar, (18. október 1876), var Engilbert Engilbertsson verslunarmaður, f. 7. desember 1850, d. 21. september 1896.
Þau eignuðust ekki börn, en fósturdóttir þeirra var
3. Kristín Árnadóttir, dóttir Margrétar Engilbertsdóttur systur Engilberts, f. 17. september 1878, d. 20. september 1926. Kristín varð húsfreyja á Brekku, kona Jóhanns Jónssonar trésmíðameistara.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.