Þór Ólafsson Vestmann

Þór Guðlaugur Ólafsson Vestmann sjómaður fæddist 29. október 1947 á Boðaslóð 3.
Foreldrar hans voru Ólafur Vestmann sjómaður, f. 25. desember 1906 á Strönd við Miðstræti 9a, d. 15. apríl 1970, og kona hans Þorbjörg Guðmundsdóttir húsfreyja, f. 29. ágúst 1905 í Reykjavík, d. 10. febrúar 1960.

Barn Þorbjargar:
1. Rósa Guðmunda Snorradóttir húsfreyja, f. 3. september 1927 í Drangey við Kirkjuveg 84, d. 24. júlí 2015. Maður hennar, (skildu), var Hilmar Rósmundsson.
Börn Þorbjargar og Ólafs:
1. Theodór Snorri Ólafsson, Bessahrauni 6, sjómaður, vélstjóri, f. 14. maí 1933 í Langa-Hvammi. Kona hans er Margrét Eirikka Sigurbjörnsdóttir.
2. Sigurveig Þórey Ólafsdóttir, f. 30. mars 1935 í Langa-Hvammi, d. 17. júlí 1935.
3. Snorri Sigurvin Ólafsson Vestmann sjómaður, síðar í Hveragerði, f. 10. ágúst 1938 á Kalmanstjörn. Fyrri kona hans var Svala Sigríður Auðbjörnsdóttir, d. 5. júlí 1991. Síðari kona er Elínborg Einarsdóttir.
4. Ingi Steinn Ólafsson, f. 22. apríl 1942 á Skjaldbreið. Kona hans Guðný Stefanía Karlsdóttir.
5. Ellen Margrét Ólafsdóttir húsfreyja, f. 15. desember 1943 á Boðaslóð 3. Maður hennar er Guðmundur Karl Guðfinnsson.
6. Þór Guðlaugur Vestmann Ólafsson sjómaður, vélstjóri, útgerðarmaður, f. 29. október 1947 á Boðaslóð 3. Kona hans er Margrét Sigurborg Sigurbergsdóttir.

Þór var með foreldrum sínum.
Hann varð 3. bekkjar gagnfræðingur í Gagnfræðaskólanum 1963, öðlaðist vélstjórnarréttindi.
Þór var snemma sjómaður, var vélstjóri, lengst á Sæbjörgu VE. Hann gerði út bátinn Ólaf Vestmann VE 180 í 10-15 ár.
Þau Margrét giftu sig 1970, eignuðust þrjú börn og Margrét átti barn frá fyrra hjónabandi, sem Þór fóstraði. Þau bjuggu í Viðey 1972, síðar í Hrauntúni 53.

I. Kona Þórs, (14. júní 1970), er Margrét Sigurborg Sigurbergsdóttir húsfreyja, fiskiðnaðarkona, f. 24. júlí 1947 í Flatey á Breiðafirði.
Börn þeirra:
1. Ólafur Vestmann Þórsson pípulagningamaður, vinnur hjá Arnarlaxi á Patreksfirði, f. 2. ágúst 1970. Fyrrum kona hans Harpa Björgvinsdóttir.
2. Eydís Þórsdóttir, B.ed.-próf í stærðfræði, hefur diploma í opinberri stjórnsýslu, var um skeið deildarstjóri menntadeildar skólans á Patreksfirði, er nú launafulltrúi hjá Arnarlaxi þar, f. 26. apríl 1974. Maður hennar Halldór Traustason.
3. Sigurborg Þórsdóttir stöðvarstjóri Póstsins á Patreksfirði, f. 6. desember 1975. Maður hennar Jónas Birgisson.
Barn Margrétar og fósturbarn Þórs:
4. Jónína Kristín Ármannsdóttir ritari í Varmárskóla í Mosfellsbæ, f. 14. apríl 1967. Fyrrum maður hennar Böðvar Markan.

---

Heimildir

• Samantekt: Víglundur Þór Þorsteinsson.
• Íslendingabók.
• Eydís.
• Þór og Margrét.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---