Aðalbjörg Bergmundsdóttir (Borgarhóli)

Aðalbjörg Bergmundsdóttir.

Aðalbjörg Jóhanna Bergmundsdóttir húsfreyja, verkakona fæddist 22. desember 1919 á Strönd og lést 8. september 2003.
Foreldrar hennar voru Bergmundur Arnbjörnsson frá Presthúsum, síðar í Hvíld, sjómaður, bræðslumaður í Nýborg, f. 17. október 1884 í Klöpp, d. 21. nóvember 1952, og kona hans Elín Helga Björnsdóttir frá Miðbæ í Norðfirði, húsfreyja, f. 19. maí 1888 að Tjarnarlandi á Héraði, d. 7. ágúst 1963.

Börn Bergmundar og Elínar:
1. Laufey Bergmundsdóttir húsfreyja í Eyjum, f. 1. apríl 1911 í Brautarholti, d. 21. júní 1996.
2. Guðrún Hildur Bergmundsdóttir, f. 1. júní 1912 í Presthúsum, d. 1. júlí 1913 í Götu.
3. Helga Bergmundsdóttir húsfreyja á Patreksfirði, f. 17. júlí 1913 í Götu, d. 26. apríl 1952.
4. Björn Bergmundsson sjómaður, verkamaður í Eyjum, f. 26. september 1914 í Götu, d. 26. mars 1981.
5. Elísabet Sigþrúður Bergmundsdóttir húsfreyja á Norðfirði, f. 21. mars 1916 á Kirkjubæ, d. 10. júlí 1981.
6. Aðalbjörg Jóhanna Bergmundsdóttir húsfreyja, verkakona í Eyjum, f. 27. desember 1919 á Strönd, d. 8. september 2003.
7. Guðbjörg Bergmundsdóttir húsfreyja á Landagötu 18, Hólnum, síðast í Hafnarfirði, f. 15. nóvember 1922 í Sjávargötu, d. 10. október 2014.
8. Ása Bergmundsdóttir húsfreyja í Eyjum, á Dalvík og í Reykjavík, f. 2. maí 1926 í Sjávargötu, d. 28. nóvember 2004.
Fósturbörn Bergmundar og Elínar:
9. Birna Berg Bernódusdóttir húsfreyja, bankastarfsmaður í Hafnarfirði, dóttir Aðalbjargar, f. 8. september 1938 í Stakkholti.
10. Bergmundur Elli Sigurðsson trésmiður í Hafnarfirði, sonur Ásu, f. 15. apríl 1948 á Sjúkrahúsinu.

Aðalbjörg var með foreldrum sínum fram á unglingsár, í Sjávargötu 1920 og enn 1930, í Stakkholti 1934. Hún var vinnukona í Eyjum, á Norðfirði og í Reykjavík. Um skeið vann hún á Sjúkrahúsinu.
Þau Bernódus bjuggu í Stakkholti 1938 við fæðingu Birnu Berg, á Haukfelli 1939 við fæðingu Þorkels Birgis, í London 1940 við fæðingu Elínborgar og enn 1944 við fæðingu Jóhönnu. Þau bjuggu á Faxastíg 11, nú Nýja-Klöpp, 1946 við fæðingu Birgis.
Þau keyptu Borgarhól við Kirkjuveg 11 og bjuggu þar síðan. Þar fæddist Helgi 1949.
Þau Bernódus giftu sig 1941.
Bernódus lést 1957.
Eftir lát Bernódusar vann Aðalbjörg við ræstingar og fiskvinnslu í Fiskiðjunni.
Þau Magnús giftu sig 1962, bjuggu í Borgarhól til Goss, í Hafnarfirði til 1975, er þau fluttust til Eyja og bjuggu í London.
Þau eignuðust tvö börn, en skildu 1977.
Aðalbjörg bjó lengst á Þorvaldseyri við Vestmannabraut 35, vann ýmis störf fram yfir sjötugt. Frá árinu 2000 dvaldi hún í Hraunbúðum og lést 2003.

Aðalbjörg var tvígift.
I. Fyrri maður hennar, (24. apríl 1941), var Bernódus Þorkelsson vélstjóri, skipstjóri, f. 3. júní 1920, d. 11. febrúar 1957.
Börn þeirra:
1. Birna Berg Bernódusdóttir húsfreyja, bankastarfsmaður í Hafnarfirði, f. 8. september 1938 í Stakkholti.
2. Þorkell Birgir Bernódusson, f. 14. nóvember 1939 á Haukfelli, d. 1943 úr berklum.
3. Elínborg Bernódusdóttir húsfreyja, fiskverkakona í Eyjum, f. 4. desember 1940 í London.
4. Þóra Birgit Bernódusdóttir húsfreyja, verkakona, klinikdama í Eyjum, f. 8. desember 1942 í London, d. 26. janúar 2013.
5. Aðalbjörg Jóhanna Bernódusdóttir húsfreyja, útgerðarmaður í Eyjum, f. 28. júní 1944 í London.
6. Birgir Bernódusson stýrimaður, f. 4. apríl 1946 að Faxastíg 11, fórst með v/b Ver 1. mars 1979.
7. Helgi Bernódusson cand. mag. í íslensku og almennum málvísindum, skrifstofustjóri Alþingis, f. 6. ágúst 1949 á Borgarhól.
8. Jón Einarsson Bernódusson skipaverkfræðingur, forstöðumaður skipasviðs Siglingamálastofnunar, f. 18. febrúar 1952 á Sjúkrahúsinu.
9. Þuríður Bernódusdóttir húsfreyja, starfskona í Kaupmannahöfn, f. 13. nóvember 1954 á Sjúkrahúsinu.

II. Síðari maður Aðalbjargar, (26. maí 1962, skildu 1977), var Magnús Magnússon verslunarmaður, sjómaður, verkamaður, þúsund þjala smiður, f. 18. ágúst 1926, d. 27. júní 2018.
Börn þeirra:
1. Jóhannes Þórarinsson, f. 1. nóvember 1959. Hann varð kjörbarn Ásu Bergmundsdóttur systur Aðalbjargar, f. 2. maí 1926, d. 28. nóvember 2004, og Þórarins Kristjánssonar sjómanns, kaupmanns, f. 13. júní 1920, d. 11. janúar 1983.
2. Elín Helga Magnúsdóttir húsfreyja, skrifstofumaður í Eyjum og Reykjavík, f. 16. september 1963.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Morgunblaðið 20. september 2003. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---