1973 Allir í bátana

Stærsta björgun Íslandssögunnar

Einstakt björgunarafrek á heimsvísu var þegar íbúar Vestmannaeyja voru fluttir á brott frá Heimaey 23.janúar 1973 Nú hafa verið skráðar upplýsingar með hvaða hætti íbúar flúðu Eyjuna eða alls, 5.049 manns, 2.630 karlar og 2.369 konur auk 50 ófæddra barna sem voru í móðurkviði þann 23.janúar 1973.

Fólkið fór frá Eyjum með 58 bátum og skipum, flugi eða varð lengur í Eyjum þessa nótt. Að auki komu a.m.k. þrír bátar til Eyja um morguninn til að sækja fólk en fóru farþegalausir til baka. Skráð hefur verið hvar sérhver farþegi var búsettur á þeim tíma og með hvaða báti hann fór og hverjir voru í áhöfn þess báts auk þess hverjir fóru með flugi.

Aðfaranótt 23. janúar 1973 var kyrrlátt í Vestmannaeyjum eftir illviðri daginn áður. Flestir bæjarbúar voru í fastasvefni þegar jörðin tók að nötra og eldtungur brutust upp úr jörðu austan við Kirkjubæ. Klukkan var rétt að verða tvö um nóttina þegar eldgos hófst á 1.600 metra langri sprungu, aðeins rúmlega kílómetra frá miðbænum.

Viðbrögð íbúa voru fumlaus og skipulögð. Brunalúðrar voru ræstir til að vekja bæjarbúa, og innan við klukkustund frá upphafi gossins streymdi fólk niður á bryggju. Þar beið allur skipafloti Vestmannaeyinga, sem vegna óveðurs daginn áður var í höfn, tilbúinn til að flytja íbúana í öruggt skjól.

Fyrsti báturinn lagði af stað með fólk um hálf þrjú, aðeins um hálftíma eftir að gosið hófst. Sjóferðin var ekki auðveld; þungur sjór eftir fárviðri liðins dægurs gerði ferðina erfiða, en þrátt fyrir það tókst að flytja rúmlega 5.000 manns til Þorlákshafnar án slysa.

Ingibergur Óskarsson hefur unnið mikið þrekvirki við að safna upplýsingum um flóttann mikla frá Heimaey 23. janúar 1973. Hann setti upp vefsíðuna 1973-alliribatana.com og einnig Facebook-síðuna 1973 í bátana til að vekja athygli á verkefninu og safna upplýsingum og nú eru þessar upplýsingar að verða aðgengilegar hér á Heimaslóð og tengjast þá æviskrám, myndum og fjölmörgum öðrum greinum á Heimaslóð.

===Stærsta björgun Íslandssögunnar=== Einstakt björgunarafrek á heimsvísu var þegar íbúar Vestmannaeyja voru fluttir á brott frá Heimaey 23.janúar 1973 Nú hafa verið skráðar upplýsingar með hvaða hætti íbúar flúðu Eyjuna eða alls, 5.049 manns, 2.630 karlar og 2.369 konur auk 50 ófæddra barna sem voru í móðurkviði þann 23.janúar 1973. Fólkið fór frá Eyjum með 58 bátum og skipum, flugi eða varð lengur í Eyjum þessa nótt. Að auki komu a.m.k. þrír bátar til Eyja um morguninn til að sækja fólk en fóru farþegalausir til baka. Skráð hefur verið hvar sérhver farþegi var búsettur á þeim tíma og með hvaða báti hann fór og hverjir voru í áhöfn þess báts auk þess hverjir fóru með flugi. Aðfaranótt 23. janúar 1973 var kyrrlátt í Vestmannaeyjum eftir illviðri daginn áður. Flestir bæjarbúar voru í fastasvefni þegar jörðin tók að nötra og eldtungur brutust upp úr jörðu austan við Kirkjubæ. Klukkan var rétt að verða tvö um nóttina þegar eldgos hófst á 1.600 metra langri sprungu, aðeins rúmlega kílómetra frá miðbænum. Viðbrögð íbúa voru fumlaus og skipulögð. Brunalúðrar voru ræstir til að vekja bæjarbúa, og innan við klukkustund frá upphafi gossins streymdi fólk niður á bryggju. Þar beið allur skipafloti Vestmannaeyinga, sem vegna óveðurs daginn áður var í höfn, tilbúinn til að flytja íbúana í öruggt skjól. Fyrsti báturinn lagði af stað með fólk um hálf þrjú, aðeins um hálftíma eftir að gosið hófst. Sjóferðin var ekki auðveld; þungur sjór eftir fárviðri liðins dægurs gerði ferðina erfiða, en þrátt fyrir það tókst að flytja rúmlega 5.000 manns til Þorlákshafnar án slysa. Ingibergur Óskarsson hefur unnið mikið þrekvirki við að safna upplýsingum um flóttann mikla frá Heimaey 23. janúar 1973. Hann setti upp vefsíðuna 1973-alliribatana.com og einnig Facebook-síðuna 1973 í bátana til að vekja athygli á verkefninu og safna upplýsingum og nú eru þessar upplýsingar að verða aðgengilegar hér á Heimaslóð og tengjast þá æviskrám, myndum og fjölmörgum öðrum greinum á Heimaslóð.

Another example

....

Skip	kk	kvk	Samtals	Bryggja	Staðsetning á mynd	Brottför	Skipaskrá númer
Andvari VE-100	21	28	49	Friðarhöfn	9	05:00	77
Arnar ÁR-55	56	57	113	Nausthamar	27	03:00-04:30	234
Árni í Görðum VE-73	63	60	123	Básaskersbryggja	23-24-25	04:00	1179
Ásberg RE-22	32	13	45				1041
Ásver VE-355 / Jörundur III	88	93	181	Nausthamar/Básasker/Friðarhöfn	16-18 ,23-25 , 27	04:00-04:30	254
Baldur VE-24	22	21	43	Friðarhöfn			310
Bergá SF-3	28	20	48	Friðarhöfn	5		68
Bergur VE-44	94	77	171	Friðarhöfn	6 eða 7	05:00-06:00	236
Björg VE-5	14	11	25				338
Dalaröst ÁR-52	30	38	68	Friðarhöfn	9-10/16	04:30-6:00	1106
Danski Pétur VE-423	120	113	233	Básaskersbryggja/Friðarhöfn	15-16/22-25,	04:15 06:00	1146
Einir VE-180	8	10	18	Friðarhöfn	10	05:30	385
Elliðaey VE-45	29	21	50				556
Emma VE-219	15	12	27	Friðarhöfn	6	03:30	606
Eyjamenn sem fóru ekki strax	175	3	178
Fífill GK-54	119	107	226	Friðarhöfn		06:00 - 07:00	1048
Flugfarþegar	158	142	300
Frár VE-208	33	24	57	Friðarhöfn	?	03:30-04:00	795
Freyja VE-125	14	15	29				422
Friðrik Sigurðsson ÁR-17	17	7	24				1084
Frigg VE-316	11	10	21				438
Fróði ÁR-33	2		2
Geir Jónasson ÁR-35	3		3
Gjafar VE-300	173	202	375	Friðarhöfn	15-17		240
Guðmundur Tómasson VE-238	9	10	19				638
Gullberg VE-292	83	75	158				244
Gullborg VE-38	12	16	28				490
Gunnar Jónsson VE-500	74	72	146	Friðarhöfn	1		1258
Hafliði VE-13	8	12	20	Básaskersbryggja	?	04:00 (rúmlega)	525
Haförn VE-23	12	14	26	Friðarhöfn	10-11.		535
Halkion VE-205	134	128	262	Friðarhöfn	13-18.		969
Hamraberg VE-379	20	16	36				163
Herjólfur	7	6	13
Hrönn VE-366	11	12	23				980
Huginn II VE-55	68	60	128	Friðarhöfn	14-15	03:00-04:00	248
Ingólfur VE-216	19	16	35	Friðarhöfn	14-15.		876
Ísleifur IV VE-463	58	54	112	Friðarhöfn	6,7 eða 8	03:00 (um)	250
Ísleifur VE-63	104	112	216	Friðarhöfn	?	?	1056
Júlía VE-123	14	13	27				623
Jökull VE-15	6	5	11				626
Kópur VE-11	22	19	41	Básaskersbryggja	24		641
Kristbjörg VE-70	36	25	61	Friðarhöfn	5-8		136
Leó VE-400	29	33	62	Friðarhöfn	9	05:00	658
Lundi VE-110	110	90	200	Friðarhöfn	13-18.	seint	978
Magnús Magnússon VE-112	13	5	18	Friðarhöfn	10	04:00	668
Ófeigur II VE-324	37	43	80				706
Ófeigur III VE-325	16	12	28				707
Reynir VE-120	7	9	16				822
Sigurfari VE-138	25	30	55	Nausthamar	?	06:00	746
Sjöfn VE-37	11	11	22	Friðarhöfn			759
Sjöstjarnan VE-92	6	8	14				760
Snætindur ÁR-88	4		4
Sólfari AK-170	68	65	133	Nausthamar	26,28		93
Stígandi VE-77	23	19	42				104
Suðurey VE-20	27	21	48	Friðarhöfn		04:30	800
Surtsey VE-2	56	50	106				1245
Sæbjörg VE-56	26	24	50	Friðarhöfn	7		744
Sæfaxi VE-25	12	21	33		3		833
Sæunn VE-60	14	19	33				210
Sævar VE-19	8	8	16				851
Ver VE-200	24	18	42				497
Þórunn Sveinsdóttir VE-401	63	71	134	Friðarhöfn	6-7	04:00	1135
Öðlingur VE-202	9	5	14				939

---

Heimildir

• 1973 Allir í bátana, Ingibergur Óskarsson