Anna Regína Pálsdóttir (Miðgarði)

Anna Regína Pálsdóttir frá Miðgarði, húsfreyja, baðvörður fæddist 16. maí 1928 í Reykjavík.
Foreldrar hennar voru Páll Oddgeirsson kaupmaður, útgerðarmaður frá Ofanleiti, f. 5. júní 1888 í Kálfholti í Holtum, Rang., d. 24. júní 1971, og kona hans Matthildur Ísleifsdóttir frá Kirkjubæ, húsfreyja, f. 7. maí 1900, d. 29. ágúst 1945.

Börn Matthildar og Páls:
1. Richard Pálsson framkvæmdastjóri, f. 27. september 1920 í Miðgarði, d. 4. mars 1994.
2. Ísleifur Annas Pálsson skrifstofustjóri, forstjóri, f. 27. febrúar 1922 í Miðgarði, d. 14. desember 1996. Kona hans var Ágústa Jóhannsdóttir húsfreyja, f. 10. desember 1922 í Fagurlyst, d. 31. mars 2013.
3. Oddgeir Pálsson skrifstofumaður í Reykjavík, síðar fasteignasali í Los Angeles, f. 22. desember 1923 í Miðgarði.
4. Anna Regína Pálsdóttir húsfreyja, baðvörður, f. 16. maí 1928 í Reykjavík. Maður hennar var Sveinbjörn Hermann Þorbjarnarson loftskeytamaður, f. 4. apríl 1929 á Akureyri, d. 30. september 1979.
5. Bergljót Pálsdóttir húsfreyja, verslunarstjóri, skrifstofumaður á Akureyri, f. 19. janúar 1933 í Miðgarði. Maður hennar var Tryggvi Georgsson múrarameistari, f. 17. febrúar 1932 á Akureyri, d. 2. nóvember 2010.
Hálfbróðir þeirra er
6. Rúdólf Skaftason Pálsson viðskiptafræðingur, f. 7. október 1931, búsettur í Reykjavík.

Anna var með foreldrum sínum í æsku. Eftir lát móður sinnar 1945 sá hún um heimilið í nokkur ár.
Hún fluttist til Reykjavíkur 1948 og nam við Húsmæðraskóla Reykjavíkur. Síðan vann hún um skeið hjá Bókaverslun Lárusar Blöndals.
Hún fluttist með Hermanni til Akureyrar 1951, giftist honum þar og bjó þar til 1956, eignaðist með honum 5 börn.
Hermann lést 1979.
Anna starfaði árum saman við baðvörslu hjá Sundlauginni í Kópavogi. Hún býr nú í Kópavogi.

Maður Önnu Regínu, (2. júní 1951), var Sveinbjörn Hermann Þorbjarnarson loftskeytamaður, f. 4. apríl 1929 á Akureyri, d. 30. september 1979 í London. Foreldrar hans voru Þorbjörn Kaprasíusson sjómaður og vélstjóri á Akureyri, f. 5. október 1892, d. 26. september 1982, og kona hans Ingibjörg Herdís Sigtryggsdóttir frá Haga í S-Þing., húsfreyja, f. 6. júlí 1901, d. 21. september 1981.
Börn þeirra:
1. Matthildur Hermannsdóttir húsfreyja, framkvæmdastjóri í Reykjavík, f. 22. nóvember 1951 á Akureyri. Hún nam við Samvinnuskólann. Maður hennar er Sigbjörn Guðjónsson jarðfræðingur, kerfisfræðingur, f. 17. maí 1950.
2. Páll Hermannsson stýrimaður í Reykjavík, framkvæmdastjóri við hafnargerð í Nuk á Grænlandi, f. 18. febrúar 1953 á Akureyri. Fyrri kona hans var Jakobína Ingunn Ólafsdóttir skrifstofukona, f. 16. janúar 1956. Síðari kona hans er Anna Ólafsdóttir húsfreyja.
3. Björn Hermannsson flugvirki, framkvæmdastjóri, skrifstofumaður, f. 2. október 1955 á Akureyri. Kona hans er Berglind Helgadóttir sjúkraþjálfari, f. 22. september 1956 í Reykjavík.
4. Ingi Þór Hermannsson kerfisfræðingur, deildarstjóri hjá Samskipum. f. 25. mars 1961 í Reykjavík. Kona hans er Hulda Hallgrímsdóttir kennari, f. 29. júlí 1959 í Reykjavík.
5. Hermann Hermannsson viðskiptafræðingur, f. 11. febrúar 1969. Var um skeið sjónvarpsstjóri hjá Sýn, er nú bankafulltrúi. Kona hans er Bryndís Steinarsdóttir húsfreyja, f. 5. nóvember 1968.

---

Heimildir

• Samantekt: Víglundur Þór Þorsteinsson.
• Anna Regína Pálsdóttir.
• Íslendingabók.is.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---