Guðrún Bjarnadóttir (Strönd)

Guðrún Bjarnadóttir.

Guðrún Bjarnadóttir.

Guðrún Bjarnadóttir fæddist 13. janúar 1879 í Holtssókn, Rangárvallasýslu, og lést 17. nóvember 1954. Foreldrar Guðrúnar Bjarnadóttur voru Bjarni Jónsson, f. í Langholtssókn, Meðallandsþingi, V-Skaft. 1. desember 1830 d. 11. júlí 1900 og Guðrún Arnoddsdóttir, f. í Eyvindarhólasókn 30. apríl 1843 d. 9. nóvember 1901. Hún var ein tíu systkina.

Eiginmaður hennar var Ólafur Diðrik Sigurðsson frá Strönd og áttu þau 10 börn:

• Sigurður Gunnar, f. 19. maí 1903 d. 24. febrúar 1924
• Bjarni Júlíus, f. 1. júlí 1905 d. 13. maí 1981
• Guðrún, f. 27. október 1906 d. 19. desember 1995
• Einar, f. 1. maí 1910 d. 23. mars 1967
• Ingibjörg Sigríður, tvíburi við Einar, f. 1. maí 1910 d. 4. apríl 1913
• Guðrún Lilja, f. 30. júlí 1911 d. 2. apríl 1993
• Ingibjörg Gyða, f. 9. júlí 1914 d. 21. apríl 1951
• Jórunn Ella, f. 20. júlí 1918 d. 15. apríl 1942
• Guðný Unnur, tvíburi við Jórunni, f. 20. júlí 1918 dó ung.
• Erla Unnur, f. 22. nóvember 1922 d. 9. júní 1991.

Frekari umfjöllun

Guðrún Bjarnadóttir á Strönd, húsfreyja, fæddist 13. janúar 1879 í Ásólfsskála u. Eyjafjöllum og lést 17. nóvember 1954.

Faðir hennar var Bjarni bóndi í Ásólfsskála u. Eyjafjöllum 1870, f. 1. desember 1830, d. 11. júlí 1900, Jónsson bónda á Refsstöðum í Landbroti og Syðri-Steinsmýri í Meðallandi, f. 24. apríl 1797, d. 13. október 1839, Bjarnasonar bónda víða, en síðast og lengst í Mörk á Síðu, f. 1742 á Núpstað í Fljótshverfi, d. 10. september 1820, Jónssonar, og síðari konu Bjarna í Mörk, Bóelar húsfreyju, f. 1770, d. 22. september 1834, Jónsdóttur prests Brynjólfssonar.
Móðir Bjarna á Ásólfsskála og kona Jóns á Refsstöðum, (28. maí 1822), var Guðný húsfreyja, f. 17. október 1799, Árnadóttir bónda á Syðri-Steinsmýri, f. 1765 á Syðri-Fljótum í Meðallandi, d. 19. ágúst 1846 á Syðri-Steinsmýri, Halldórssonar, og konu Árna á Syðri-Steinsmýri, (1796), Elínar húsfreyju, f. 1776, d. 4. júlí 1846 á Syðri-Steinsmýri, Jónsdóttur.

Móðir Guðrúnar á Strönd og kona Bjarna Jónssonar í Ásólfsskála var Guðrún húsfreyja, f. 30. apríl 1843, d. 9. nóvember 1901, Arnoddsdóttir bónda, lengst í Hrútafellskoti u. Eyjafjöllum, f. 18. september 1796 í Drangshlíð þar, d. 29. mars 1883 í Seli í Landeyjum, Brandssonar bónda í Drangshlíð, f. 1743, d. 6. maí 1822, Einarssonar, og konu Brands, Margrétar húsfreyju, f. 1766, d. 19. febrúar 1853, Arnoddsdóttur.
Móðir Guðrúnar í Ásólfsskála og síðari kona, (14. júlí 1842), Arnodds Brandssonar var Jórunn húsfreyja í Hrútafellskoti, f. 1808 í Kirkjulækjarkoti í Fljótshlíð, Jónsdóttir bónda þar 1816, f. 1760, Jónssonar, og konu hans, Guðbjargar húsfreyju, f. 1770, d. 12. desember 1847, Jónsdóttur.

Börn Bjarna Jónssonar og Guðrúnar Arnoddsdóttur í Eyjum voru:
1. Jórunn Bjarnadóttir bústýra í Mandal, f. 9. janúar 1864 á Raufarfelli u. Eyjafjöllum, d. 7. maí 1945.
2. Elín Bjarnadóttir húsfreyja í Sigtúni, f. 20. nóvember 1865 í Klömbru u. Eyjafjöllum, d. 18. nóvember 1948.
3. Margrét Bjarnadóttir húsfreyja á Múla, f. 10. desember 1869, d. 2. október 1950.
4. Jóhanna Bjarnadóttir húsfreyja á Brimbergi, f. 16. mars 1874, d. 5. mars 1957.
5. Guðrún Bjarnadóttir húsfreyja á Strönd, f. 13. janúar 1879, d. 17. nóvember 1954.
6. Jón Bjarnason verkamaður í Sigtúni, f. 2. maí 1881, d. 28. nóvember 1963.
7. Bjarni Bjarnason útvegsbóndi, sjómaður á Hoffelli, f. 18. maí 1885, fórst 16. desember 1924.
Móðursystir barnanna, systir Guðrúnar Anoddsdóttur, var Gróa Arnoddsdóttir móðir
8. Önnu Tómasdóttur húsfreyju í Selkoti, móður
a. Hjörleifs Sveinssonar í Skálholti,
b. Tómasar Sveinssonar á Faxastíg 15 og
c. Sigfúsar Sveinssonar á Kirkjubæjarbraut 8.

Guðrún var með foreldrum sínum 1880, var niðursetningur í Ysta-Skála u. Eyjafjöllum 1890.
Hún fluttist frá Mið-Skála að Vesturhúsum 1901, giftist Ólafi 1904 og bjó á Strönd. Þau eignuðust 10 börn.
Ólafur lést 1944 og Guðrún 1954.

Maður Guðrúnar, (9. janúar 1904), var Ólafur Diðrik Sigurðsson útvegsbóndi, f. 12. febrúar 1881, d. 4. október 1944.
Börn þeirra:
Sjá ofar.

Myndir

• 
• 
• 
• 

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---