Sigurður Örn Karlsson
Sigurður Örn Karlsson frá Víðidal, vélaverkfræðingur fæddist þar 10. ágúst 1947.
Foreldrar hans voru Karl Óskar Jón Björnsson bakarameistari, f. 2. október 1899, d. 30. janúar 1954, og kona hans Guðrún S. Scheving húsfreyja, verkakona, f. 14. september 1915, d. 11. nóvember 1998.
Börn Guðrúnar og Karls:
1. Sigfús Helgi Scheving Karlsson, f. 30. apríl 1940. Kona hans Ásdís Ástþórsdóttir.
2. Björn Ívar Karlsson læknir, f. 24. apríl 1943, d. 29. júlí 2010. Fyrri kona hans Sigríður Þóranna Sigurjónsdóttir. Síðari kona hans Helga Jónsdóttir.
3. Stúlka, f. 15. maí 1946, d. nýfædd 1946.
4. Sigurður Örn Karlsson verkfræðingur, f. 10. ágúst 1947. Kona hans Margrét Vigdís Eiríksdóttir húsfreyja, f. 4. desember 1952.
5. Hrafn Karlsson vélvirkjameistari, f. 29. maí 1950. Kona hans Anna María Baldvinsdóttir.
6. Sesselja Karítas Scheving Karlsdóttir hjúkrunarfræðingur, f. 10. september 1954. Maður hennar Stefán Brandur Stefánsson, látinn.
Sigurður Örn var með foreldrum sínum fyrstu ár sín, en faðir hans lést 1954. Hann ólst upp með móður sinni og móðurföður í Heiðarhvammi.
Hann lauk námi í rennismíði í Eyjum 1972, fékk meistararéttindi 1978, lauk prófi í raungreinadeild Tækniskóla Íslands 1983 og fyrrihlutaprófi í vélaverkfræði í Aalborg Universitetscenter 1987.
Sigurður Örn var deildarstjóri véladeildar Hagvirkis 1987-1992, var sjálfstætt starfandi ráðgjafi 1992-1993. Hann var framkvæmdastjóri ISS-þjónustu 1993-1994 og stöðvarstjóri tjónaskoðunarstöðvar Sjóvá-Almennra trygginga hf. frá 1994-2006, þá varð hann öryggisstjóri hjá Arnarfelli á Eyjabökkum í 2-3 ár.
Hann réðst til Tryggingafélagsins Varðar og vann þar til starfsloka 69 ára.
Þau Margrét Vigdís giftu sig 1970, eignuðust þrjú börn. Þau bjuggu fyrstu mánuðina á Mosfelli, síðan í Sólhlíð 24 til Goss. Margrét Vigdís dvaldi í Kópavogi í Gosinu, en Sigurður Örn vann í Eyjum og þau bjuggu í Hásteinsblokkinni í fyrstu e. Gos. Þau keyptu þá íbúð að Skólavegi 26 1974, en síðasta heimilisfang þeirra var á Túngötu 28.
I. Kona Sigurðar Karls (28. ágúst 1970), er Margrét Vigdís Eiríksdóttir húsfreyja, f. 4. desember 1952.
Börn þeirra:
1. Sigfús Scheving Sigurðsson pípulagningamaður, f. 15. mars 1970 í Eyjum. Fyrrum sambúðarkona hans Alda Gísladóttir. Kona hans Elísabet Traustadóttir.
2. Eiríkur Sigurður Sigurðsson verslunarmaður, f. 8. september 1974 í Eyjum, ókvæntur.
3. Sigríður Sæunn Sigurðardóttir, f. 21. maí 1984 í Reykjavík. Hún er í doktorsnámi í málvísindum við Yale háskóla í Bandaríkjunum.
Heimildir
- Samantekt: Víglundur Þór Þorsteinsson.
- Íslendingabók.is.
- Sigurður Örn og Vigdís.
- Prestþjónustubækur.
- Verkfræðingatal. Ritstjóri: Þorsteinn Jónsson. Þjóðsaga ehf. 1996.
Þessi grein tilheyrir Æviskrám Eyjafólks eftir Víglund Þór Þorsteinsson.