Þorvarður Vigfús Þorvaldsson

Þorvarður Vigfús Þorvaldsson.

Þorvarður Vigfús Þorvaldsson frá Holti við Ásaveg 2, húsgagna- og húsasmíðameistari, veggfóðrunar- og dúklagningameistari fæddist 20. nóvember 1956 og lést 9. janúar 2015 á Sjúkrahúsinu.
Foreldrar hans voru Þorvaldur Örn Vigfússon frá Holti, húsgagnasmíðameisari, f. 24. janúar 1929, d. 16. september 2002, og kona hans Ásta Þorvarðardóttir frá Siglufirði, húsfreyja, f. 17. júlí 1929, d. 13. febrúar 2016.

Þorvarður var með foreldrum sínum, í Holti og á Hólagötu 43.
Hann lærði húsgagna- og húsasmíði og öðlaðist meitararéttindi. Einnig fékk hann réttindi í vegfóðurs- og dúklagningu.
Þorvarður vann við iðnir sínar lengstan hluta starfsævi sinnar. Hann var virkur í félagsstarfi og í íþróttum, var félagi í Oddfellow-stúku númer 4, Herjólfi og þátttakandi í handbolta og fótbolta, en kom einnig að þjálfun í þeim greinum. Hann var formaður handknattleiksdeildar kvenna hjá ÍBV, einnig virkur í undirbúningi Þjóðhátíða og þrettándagleði ÍBV.
Þau Guðrún Bjarný giftu sig 1981, eignuðust þrjú börn. Þau bjuggu við Bröttugötu 5.
Þorvarður Vigfús lést 2015.

I. Kona Þorvarðar Vigfúsar, (30. maí 1981), er Guðrún Bjarný Ragnarsdóttir húsfreyja, f. 6. október 1959.
Börn þeirra:
1. Bjarný Þorvarðardóttir hárgreiðslukona, er einkaþjálfari, f. 19. september 1983. Maður hennar Gunnar Heiðar Þorvaldsson.
2. Gauti Þorvarðarson hefur BA-próf í sálfræði, pípulagningamaður, sjómaður, f. 19. febrúar 1989. Sambúðarkona hans Elísabet Þorvaldsdóttir.
3. Víðir Þorvarðarson viðskiptafræðingur, f. 7. júlí 1992. Sambúðarkona hans Brigitta Kristín Bjarnadóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 24. janúar 2015. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---