Guðný Stefanía Karlsdóttir
Guðný Stefanía Karlsdóttir húsfreyja fæddist 30. apríl 1945 í Höfða á Húsavík og lést 8. mars 2022 í Hraunbúðum.
Foreldrar hennar voru Kristján Karl Stefánsson frá Hellulandi í S.-Þing., verkamaður, f. 11. maí 1897 á Fótaskinni (síðar Helluland) í Aðaldal, S.-Þing., d. 4. júní 1967, og kona hans Sigfríður Jónsdóttir húsfreyja, f. 10. júlí 1904 á Höskuldsstöðum í Reykjadal í S.-Þing., d. 21. september 1998.
Systir Guðnýjar í Eyjum er Margrét Karlsdóttir húsfreyja, f. 8. janúar 1930. Maður hennar var Friðþór Guðlaugsson frá Sólbergi, vélvirkjameistari, f. 11. október 1926 á Vegbergi, d. 19. júní 2004.
Guðný Stefanía flutti til Eyja 1961.
Þau Ingi Steinn giftu sig 1965, eignuðust þrjú börn. Þau bjuggu í fyrstu í Stíghúsi við Njarðarstíg 5, síðan í Breiðavík við Kirkjuveg 82, þá á Sólbergi við Brekastíg 3, en síðast á Foldahrauni 39. Þau bjuggu á Húsavík 1973-1974.
Guðný Stefanía dvaldi að síðustu í Hraunbúðum. Hún lést 2022.
I. Maður Guðnýjar Stefaníu, (30. apríl 1965), var Ingi Steinn Ólafsson sjómaður, f. 22. apríl 1942, d. 19. desember 2022.
Börn þeirra:
1. Sigfríður Björg Ingadóttir húsfreyja, f. 24. desember 1967. Maður hennar Ómar Stefánsson vélgæslumaður.
2. Árni Karl Ingason, f. 27. nóvember 1970.
3. Friðþór Vestmann Ingason þroskaþjólfi, sjúkraliði, f. 13. janúar 1979. Kona hans Ragnheiður Jónsdóttir þroskaþjálfi.
Heimildir
- Samantekt: Víglundur Þór Þorsteinsson.
- Heimaslóð.is.
- Íslendingabók.
- Morgunblaðið 19. mars 2022. Minning.
Þessi grein tilheyrir Æviskrám Eyjafólks eftir Víglund Þór Þorsteinsson.